Абидова Азиза Джалиловнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Регенератив фаолликка эга жароҳат композициясини яратиш», 03.00.11 – Гистология, цитология ва хужайра биологияси (биология фанлари). 
Диссертация мавзуси рўйхатга олинган рақам: В2020.2.PhD/В458.
Илмий раҳбар: Цеомашко Наталья Евгеньевна, биология фанлари доктори.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: Ўзбекистон Миллий университети Биофизика ва биокимё институти ҳузуридаги DSc.03/30.12.2019.В.01.13 рақамли илмий кенгаш асосидаги бир марталик илмий кенгаш.
Расмий оппонентлар: Шахмурова Гульнара Абдуллаевна, биология фанлари доктори, профессор; Хашимова Зайнат Саттаровна, биология фанлари доктори.
Етакчи ташкилот: Тошкент фармацевтика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: антимикроб, антиоксидант ва регенератив фаолликка эга, биологик фаол компонентлар қўшилган коллаген асосли, бутунлай парчаланадиган, биомос келадиган, кўп функцияли жарохат қопламаларининг янги композицияларини яратишдан иборат.
III. Тадқиқотнинг илмий янгилиги:
биринчи марта коллаген асосидаги полифункционал, биологик мослашувчан, парчаланадиган, токсик бўлмаган, жароҳатларни боғлайдиган, ўсимликлардан олинадиган биологик фаол компонентлар филлалбин алкалоиди, флавоноид кверцетин, кверцетин гликозиди рутин ва Rumex сonfertus (Rc) экстракти билан янги композициялар олинган; 
жароҳат қопламалари учун биологик фаол қўшимчаларнинг самарали концентрацияси аниқланди: 12,5–25 мкг/мл филлалбин алколоиди фибробластларнинг пролиферациясини чақиради, 150 мкг/мл кверцетин ва рутин, антиоксидант ва жароҳатни даволаш самарасини беради, 50 мкг/мл R.confertus ўсимлик экстракти фибробластларнинг пролиферациясини стимуллайди ва патоген микроорганизмларнинг кўпайишини олдини олган;
йирингли ва куйган жароҳатларнинг тикланишини 1,49–1,73 марта тезлаштириш имконини берадиган антимикроб, антиоксидант ва регенератив фаолликка эга бўлган композициялар аниқланган;
каламуш ва қорамол коллагенига асосланган жароҳат қопламалари композицияларининг физик-кимёвий, фармако-токсикологик ва тиббий биологик кўрсаткичлари нуқтаи назаридан характеристикаси берилган.
IV. Тадқиқот натижаларининг жорий қилиниши.
Регенератив фаолликка эга биологик фаол компонентлар билан коллаген асосида кўп функцияли жарохат қопламалар композицияларини яратиш бўйича олинган натижалар асосида:
тажрибалардаги хайвонлар ошқозонида жарохат моделларига биологик фаол компонентларнинг гастропротектор таъсири №И-6-ФА-ТО31 «Бўшаштириш хусусиятига эга «Равонол» биологик фаол қўшимчасини серияли ишлаб чиқаришни ташкил этиш» инновацион лойиҳасида ушбу препаратнинг хоссаларини аниқлашда фойдаланилган (Ўзбекистон Республикаси Фанлар академиясининг 2020 йил 14 октябрдаги 4/1255-2195-сон маълумотномаси). Натижада, ушбу препарат тиббиётда жарохатга қарши таъсирга эга восита сифатида фойдали эканлиги кўрсатилди; 
биологик фаол компонентларнинг турли генездаги жарохатларга (йирингли жарохат, куйиш) даволовчи таъсири №И-6-ФА-ТО31 «Бўшаштириш хусусиятига эга «Равонол» биологик фаол қўшимчасини серияли ишлаб чиқаришни ташкил этиш» инновацион лойиҳасида ушбу препаратнинг регенератив хусусиятларини аниқлашда жорий этилган (Ўзбекистон Республикаси Фанлар академиясининг 2020 йил 14 октябрдаги 4/1255-2195-сон маълумотномаси). Натижада ушбу препаратни тиббиётда регенератив фаолиятга эга восита сифатида фойдаланиш имконини берган.