Мухитдинова Камила Шаяхметовнанинг 
фалсафа доктори (PhD) диссертация ҳимояси ҳақида эълон 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ўсимлик композицияси асосида олинган гепатопротектор воситасини ишлаб чиқиш ва стандартлаш», 15.00.02 – Фармацевтик кимё ва фармакогнозия (фармацевтика фанлари).
Диссертация мавзуси рўйхатга олинган рақам: В.2019.4.PhD/Far57.
Илмий раҳбар: Убайдуллаев Қудратилла Асатиллаевич, кимё фанлари номзоди, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Урманова Флюра Фаридовна, фармацевтика фанлари доктори, профессор; Нишанбоев Собир Зарипбоевич, фармацевтика фанлари номзоди.
Етакчи ташкилот: «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий ўсимлик хомашёсидан гепатопротектор таъсирига эга бўлган экстракт ва унинг асосида биологик фаол қўшимчаларни ишлаб чиқиш ва стандартлаштириш усулларини назарий ва экспериментал асослашдан иборат. 
III. Тадқиқотнинг илмий янгилиги:
«Гепафит» суюқ экстракти, «Гепатен» қуруқ экстракти ва «Гепатен» қобиқ билан қопланган таблеткалар таркибидаги биологик фаол моддалар сифатини назорат қилиш усуллари: флавоноидлар йиғиндиси кверцетинга қайта ҳисобланди ва глицирризин кислотасининг миқдорий таҳлил усули ишлаб чиқилган;
экстрактлар ва улар асосидаги биологик фаол қўшимчаларнинг сифатини назорат қилишнинг юқори самарали суюқлик хроматографияси ва спектрофотометрия усуллари ишлаб чиқилган;
объект сифатида қўлланилган дори воситалар ва биологик фаол қўшимчалар учун  таклиф этилган миқдорий таҳлил усуллари ICH Topic Q 2 (R1) «Validation of Analitical Procedures: Text and Methodology» талаблари бўйича валидация қилинган; 
«Гепафит» суюқ экстракт ва «Гепатен» таблеткаларнинг  фармакологик  синовлари ўтказилиб, гепатопротекторлик фаоллиги аниқланган.
IV. Тадқиқот натижаларининг жорий қилиниши: 
Ўсимлик композицияси асосида гепатопротектор воситасини ишлаб чиқиш ва стандартлаш бўйича олинган илмий натижалар асосида:
«Гепатен» қуруқ экстракти учун вақтинча фармакопея мақола  лойиҳаси «Дори воситалари, тиббий буюмлар ва тиббий техника экспертизаси ва стандартлаштириш Давлат Маркази» ДУКга рўйхатдан ўтказиш учун тақдим этилган (Ўзбекистон Республикаси Соғлиқни сақлаш  вазирлигинг 2018 йил 15 октябрдаги 8н-3/280-сон хати; «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУКнинг 2020 йил 15 октябрдаги 29/01-408-сон хати). Натижада, ушбу фармакопея мақоласининг тасдиқланиши жигар касалликларини даволаш учун дори воситалар ва биологик фаол қўшимчалар  учун субстанция ишлаб чиқиш имконини беради;
«Гепафит» биологик фаол қўшимча учун техник шартлар тасдиқланган (ТS 25368758-001:2017) ҳамда уни ишлаб чиқариш бўйича технологик йўриқнома Ўзбекистон Республикаси Давлат санитария-эпидемиология назорати маркази томонидан тасдиқланган (ТИ 25368758-001:2017). Натижада, “Pharm Quality Systems” МЧЖда гепатопротектор таъсирга эга бўлган «Гепафит» биологик фаол қўшимчани ишлаб чиқариш имконини берган;
«Гепатен» биологик фаол қўшимча учун техник шартлар тасдиқланган (TS 25368758-001:2018) ҳамда уни ишлаб чиқариш бўйича технологик йўриқнома Ўзбекистон Республикаси Давлат санитария-эпидемиология назорати маркази томонидан тасдиқланган (ТИ 25368758-001:2018). Натижада, маҳаллий хомашёлар асосида жигар хасталликларида қўлланиладиган биологик фаол қўшимчалар ассортиментини кенгайтириш  имконини берган.