Ташанов Абдухолиқ Дайновичнинг
фалсафа доктори(PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бузғунчи ғояларнинг миллий ўзликни англашга салбий таъсири», 09.00.04–Ижтимоий фалсафа (фалсафа фанлари).
Диссертация мавзуси рўйхатга олинган рақам: В2017.1.PhD/Fa15.
Илмий раҳбар: Назаров Қиём Нормирзаевич, фалсафа фанлар доктори, профессор.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.27.06.2017.F.01.05.
Расмий оппонентлар:Қодиров Анвар Қаҳҳорович, фалсафа фанлари доктори, профессор; Абилов Ўрал Муродович, фалсафа фанлари доктори, профессор.
Етакчи ташкилот: Тошкент давлат аграр университети.
Диссертация йўналиши: назарий аҳамиятга молик.
II. Тадқиқотнинг мақсади: бузғунчи ғояларнинг намоён бўлиш хусусиятлари, сабаблари ҳамда уларнинг миллий ўзликни англашга салбий таъсирини очиб бериш.
III. Тадқиқотнинг илмий янгилиги:
бузғунчи ғояларнинг турлари, таснифлари, мезонлари, тарихий ва замонавий хусусиятлари, категориал асосларини аниқлашга қаратилган янги услубий восита (бузғунчи ғояларнинг объекти, субъекти, мақсади, вазифаси, замон ва макони, сабаб ва оқибати, функцияси асосида) ишлаб чиқилган;
мафкуравий майдондаги бутун ҳодисалар тизими, агент (ғоя ташувчи) ҳамда контрагент (қарши курашувчи)ларнинг ижтимоий воқеликни идрок этиш ва баҳолаш муносабатлари очиб берилган;
мафкуравий майдоннинг ички динамикаси тамойиллари (даражаланиш, ўлчамлар, ўзгаришлар), унда амалга ошириладиган ғоя ва мафкураларнинг сегментацияси (ажратилиши), аккумуляцияси (қўшилиши), сегрегацияси (парчаланиши) асослаб берилган;
бузғунчи ғояларнинг миллий ўзликни англашга таъсири борасидаги ташкилий парадигмадаги ўзгаришлар тизими, умумтамаддун ва миллийлик муносабатларидаги барқарорликни издан чиқарувчи, ўзгартирувчи омилларнинг (тарихий яратувчанлик, тамаддун танлови) объектив қонуниятлари (ўзгаришлар, таҳдидларнинг муқаррарлиги) ва субъектив қонуниятлари (миллий ментал хусусиятлар) нисбати очиб берилган.
IV. Тадқиқот натижаларининг жорий қилиниши:
Бузғунчи ғояларнинг миллий ўзликка салбий таъсирининг олдини олиш, уларга қарши кураш бўйича ишлаб чиқилган ижтимоий-фалсафий таклифлар асосида:
бузғунчи ғояларнинг турлари, таснифлари, мезонлари, тарихий ва замонавий хусусиятлари, категориал асосларини аниқлашга қаратилган янги услубий восита борасидаги таклифлар бўйича Миллий ғоя ва мафкура илмий-амалий марказининг буюртмаси асосида «Бузғунчи ғояларнинг миллий ўзликка салбий таъсири» (Тошкент: Sano-standart, 2014. 7,75 б.т.), «Вайронкор ғоялар ва бузғунчи мафкуралар» (Тошкент: Turon zamin ziyo, 2015. 25 б.т.) номли китоблар нашр қилинган (Миллий ғоя ва мафкура илмий-амалий марказининг 2016 йил 21 июлдаги 285-сон маълумотномаси). Натижада бузғунчи ғояларнинг турлари, таъриф ва таснифлари, мезонлари, тарихий ва замонавий омиллари, уларнинг вайронкорлик хусусиятлари аниқланиб, тарғибот ишларининг самарадорлиги ошган;
ғоявий кураш, мафкуравий майдонлардаги ғоялар тизими, агентлар ва контрагентларнинг фаолияти, таъсир кўрсатиш чегаралари ва механизмлари, хавф-хатар кўламини аниқлаш, миллий ўзликни англашнинг жамиятнинг юксак ижтимоий ютуқларга эришишдаги аҳамиятига доир таклифлардан Ўзбекистон Миллий телерадиокомпанияси «Ўзбекистон» телеканалининг «Суҳбатдош» (2015 йил 22 август), «Нигоҳ» (2016 йил 21 апрель), «Маҳалла» телеканалининг «Икки йўл орасида» (2016 йил 18 апрель; 2016 йил 1 декабрь), «Теран илдизлар» (2016 йил 12 июнь), «Биламизку, аммо... » (2016 йил 22 сентябрь) кўрсатувлари сценарийларида фойдаланилган (Ўзбекистон Миллий телерадиокомпаниясининг 2016 йил 20 августдаги 01-12-1143-сон маълумотномаси). Мазкур таклифлар кўрсатувларнинг ғоявий таъсирчанлигини ошириб, мафкуравий иммунитетни кучайтириш имконини берган;
бузғунчи ғояларнинг мазмун-моҳияти, уларнинг ўзаро таъсирлашуви, ёшларда бузғунчи ғоялар, уларнинг салбий оқибатлари ҳақидаги билимларни шакллантириш, бузғунчи ғоялар объектига айланиш сабаблари, мафкуравий иммунитетни шакллантириш борасидаги таклифлардан «Камолот» ЁИҲ томонидан ташкил этилган турли давра суҳбатлари, семинарлар, тренинглар ва бошқа шаклдаги тарғибот-ташвиқот ишларида кенг фойдаланилган («Камолот» ЁИҲ Марказий кенгашининг 2016 йил 26 августдаги 12-13/1841-сон маълумотномаси). Бу мамлакатимиз ёшларининг бузғунчи ғоялар, уларнинг оқибатлари борасидаги билим даражаси, бузғунчи ғояларга қарши кураш самарасини ошириш, мафкуравий иммунитетни янада мустаҳкамлаш имконини берган;
бузғунчи ғояларни бартараф этиш механизмлари, уларнинг миллий ўзликни мустаҳкамлашдаги самарали йўллари ва воситалари борасидаги таклифлардан Республика Маънавият тарғибот марказида чора-тадбирлар дастурини тузиш ва унинг ижросини таъминлаш, Ўзбекистон Республикаси Вазирлар Маҳкамасининг 2016 йил 2 январдаги «Ақидапарастлик ва миссионерликка қарши кураш, конфессиялар ва миллатлараро ҳамкорлик ва бағрикенгликни таъминлаш борасидаги ишларнинг савияси ва таъсирчанлигини ошириш тўғрисида»ги 3-сон қарори юзасидан чора-тадбирлар Дастури ижросини таъминлашда фойдаланилган (Республика Маънавият тарғибот марказининг 2016 йил 22 июндаги 01/06-422-сон маълумотномаси). Натижаларнинг амалиётга жорий этилиши, хусусан, Ўзбекистоннинг бузғунчи ғояларга қарши кураш миллий стратегияси, «Аҳолида бузғунчи ғояларга қарши мафкуравий иммунитетни шакллантириш концепцияси» юзасидан берилган назарий хулосалар, амалий таклифлар халқимизнинг қалби, руҳияти, маънавий оламини турли бузғунчи ғоялар ва вайронкор мафкуралар таъсиридан ҳимоялаш, бу борадаги илмий-назарий қўлланмаларга бўлган эҳтиёжларни қондиришга хизмат қилди.
