Миррахимова Танзила Ахроровнанинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Тўқ қизил эхинацея ва тиканли артишок ўсимликлари асосида олинган янги дори препаратларини стандартлаш», 15.00.02 – Фармацевтик кимё ва фармакогнозия (фармацевтика фанлари).
Диссертация мавзуси рўйхатга олинган рақам: В2019.1.DSc/Far22.
Илмий маслаҳатчи: Олимов Немат Каюмович, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти. 
ИК фаолият кўрсатаётган муассаса номи, ИК рақами: Тошкент фармацевтика институти, DSc.04/30.12.2019.Far.32.01.
Расмий оппонентлар: Комилов Хожиасрор Масудович, фармацевтика фанлари доктори, профессор; Рамазанов Нурмурод Шералиевич, кимё фанлари доктори, профессор; Матчанов Алимжон Давлатбоевич, кимё фанлари доктори.
Етакчи ташкилот: «Дори воситалари, тиббий буюмлар ва тиббий техника экспертизаси ва стандартизацияси давлат маркази» ДУК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: доривор ўсимлик хомашёлари асосида  олинган янги гепатопротектор ва ўт ҳайдовчи таъсирга эга бўлган дори воситаларининг сифатини назорат қилиш ҳамда уларни стандартлаш учун  замонавий таҳлил усулларини ишлаб чиқишдан иборат.
III. Тадқиқотнинг илмий янгилиги:
илк бор маҳаллий тўқ қизил эхинацея ва тиканли артишок ўсимликлари хомашёси асосида  олинган қуруқ ва суюқ экстрактларнинг таркибида БФМларидан флавоноидлар, аминокислоталар, аскорбин кислотаси, витаминлар, макро- ва микроэлементлар, моносахаридлар, ошловчи моддалар  аниқланган;
тўқ қизил эхинацея қуруқ экстракти сифатини баҳолаш ҳамда стандартлашнинг юқори самарали суюқлик хроматографияси, масс-спектрометрия усуллари ишлаб чиқилган;
суюқ экстракт сифатини ультрабинафша ва масс-спектроскопия усуллари асосида баҳолаш ҳамда стандартлашнинг мақбул услублари ишлаб чиқилган;
«Цинарон Био» 450 мг ли капсулаларининг чинлиги ва миқдорий таҳлилини олиб бориш  учун юқори самарали суюқлик хроматография усули ишлаб чиқилган ҳамда оксидолчин кислоталари йиғиндиси хлороген кислотасига нисбатан стандартлаш меъёрлари ишлаб чиқилган;
тиканли артишок асосида ишлаб чиқилган «Гепатонорм» БФҚсининг сифат меъёрлари белгиланган ва унинг биологик самарадорлиги ҳамда безарарлиги аниқланган.
IV. Тадқиқот натижаларининг жорий қилиниши. 
Тўқ қизил эхинацея ва тиканли артишок ўсимликлари асосида олинган янги дори препаратларини стандартлаш бўйича олинган илмий натижалар асосида: 
«Қуритилган тиканли артишок баргларидан сувли спиртли экстракт олиш усули»га Ўзбекистон Республикаси Интеллектуал мулк агентлигининг  ихтиро патенти олинган (№IAP 05409, 12.05.2017 й). Натижада, маҳаллий тиканли артишок асосида суюқ экстрактии янги усулда ишлаб чиқариш имконини берган;
«Цинарон Био» 450 мг капсулалари учун корхона фармакопея мақоласи  «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК томонидан тасдиқланган (КФМ 42 Уз-22175941-2999-2016) ва тиббиётда қўллашга рухсат этилган (гувоҳнома, №01214/12/16). Натижада, маҳаллий тиканли артишок хомашёсидан олинган гепатопротектор ва сафро ҳайдовчи дори воситалари ассортиментини кенгайтириш имконини берган;
«Гепатонорм» биологик фаол қўшимчалар учун Техник шартлар тасдиқланган (Тs 15005859-09:2018) ҳамда уни ишлаб чиқариш бўйича Технологик йўриқнома Ўзбекистон Республикаси Давлат санитария-эпидемиология назорати маркази томонидан тасдиқланган (ТИ 15005859-09:2018). Натижада, «АKTASH» хусусий фармацевтик ишлаб чиқариш корхонасида «Гепатонорм» фильтр-пакетчали чойи ва настойкаси биологик фаол қўшимча ишлаб чиқариш имконини берган;
«Remedy Group» Ўзбек-Британия қўшма корхонаси билан ҳамкорликда «Цинарон Био» 450 мг капсулалари учун ишлаб чиқилган тажриба саноат регламенти тасдиқланган (ОПР 08378-422888261-2016). Натижада, мазкур тажриба саноат регламентининг тасдиқланиши гепатопротектор ва сафро ҳайдовчи таъсирга эга дори воситасининг сифатини белгиловчи меъёрий ҳужжатларни ўрнатилган тартибда ишлаб чиқиш  имконини берган.