Ибрагимов Авазбек Бахтияровичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Супрамолекуляр комплекс ҳосил қилиш орқали сувда қийин эрийдиган биофаол моддаларни биофармацевтик мақбуллаштириш», 02.00.10 – Биоорганик кимё, 15.00.02 – Фармацевтик кимё ва фармакогнозия (кимё фанлари).
Диссертация мавзуси рўйхатга олинган рақам: B2020.4.PhD/K348.
Илмий раҳбарлар: Ашуров Жамшид Менгнорович, кимё фанлари доктори, катта илмий ходим; Дусматов Азиз Файзаматович, фармацевтика фанлари доктори, доцент.
Диссертация бажарилган муассаса номи: Биоорганик кимё институти.
ИК фаолият кўрсатаётган муассаса номи, ИК рақами: Биоорганик кимё институти ҳузуридаги DSc.02/30.12.2019.K/В.37.01 рақамли илмий кенгаш асосидаги бир марталик илмий кенгаш.
Расмий оппонентлар: Юлдашев Хабибулла Абдурасулевич, кимё фанлари номзоди, катта илмий ходим; Тиллаева Гулнора Урунбаевна, техника фанлари доктори, профессор.
Етакчи ташкилот: Ўзбекистон кимё-фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: супрамолекуляр комплекс ҳосил қилиш орқали сувда қийин эрийдиган биофаол моддаларни биофармацевтик мақбуллаштириш усулини ишлаб чиқишдан иборат.
III. Тадқиқотнинг илмий янгилиги:
ДНБКнинг металл комплекслари (2) ва органик тузлари (2) ҳамда бензокаиннинг β-ЦД (1), лагохилиннинг γ-ЦД (1), β-ГП-ЦД (1) ва γ-ГП-ЦД(1) билан ҳосил қилган клатратларидан иборат бўлган 8 та янги модда синтез қилинган;
янги олинган 6 модданинг монокристалл кўринишида олиниши ва уларнинг молекуляр ва кристалл тузилишлари аниқланган;
ДНБК ва ЭДAнинг аралаш-лигандли рух комплексининг моноклиник ва орторомбик полиморф модификациялари синтез қилинган;
ДНБКнинг МЭA билан ҳосил қилган органик тузининг янги моноклиник полиморфи олинган;
Хиршфелд сиртини ҳисоблаш орқали ДНБК ва ЭДАнинг аралаш-лигандли рух комплексининг иккита полиморф модификацияси кристалларида аниқланган молекулалараро контактларнинг турлар бўйича тақсимоти аниқланган.
IV. Тадқиқот натижаларининг жорий қилиниши.
Супрамолекуляр комплексларнинг синтези, тузилиши, сувда эрувчанлиги ва биофармацевтик хусусиятларини аниқлаш бўйича олинган илмий натижалар асосида:
супрамолекуляр комплекс ҳосил қилиш орқали сувда қийин эрийдиган биологик фаол моддаларни биофармацевтик мақбуллаштириш усули №ВА-ФА-Ф7-004 “Биологик фаол бирикмаларнинг металл комплекслари тузилишига ҳароратнинг таъсирини ўрганиш” лойиҳасида муайян биофаолликка эга бўлган янги аралаш-лигандли координацион бирикмаларни олишда фойдаланилган (Ўзбекистон Республикаси Фанлар академиясининг 2021 йил 5 февралдаги 18/1255-348-сон маълумотномаси). Натижада, ишлаб чиқилган усул биофаол дори воситаларини яратиш имконини берган;
синтез қилинган супрамолекуляр комплекслардан 5 тасининг тузилиши Англиядаги маълумотлар базаси – Кембридж структуравий маълумотлар банкига киритилган (The Cambrige Structural Database, https://www.ccdc.cam. ac.uk/solutions/csd-system/components/csd/). Натижада, банкка қўшилган янги моддалар ўхшаш бирикмаларни синтез қилиш имконини берган.
