Хурсанов Шоҳруҳ Яшиновичнинг 
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «A(z)–субгармоник функциялар ва Гёлдер регулярлик», 01.01.01 – Математик анализ (физика-математика фанлари).
Диссертация мавзуси рўйхатга олинган рақам: В2018.1.PhD/FM192.
Илмий раҳбар: Садуллаев Азимбой, физика-математика фанлари доктори, академик.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.FM.01.01.
Расмий оппонентлар: Имомназаров Холматжон Худойназарович, физика-математика фанлари доктори (Россия); Рахимов Абдуғофур Абдумаджитович, физика-математика фанлари доктори, профессор. 
Етакчи ташкилот: Урганч  давлат университети.
Диссертация йўналиши: назарий аҳамиятга молик.
II. Тадқиқотнинг мақсади A(z) – гармоник функциялар учун Лаплас типидаги операторни қуриш, A(z) – субгармоник функциялар учун Рисс типидаги ифода ва Пуассон интеграл формуласини исботлаш ҳамда A(z) – гармоник ўлчовнинг Гёльдер узлуксизлик шартини аниқлашдан иборат.
III. Тадқиқотнинг илмий янгилиги:
A(z) – гармоник функциялар учун Лаплас типидаги оператор  қурилган;
A(z) – гармоник функциялар учун Пуассон интеграл формуласи исботланган;
умумлашган A(z) – гармоник функциясини регуляр A(z) – гармоник функция бўлишлиги исботланган;
нормал A(z) – гармоник функциялар оиласи  учун текис яқинлашиш хоссалари ўрганилган;
силлиқ функциялар ёрдамида A(z) – субгармоник функцияларни апроксимациялаш мумкинлиги исботланган; 
A(z) – гармоник улчовнинг Гёлдер узлуксизлик шарти  аниқланган.
IV. Тадқиқот натижаларининг жорий қилиниши. 
A(z) – гармоник функция ва Гёлдер маъносида регулярлиги бўйича олиб борилган тадқиқотлар натижалари асосида: 
таклиф қилинган   гармоник функциялар учун Лаплас типидаги операторлар ва A(z) – гармоник функциялар учун Пуассон формулалари AP05133873 ”Эллиптик операторларнинг каср даражага  эга бўлган математик моделлар учун  ночизиқли тескари масалаларни ечишда  параллел алгоритмлар ва ҳисоблаш усулларининг   гравиметрияда қўлланиши“ мавзудаги фундаментал тадқиқотлар лойиҳасида гравиметриядаги бўлимларнинг сиртларини тиклаш учун тўғри ва тескари масалаларни ечишда тадбиқ этилган (Қозоғистон Республикаси Таълим ва фан вазирлиги Қўмитасининг 2020 йил 13 ноябрдаги 565-сон маълумотномаси). Натижада, регуляризацияланган қўшма градиент усулининг регуляризация параметрини танлашнинг эмпирик формуласини аниқлаш имконини берган;
умумлашган A(z) – гармоник функцияси  ва регуляр A(z) – гармоник функцияларнинг умумлашган ифодаси ёрдамида Мирзо Улуғбек номидаги Ўзбекистон Миллий университети томонидан 2018-2019 йилларда баажарилган MRU-OT-1/2017 “Нелокальные краевые и обратные задачи для неклассических дифференциальных и операторно-дифференциальных уравнений” гранти лойихасида учинчи тартибли тенгламани ечишда қўлланилган (Олий ва ўрта махсус таълим вазирлигининг 2020 йил 9 декабрдаги 89-03-5159-сон маълумотномаси). Натижада, бош қисмида Лаплас оператори қатнашган аралаш-қўшма типдаги учинчи  тартибли тенгламалар учун нолокал бошланғич-чегаравий масалалар ечимининг хоссалари исботлаш имконини берган.