Мирсаидова Умида Акмаловнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «АКТГ га боғлиқ Кушинг синдроми қайталанишининг клиник-гормонал аспектларини оптималлаштириш», 14.00.03 –Эндокринология (тиббиёт фанлари).
Диссертация мавзуси рўйхатга олинган рақам: В2019.3.РhD/Tib1035.
Илмий раҳбар: Халимова Замира Юсуфовна, тиббиёт фанлари доктори, профессор
Диссертация бажарилган муассаса номи: академик Ё.Х.Тўрақулов номидаги Республика ихтисослаштирилган эндокринология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.02.
Расмий оппонентлар: Нажмутдинова Дилором Камартдиновна, тиббиёт фанлари доктори, профессор; Махкамов Козим Эргашевич, тиббиёт фанлари доктори, профессор.
Етакчи ташкилот: Андижон давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: гипофиз кортикотроп аденомаси  сабабли беморларда десмопрессинли синама қўллаш орқали транссфеноидал гипофиз аденомэктомияси самарадорлигини бахолаш ҳамда касаллик қайталанишларини башорат қилишдан иборат.
III. Тадқиқотнинг илмий янгилиги:
Илк марта адренокортикотроп гормонга боғлиқ Кушинг синдромли беморларда десмопрессин синамани қўллаш орқали гипофизда қолдиқ неопластик кортикотрофларни мавжудлиги билан касалликни қайталаниши орасидаги боғлиқлик аниқланган;
десмопрессин синамаси фонида   АКТГ ва кортизол кўрсаткичларининг ошиши касаллик   қайталанишининг прогностик маркери сифатида  исботланган;
десмопрессин фонида олинган жаррохлик амалиётидан кейинги даврда анъанавий усул ва  десмопрессинли синама натижалари билан таққослаган ҳолда  транссфеноидал гипофиз аденомэктомияси  самарадорлиги исботланган;
жаррохлик амалиётидан кейинги даврда рецидивга олиб келувчи  хавф омиллари аниқланган. 
IV. Тадқиқот натижаларининг жорий қилиниши. 
Адренокортикотроп гормонига боғлиқ Кушинг синдроми қайталанишининг клиник-гормонал аспектларини оптималлаштириш бўйича олиб борилган тадқиқотнинг илмий натижалари асосида:
«Десмопрессин тестини қўллаш билан АКТГ-боғлиқ бўлган Кушинг синдроми қайталанишини башоратлаш» услубий тавсияномаси тасдиқланган (Соғлиқни сақлаш вазирлигининг 2020 йил 15 июндаги 8н-р/153-сон маълумотномаси). Мазкур услубий тавсиянома десмопрессинли синама адренокортикотроп гормонига боғлиқ Кушинг синдроми транссфеноидал гипофиз аденомэктомиясидан кейинги амалиётини самарадорлигини эрта аниқлаш, турғун ремиссия ёки рецидив ҳолатларини баҳолаш имконини берган;
Адренокортикотроп гормонига боғлиқ Кушинг синдроми қайталанишининг клиник-гормонал аспектларини оптималлаштириш бўйича олинган илмий натижалар соғлиқни сақлаш амалиётига, жумладан, Самарқанд ва Бухоро вилоятларининг эндокринология диспансерларининг клиник амалиётига тадбиқ этилган (Соғлиқни сақлаш 2020 йил 17 декабрь 8н-з/193-сон маълумотномаси). Олинган натижаларнинг амалиётга жорий қилиниши адренокортикотроп гормонига боғлиқ Кушинг синдромли беморларда транссфеноидал гипофиз аденоэктомиясидан кейин десмопрессинли синамани ўтказиш гипофизда қолдиқ неопластик кортикотрофларни мавжудлигини аниқлаш, рецидивга мойиллик қай даражада эканлигини ташхислаш, касалликда жаррохлик амалиётининг самарадорлигини баҳолаш, шунингдек, ундан кейин адренокортикотроп  ва кортизол гормонларининг организмда ошиши қайта  жаррохлик амалиёти, нур  даволаш ёки икки томонлама адреналэктомия тартибини белгилаш ҳамда касалликнинг асоратларни олдини олиш имконини берган.