Begjanova Kamila Usnatdinovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Kuchsiz additiv funksionallar fazosi affin gomeomorfizmlari va ularning tatbiqlari», 01.01.01 – Matematik analiz (fizika-matematika fanlari).
Dissertatsiya mavzusi ro‘yxatga olingan raqam: B2018.2.PhD/FM205.
Ilmiy rahbar: Kudaybergenov Karimbergen Kadirbergenovich, fizika-matematika fanlari doktori, professor.
Dissertatsiya bajarilgan muassasa nomi: Qoraqalpoq davlat universiteti.
IK faoliyat ko‘rsatayotgan muassasa nomi, IK raqami: Matematika instituti, DSc.02/30.12.2019.FM.86.01.
Rasmiy opponentlar: Zaitov Adilbek Ataxanovich, fizika-matematika fanlari doktori, professor; Jamilov Uyg‘un Umurovich, fizika-matematika fanlari doktori, katta ilmiy xodim.
Yetakchi tashkilot: O‘zbekiston milliy universiteti. 
Dissertatsiya yo‘nalishi: nazariy ahamiyatga molik.
II. Tadqiqotning maqsadi: kuchsiz additiv tartibni saqlovchi normalangan funksionallar fazosi va uning qavariq qism fazolarining affin gomeomorfizmlarini tavsifini aniqlashdan iborat. 
III. Tadqiqotning ilmiy yangiligi:
kuchsiz additiv tartibni saqlovchi normalangan funksionallar fazosi  haqiqiy chegaralangan o‘lchovli funksiyalar sinfining Banax fazosi birlik sharining o‘ng qismiga affin gomeomorf ekanligi isbotlangan;
yarim additiv funksionallar fazosining yuqori chegarasini saqlovchi affin gomeomorfizmining va kompaktda berilgan sig‘imlar fazosining panjaraviy affin gomeomorfizmining aniq ko‘rinishi topilgan; 
kompakt fazodagi metrikaning ushbu kompaktdagi yarim  additiv funksionallar fazosiga davomi bo‘ladigan metrika aniqlangan; 
kuchsiz additiv tartibni saqlovchi normalangan funksionallar fazosi metrik fazo bo‘lishi isbotlangan.
IV. Tadqiqot natijalarining joriy qilinishi.
Kuchsiz additiv funksionallar fazosi affin gomeomorfizmlari va ularning tatbiqlari bo‘yicha olingan ilmiy natijalar asosida:
kuchsiz additiv tartibni saqlovchi normalangan funksionallar fazosini tavsifidan 
№17-51-12064 raqamli «Optimal boshqarish masalalari va differensial tenglamalar nazariyasidagi tartib bilan muvofiqlashuvchi operatorlar» mavzusidagi xorijiy grant loyihasida vektor panjaralardagi additiv operatorlarni tadqiq qilishda foydalanilgan (K.L.Xetagurov nomidagi Shimoliy Osetiya davlat universitetining 2021 yil 1 martdagi ma’lumotnomasi). Ilmiy natijaning qo‘llanilishi vektor panjaralardagi ortogonal additiv operatorlarning tartibli chegaralanganligini isbotlash imkonini bergan;
kuchsiz additiv funksionallar fazosi va uning qism fazolarining affin gomeomorf ekanligidan №F-4-42 raqamli «Yarim additiv r-silliq va Radon funksionallari fazosining kardinal va topologik xossalari» mavzusidagi fundamental ilmiy loyihada Radon funksionallar fazosining muhim invariantlaridan bo‘lgan salmog‘ini aniqlashda  foydalanilgan (O‘zbekiston Respublikasi Oliy va o‘rta maxsus ta’lim vazirligining 2020 yil 30 oktyabrdagi 89-03-4303-son ma’lumotnomasi). Ilmiy natijaning qo‘llanilishi Radon fazolari kategoriyasida harakatlanuvchi kuchsiz additiv funksionallarning topologik, kategorik, geometrik va kardinal xossalarini tadqiq qilish imkonini bergan.