Turgunov Ilxom Turgunovichning

doktorlik dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Ichki ishlar idoralari xodimlarida inson huquqlari madaniyatini yuksaltirish», 12.00.01–Davlat va huquq nazariyasi va tarixi. Huquqiy ta’limotlar tarixi (yuridik fanlar).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /LA № 0001613/.

Dissertatsiya mavzusi ro‘yxatga olingan raqam: 30.09.2014/B2014.5.Yu74.

Dissertatsiya bajarilgan muassasa nomi: O‘zbekiston Respublikasi Ichki ishlar vazirligi Akademiyasi.

IK faoliyat ko‘rsatayotgan muassasa (muassasalar) nomi, IK raqami: O‘zbekiston Respublikasi Prezidenti huzuridagi Davlat boshqaruvi akademiyasi, 14.07.2016.Yu.30.01.

Ilmiy maslahatchi: Saidov Akmal Xolmatovich, yuridik fanlar doktori.

Rasmiy opponentlar: Toshqulov Jo‘raboy O‘rinboevich, yuridik fanlar doktori, professor; Tulyaganov Abdumannop Abdujabborovich, yuridik fanlar doktori, dotsent; Muxitdinova Feruza Abdurashidovna, yuridik fanlar doktori, dotsent.

Etakchi tashkilot: O‘zbekiston Respublikasi Bosh prokuraturasining Oliy o‘quv kurslari.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: ichki ishlar organlari xodimlarida inson huquqlari madaniyatini yuksaltirish bo‘yicha taklif va tavsiyalar ishlab chiqishdan iborat.

III. Tadqiqotning ilmiy yangiligi:

«huquqiy madaniyat» va «inson huquqlari madaniyati» tushunchalarining o‘zaro aloqadorligi va farqli jihatlari asoslangan hamda «ichki ishlar organlari xodimlarining inson huquqlari madaniyati» tushunchasining mohiyati huquqiy-falsafiy jihatdan aniqlashtirilgan;

ichki ishlar organlari xodimlarining inson huquqlari madaniyati tushunchasi siyosat, falsafa va etika kategoriyalari bilan aloqadorligi  asoslangan;

ichki ishlar organlari xodimlarining inson huquqlari madaniyatini yuksaltirish omillaridan biri sifatida jamoatchilik nazoratini amalga oshirish yuzasidan jamoatchilik nazorati to‘g‘risidagi tegishli normalarni joriy qilish asoslangan;

ichki ishlar organlari xodimlarining inson huquqlariga rioya etishini ta’minlashning huquqiy asoslarini takomillashtirish maqsadida «Ichki ishlar organlari to‘g‘risida»gi Qonunga «qonuniylik» «fuqarolarning huquqlari, erkinliklari va qonuniy manfaatlariga rioya etish va ularni hurmat qilish» hamda«ochiqlik va shaffoflik» prinsiplarini kiritish asoslangan;

ichki ishlar organlari xodimlari tomonidan xizmat intizomi va qonun hujjatlari talablari buzilishining oldini olish, sabab va shart-sharoitlarini bartaraf etish, ularni inson huquq va erkinliklariga qat’iy rioya qilish ruhida tarbiyalash uchun ichki ishlar organlari xodimlarining odob-axloq qoidalari ishlab chiqilgan;

ichki ishlar organlari xodimlarida inson huquqlari madaniyatini shakllantirish va yuksaltirish jarayoniga salbiy ta’sir qiluvchi omillarni bartaraf etish bo‘yicha taklif va tavsiyalar ishlab chiqilgan.

IV. Tadqiqot natijalarining joriy qilinishi:

Ichki ishlar organlari xodimlarida inson huquqlari madaniyatini yuksaltirish bo‘yicha olingan natijalar asosida:

yoshlarda huquqiy ong va huquqiy madaniyatni yuksaltirish, yuridik ta’limni rivojlantirish, kadrlarni tayyorlash, qayta tayyorlash va malakasini oshirishning samarali mexanizmini joriy etish bilan bog‘liq takliflar O‘zbekiston Respublikasining «Jamiyatda huquqiy madaniyatni yuksaltirish Milliy dasturi»ni ishlab chiqishda inobatga olingan (O‘zbekiston Respublikasi Adliya vazirligining 2015 yil 10 apreldagi   125-son dalolatnomasi). Ilmiy natijalardan foydalanish yoshlarning huquqiy madaniyatini yuksaltirish va yuridik ta’limni rivojlantirish yo‘nalishlarini belgilashga xizmat qilgan;

ichki ishlar organlari xodimlarining inson huquqlari madaniyatini yuksaltirishga oid takliflari O‘zbekiston Respublikasining «Ichki ishlar organlari to‘g‘risida»gi Qonunning 2-, 5-, 7-moddalariga singdirilgan (O‘zbekiston Respublikasi Oliy Majlisi Qonunchilik palatasining 2016 yil 7 sentyabrdagi 01-1/696-son dalolatnomasi). Ilmiy natijalardan foydalanish ichki ishlar organlari o‘z faoliyatini fuqarolarning huquqlari, erkinliklari va qonuniy manfaatlariga rioya etish hamda ushbu huquqlar, erkinliklar va qonuniy manfaatlarni hurmat qilish asosida amalga oshirishi qonun darajasida mustahkamlanishiga xizmat qilgan;

ichki ishlar organlari xodimlarining ijtimoiy himoyasini kafolatlashga qaratilgan huquqiy asoslarni takomillashtirishga qaratilgan takliflari O‘zbekiston Respublikasining «Ichki ishlar organlari to‘g‘risida»gi Qonunining 8−12, 28-moddalarini mazmunan boyitgan (O‘zbekiston Respublikasi Ichki ishlar vazirligining 2016 yil 1 iyundagi 33/943-son dalolatnomasi). Ilmiy natijalardan foydalanish ichki ishlar organlari xodimlarining faoliyat yo‘nalishlarini huquqiy tartibga solishga xizmat qilgan;

ichki ishlar organlari xodimlarining inson huquqlari madaniyati ularning odob-axloq qoidalariga amal qilishiga bog‘liqligi ilmiy asoslanib, berilgan takliflaridan Ichki ishlar vazirining 2016 yil 30 maydagi 82-sonli buyrug‘i bilan tasdiqlangan «Ichki ishlar organlari xodimlarining odob-axloq qoidalari»ni ishlab chiqishda foydalanilgan (O‘zbekiston Respublikasi Ichki ishlar vazirligining 2016 yil 7 iyundagi 33/702-son dalolatnomasi). Ilmiy natijalardan foydalanish ichki ishlar organlari xodimlarining inson huquqlarini hurmat qilish va ta’minlashda odob-axloq qoidalariga rioya etishini ta’minlashga xizmat qilgan;

inson huquqlariga oid xalqaro va milliy huquqiy normalarning o‘ziga xos xususiyatlari haqidagi xulosalar O‘zbekiston Respublikasi Ichki ishlar vazirligi tomonidan vazirlik oliy ta’lim muassasalari uchun tavsiya qilingan o‘zbek va rus tilidagi «Inson huquqlari umumiy nazariyasi» darsligining tegishli qismlarida o‘z aksini topgan. Ilmiy natijalardan foydalanish inson huquqlariga oid xalqaro va milliy huquqiy hujjatlardan foydalanishning metodologik asoslarini takomillashtirgan.