Матчанов Алимжон Давлатбоевичнинг

докторлик диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи): «Лабдан дитерпеноидлари ҳосилалари синтези, глицирризин кислотаси ва самарали гемостатик дори воситаларини яратиш», 02.00.10–Биоорганик кимё (кимё фанлари).

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /кимё фанлари номзоди/.

Диссертация мавзуси рўйхатга олинган рақам: 30.09.2014/В2014.5.К74.

Илмий маслаҳатчи: Далимов Давранбек Нигманович, кимё фанлари доктори, профессор.

Диссертация бажарилган муассаса номи: Биоорганик кимё институти.

ИК фаолият кўрсатаётган муассаса номи, ИК рақами: Биоорганик кимё институти, Ўзбекистон Миллий университети, Ўсимлик моддалари кимёси, институти 14.07.2016.K/В/T.13.01.

Расмий оппонентлар: Азизов Умархон Мухтарович, кимё фанлари доктори, профессор; Дусматов Азиз Файзаматович, фармацевтика фанлари доктори, доцент; Абдулладжанова Нодира Гуломжановна, кимё фанлари доктори.

Етакчи ташкилот: Тошкент фармацевтика институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: лабдан дитерпеноидлари синтези, глицирризин кислотаси, унинг тузлари ва кичик молекулали полимерлар асосида супрамолекуляр комплекс бирикмаларни олиш, физик-кимёвий хусусиятларини аниқлаш ҳамда янги гемостатик воситаларни ишлаб чиқишдан иборат.

III. Тадқиқотнинг илмий янгилиги:

лагохилиннинг янги ароматик ацеталлари синтез қилинган ва охирги маҳсулот унумига катализаторлар таъсири аниқланган;

лагохилиннинг ацетил ва изопропилиден ҳосилаларининг гемостатик фаоллиги билан ўринбосарларнинг табиати ва эркин гидроксил гуруҳлари сони орасидаги боғлиқлиги аниқланган;

глицирризин кислотаси ва унинг моноаммонийли тузи билан лагохилиннинг янги комплекс бирикмалари олинган;

глицирризин кислотаси ва унинг тузлари билан лагохилиннинг супрамолекуляр комплекс бирикмалари сувли эритмаларида мицелляр тузилиш, турғунлик ва термодинамик хусусиятлари билан уларнинг комплекс ҳосил қилувчи компонентлар нисбати ва кимёвий тузилишига боғлиқлиги аниқланган;

комплекс бирикмаларнинг сувли эритмалари реологик хусусиятларини аниқлаш орқали дори воситасини мицелла ичига кириш жараёни система энергияси ютуғи билан бориши исботланган;

система энтропияси (мицеляр ҳосилалар ўз-ўзидан ташкилланиши), меҳмон молекуласи тузилиши ва функционал хослигига боғлиқлиги, глицирризин кислотаси молекулаларидан иборат мицеллаларнинг тузилиш жараёнига мувофиқлаштирувчи сифатида таъсир этиши исботланган.

IV. Тадқиқот натижаларининг жорий қилиниши:

Ўсимликлардан биологик фаол терпеноидларни ажратиб олиш, тузилиши ва фаолликларини аниқлаш натижасида янги самарали гемостатиклар ишлаб чиқиш асосида:

вена қон томири ичига қўлланиладиган гемостатик «Лаговин» дори воситаси учун Ўзбекистон Республикаси Интеллектуал мулк агентлигининг ихтирога патенти (04.12.2013 й., №IAP 04806) олинган. Гемостатик восита паренхиматоз қон кетишни тўхтатишда ишлатиш учун тавсия қилинган;

«Глилагин» субстанцияси асосида қон тўхтатувчи гемостатик пленка учун Ўзбекистон Республикаси Интеллектуал мулк агентлигининг ихтирога патенти (13.10.2015 й., №IAP 05109) олинган. Яратилган маҳаллий дори шакли капилляр ва қон томирлардан қон кетишини тўхтатишда фойдаланилган;

яллиғланишга қарши қўлланиладиган «Глицирам - 0,05г таблеткалари» учун клиник синовлари ўтказилган ва «Глицирам» субстанцияси учун Вақтинчалик Фармакопея мақоласи 42 Уз2369-2013 (18.10.2013 й.,) ишлаб чиқилган ва тасдиқланган. Яратилган препарат республикада шу турдаги дори воситаларининг импорт ўрнини босиш имконини беради.