Акромов Улуғбек Шаробиддиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ж-М. Гюстав Ле Клезио асарлари поэтикаси”, 10.00.04 – Европа, Америка ва Австралия халқлари тили ва адабиёти (филология фанлари).
Диссертация мавзуси рўйхатга олинган рақам:В2017.3.PhD/Fil.333.
Илмий раҳбар: Эрматов Баходир Содиқович, филология фанлари доктори.
Диссертация бажарилган муассаса номи: Ўзбекистон давлат жаҳон тиллари университети.
ИК фаолият кўрсатаётган муассаса номи, ИК рақами: Ўзбекистон давлат жаҳон тиллар университети, DSc.03/30.12.2019.Fil/Ped.27.01.
Расмий оппонентлар: Касимов Абдугопир Абдукаримович, филология фанлари доктори; Носиров Абдурахим Абдимуталипович, филология фанлари доктори (DSc).
Етакчи ташкилот: Андижон давлат  университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади жаҳон адабий жараёни контекстида Ж-М. Гюстав Ле Клезионинг бадиий асар поэтик структурасини тизимли тадқиқ қилишдан иборат.
III. Тадқиқотнинг илмий янгилиги:
поэтикани таҳлил қилиш тамойиллари, автобиографик жанрга хос бўлган ифода индивидуаллиги, ижтимоий давр руҳи, ёзувчи шахсияти, услуб, муаллиф ғоясининг мантиқийлиги ва ижодий фантазиясининг кенглиги, умумлаштириш ҳамда типиклаштириш каби бадиий мезонлар француз адабий жараёни  ракурсида такомиллаштирилган;
реализм, романтизм, модернизм, психологизм каби француз адабий йўналиши ва оқимларининг ҳаётни бадиий акс эттириш принциплари тасвири  Ж-М. Гюстав Ле Клезио романлари поэтикасида индивидуаллик ва қиёсий-типологик умумлашмада  далилланган; 
сюжет ва композиция, шакл ва мазмун, бадиий асар тили, мавзу ва ғоя каби поэтик унсурларни қўллашдаги  ижодкор бадиий маҳорати хусусий, назарий ва тарихий поэтика  яхлитлигида  илмий-назарий жиҳатдан асосланган; 
соф эстетик қонуниятлар негизида адиб романларидаги фалсафий фикр, поэтик нутқ, бадиий мушоҳада, ижодкор поэтик маҳорати жаҳон адабиётшунослигининг устувор концепцияларига мувофиқ далилланган.
IV. Тадқиқот натижаларининг жорий қилиниши. 
Ж-М. Гюстав Ле Клезио асарлари поэтикаси билан боғлиқ изланишлар бўйича олиган илмий натижаси асосида:
поэтикани таҳлил қилиш тамойиллари автобиографик жанрга хос бўлган ифода индивидуаллиги, ижтимоий давр руҳи, ёзувчи шахсияти, услуб, муаллиф ғоясининг мантиқийлиги ва ижодий фантазиясининг кенглиги, умумлаштириш ҳамда типиклаштириш каби бадиий мезонларга  оид назарий хулосалардан ИТД-1-107 “Хорижий (француз, немис, испан) тиллар бўйича ўқитувчи кадрлар ва мутахассис-филологлар тайёрлайдиган олий таълим муассасаларида узвийлик ҳамда узлуксизликни таъминловчи, ўзбек реалияларини акс эттирувчи ўқув-услубий мажмуалар ва уларнинг электрон версияларини яратиш” мавзусидаги амалий лойиҳада фойдаланилган (Олий ва ўрта махсус таьлим вазирлигининг 2019 йил 11 апрелдаги 89-03-1379-сон маълумотномаси). Натижада, амалий лойиҳа доирасида бакалаврлар  (француз тили) учун яратилган “Manuel de France-1”, “Manuel de France-2” ва “Manuel de France-3” дарсликлари мавзуларини ёритишда хизмат қилган; реализм, романтизм, модернизм, психологизм каби француз адабий йўналиши ва оқимларининг ҳаётни бадиий акс эттириш принциплари тасвири  Ж-М. Гюстав Ле Клезио романлари поэтикасида индивидуаллик ва қиёсий-типологик таҳлил асосида чиқарилган илмий хулосалардан Ғафур Ғулом номидаги нашриёт-матбаа ижодий уйи томонидан  “ХХ аср жаҳон адабиёти ҳикоялари” (2009 й.), Ҳусан Эрматовнинг “Нобель мукофоти совриндорлари” (Адабиёт, 2011 й.) ва “Нобель мукофоти совриндорлари” (Тинчлик, 2015й.)  ҳамда “Жаҳон болалар адабиёти” (2016 й.,10 жилдлик) асарларинининг мазмун-моҳиятини бойитишда фойдаланилган (Ўзбекистон Ёзувчилар уюшмасининг 2020 йил 12 мартдаги 01-03-07/410-сон маълумотномаси). Натижада, замонавий асарлардаги адабий-эстетик ҳодисаларни типологик ўрганиш бўйича илмий-назарий фикрларни умумлаштиришга хизмат қилган;
Ж-М. Гюстав Ле Клезио сюжет ва композиция, шакл ва мазмун, бадиий асар тили, мавзу ва ғоя каби поэтик унсурларни қўллашдаги  ижодкор бадиий маҳоратига оид хулосалардан 14-16 март кунлари Франция элчихонаси ташаббуси билан Ўзбекистон давлат ёшлар театри билан ҳамкорликда ўтказилган “IV Талабалар ва ўқувчилар Франкофон театр ва ашула фестивали” сценарий тузилмаларида фойдаланилган (Тошкент Француз Алянсининг 2019 йил 29 мартидаги 01-11-07-4605-сон маълумотномаси). Натижада, француз асарларидаги бадиийлик ва шахс концепциясининг талқини, поэтик хусусиятлар,  асарларининг сюжет ва композицияси, образлар тизими, унда илгари сурилган ғоялар спектакль ижодкорлари учун зарур манба бўлиб хизмат қилган;
Ж-М. Гюстав Ле Клезио асарларида фалсафий-ахлоқий муаммолар, турли халқ ва элатлар ҳаётининг ёритилиши, автобиографик жанрнинг бадиияти, поэтик нутқ, бадиий мушоҳада, ижодкор поэтик маҳорати каби эстетик қонуниятлар негизида далилланган мулоҳазалардан Ўзбекистон Миллий телерадиокомпаниясининг “O’zbekiston” телерадиоканали ДУК “Маънавий-маърифий ва бадиий эшиттиришлар” муҳарририяти томонидан тайёрланган “Бедорлик” радиоэшиттиришнинг 2019 йил февраль-март ойлари сонларида тадқиқот мавзусига оид суҳбат  тайёрланган (Ўзбекистон Миллий телерадиокомпанияси «Ўзбекистон» телерадиоканалининг 2019 йил 3 апрелдаги O’z/R-1-59-сон маълумотномаси). Натижада, Ж-М.Г.Ле Клезио асарларининг маънавий-маърифий, ижтимоий-эстетик аҳамиятига оид радио эшиттиришларнинг мазмун-моҳиятини бойитишда назарий асос вазифасини ўтаган.