Игамбердиев Анваржон Уктамовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Тупроққа минимал ишлов берувчи комбинациялашган агрегат пушта олгичининг параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2018.2.PhD/T813.
Илмий раҳбар: Бойметов Рустам Исаевич, техника фанлари доктори, профессор.
Диссертация бажарилган муассаса номи: Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Имомқулов Қутбиддин Боқижонович, техника фанлари доктори, катта илмий ходим, Абдувахобов Дилшод Абдувахидович, техника фанлари бўйича фалсафа доктори (PhD).
Етакчи ташкилот: Қишлоқ хўжалиги техника ва технологияларини сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тупроққа минимал ишлов берадиган комбинациялашган агрегат пушта олгичининг кам энергия сарфлаган ҳолда юқори иш сифатини таъминлайдиган тури ва параметрларини асослашдан иборат.
III. Тадқиқотнинг илмий янгилиги:
комбинациялашган агрегат пушта олгичининг тури ва конструктив схемаси ишлаб чиқилган ҳамда унинг технологик иш жараёни асосланган;
комбинациялашган агрегат пушта олгичининг тупроқ билан ўзаро таъсирлашиш ҳамда пушта олиш жараёнларини ифодаловчи математик моделлар унинг параметрлари (диаметри, эгрилик радиуси, ҳаракат йўналишига нисбатан ўрнатилиш бурчаги) ва ҳаракат тезлигини ҳисобга олган ҳолда олинган; 
комбинациялашган агрегат пушта олгичи параметрларининг ўзгариш чегаралари сферик диск кесаётган тупроқ палахсасининг шакли ва ўлчамларини ҳисобга олган ҳолда келтириб чиқарилган аналитик ифодалар асосида аниқланган;
пушта олгич параметрларининг талаб даражасидаги иш сифатини кам энергия сарфлаган ҳолда таъминлайдиган мақбул қийматлари комбинациялашган агрегатнинг 
агротехник ва энергетик иш кўрсаткичларини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши. 
Тупроққа минимал ишлов берувчи комбинациялашган агрегат пушта олгичининг параметрларини асослаш бўйича олинган натижалар асосида:
ғўзапояси юлиб олинган далаларда ерларни пуштали экишга тайёрлаш бажарилишининг сифат кўрсаткичларини баҳолаш учун дастлабки талаблар ва тупроққа минимал ишлов берадиган комбинациялашган агрегат конструкциясини лойиҳалашга техник топшириқ ишлаб чиқиган (Қишлоқ хўжалиги вазирлигининг 2020 йил 3 февралдаги 02/027-337-сон маълумотномаси). Натижада тупроққа минимал ишлов бериш орқали ерларни пуштали экишга тайёрлайдиган комбинациялашган агрегат конструкциясини ишлаб чиқиш имкони яратилган;
ғўзапояси юлиб олинган далаларда ерларни пуштали экишга тайёрлаш учун ишлаб чиқилган тупроққа минимал ишлов берадиган комбинация-лашган агрегат Андижон вилояти Қўрғонтепа тумани, Тошкент вилояти Янгийўл ва Қуйичирчиқ туманлари фермер хўжаликларида жорий этилган (Қишлоқ хўжалиги вазирлигининг 2020 йил 3 февралдаги 02/027-337-сон маълумотномаси). Натижада ишлов берилган қатламда ўлчами 50 мм дан кичик бўлган фракциялар миқдори 82,4 фоиз, ҳосил қилинган пушталар баландлиги эса 24,7 см ни бўлишига эришилган;
тупроққа минимал ишлов берадиган комбинациялашган агрегат ишлаб чиқаришни ўзлаштириш учун лойиҳа-конструкторлик ҳужжатлари (техникавий шартлар ва чизмалар) «BMKB-Agromash» АЖ да лойиҳалаш жараёнига жорий этилган (Қишлоқ хўжалиги вазирлигининг 2020 йил 3 февралдаги 02/027-337-сон маълумотномаси). Натижада тупроққа минимал ишлов бериб ерларни пуштали экишга тайёрлайдиган комбинациялашган агрегат ишлаб чиқариш имкони яратилган.