Эрматов Навруз Хушмурадовичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Якуний ишлатиш даврида қатламсимон турдаги нефть уюмларида сув бостириш самарадорлигини аниқловчи геологик-физик ва технологик кўрсатгичларни аниқлаш», 04.00.13 – Нефть ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: В2019.2.DSc/Т279.
Илмий маслаҳатчи: Агзамов Аваз Хамидиллаевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Тошкент давлат техника университети, DSc.03/05.06.2020.T.03.06.
Расмий оппонентлар: Назаров Улуғбек Султанович, техника фанлари доктори, профессор; Закиров Алимджан Абдурахимович, техника фанлари доктори, профессор; Холмуродов Абдулхамид Эркинович, физика-математика фанлари доктори. 
Етакчи ташкилот: «Ўзбекнефтгаз» АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳсулдор қатламларга сув бостиришнинг принципиал ҳолатларини асослаш усулларини ишлаб чиқиш ва Фарғона нефтгаз вилоятидаги конларда қатламсимон турдаги уюмлардан нефть олиш суръатини ва чиқариб олиш даражасини орттиришдан иборат.
III. Тадқиқотнинг илмий янгилиги:
Фарғона нефтгазли вилоятидаги маҳсулдор қатламлар бўйича геологик ва олинадиган нефть захираларининг тақсимланганлиги ва қазиб олинганлик даражаси аниқланган; 
ишлатиш босқичлари бўйича суюқлик ва нефть олиш суръатлари орасидаги боғлиқликлар исботланган; 
маҳсулдор қатламларни сув бостириш ҳисобига нефтни қазиб олинганлик коэффициентининг ортиши баҳоланган; 
бир нечта қатламларни ягона ишлатиш объектига бирлаштириш натижасида йўқотиладиган нефть ҳажми аниқланган; 
чегара олди сув бостириш усулининг чегара ичра сув бостириш турли усуллари билан биргаликдаги нисбатан юқори самарадорлиги аниқланган; 
нефтни қазиб олиш коэффициентига энг катта таъсир этувчи геологик-технологик кўрсаткичлар аниқланган;
нефть қазиб олиш коэффициентининг ўлчамсиз босимдан боғлиқлиги математик модели ишлаб чиқилган; 
турли коллекторлар ва ишлатиш тизимлари учун нефть қазиб олиш коэффициентининг қатламнинг ювилганлик даражасидан боғлиқлиги математик моделлари ишлаб чиқилган.
IV. Тадқиқот натижаларининг жорий қилиниши.
Якуний ишлатиш даврида қатламсимон турдаги нефть уюмларида сув бостириш самарадорлигини аниқловчи геологик-физик ва технологик кўрсаткичларни аниқлаш бўйича олинган илмий натижалар асосида: 
бошланғич қудуқлар тўрини зичлаштириш технологияси  “Муборакнефтгаз” АЖнинг Шўртепа конидаги XIII горизонти ва “Гиссарнефтгаз” МЧЖ қўшма корхонасининг Шакарбулоқ конидаги XV горизонтида жорий қилинган (“Ўзбекнефтгаз” АЖнинг 2020 йил 14 сентябрдаги 05-25-1-103-сон маълумотномаси). Натижада, Шўртепа конида 2014–2017 йиллар даврида йиллик нефть қазиб олишни 2,4–2,5 минг тонна миқдорида барқарорлаштириш, Шакарбулоқ конида эса ҳисобланган якуний нефть қазиб олиш коэффициентини 15,36% га ошириш имконини берган; 
сув оқими йўлини беркитиш технологияси “Жарқўрғоннефть” АЖнинг Хаудаг, Амударё, Учқизил, Жанубий Миршоди конларидаги қудуқларда жорий қилинган (“Ўзбекнефтгаз” АЖнинг 2020 йил 14 сентябрдаги 05-25-1-103-сон маълумотномаси). Натижада, 2017–2019 йиллар мобайнида қудуқлар маҳсулоти таркибидаги сув миқдорини камайтириш ва қўшимча 6460 тонна нефть олиш имконини берган;
қатлам оралиқларини қўшимча отиш йўли билан ишлатишга киритилмаган қатламчаларни қўшиш технологияси “Андижоннефть” АЖнинг Андижон ва Жанубий Оламушук конларидаги қудуқларда жорий қилинган (“Ўзбекнефтгаз” АЖнинг 2020 йил 14 сентябрдаги 05-25-1-103-сон маълумотномаси). Натижада, 2016–2018 йиллар мобайнида қўшимча 1951 тонна нефть олиш имконини берган.