Bozorov Jo‘rabek Tog‘aymurotovich
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Matrisaviy sohalarda Karleman formulalari va golomorf davom ettirish mezonlari”, 01.01.01 – Matematik analiz (fizika-matematika fanlari).
Dissertatsiya mavzusi ro‘yxatga olingan raqam: B2020.3.PhD/FM206.
Ilmiy rahbar: Shoimqulov Baxodir Allaberdievich, fizika-matematika fanlari doktori, professor.
Dissertatsiya bajarilgan muassasa nomi: Qarshi davlat universiteti.
IK faoliyat ko‘rsatayotgan muassasa nomi, IK raqami: Qarshi davlat universiteti, PhD.03/30.06.2020.FM.70.04.
Rasmiy opponentlar: Imomkulov Sevdiyor Akramovich, fizika-matematika fanlari doktori; Kurbanov Buxarbay Turganbaevich, fizika-matematika fanlari nomzodi, dotsent.
Yetakchi tashkilot: O‘zbekiston Milliy universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi matrisaviy polikrugda va klassik sohalar dekart ko‘paytmasida golomorf funksiyalar uchun Karleman formulasini olish, maxsus analitik matrisaviy poliedrda Veyl formulasi va Rushe teoremasining variantlaridan birini olish, ostovda yoki ostovning qismida berilgan funksiyani polikrugga va matrisaviy polikrugga golomorf davom ettirish masalalarini o‘rganishdan iborat.
III. Tadqiqotning ilmiy yangiligi:
matrisaviy polikrugda Karleman formulasi olingan;
klassik sohalar dekart ko‘paytmasida Karleman formulasi olingan;
maxsus analitik matrisaviy poliedrda Veyl` formulasining analogi olingan;
maxsus analitik matrisaviy poliedrda Rushe teoremasining variantlaridan biri isbotlangan;
matrisaviy polikrugda Koshi tipidagi integral uchun “sakrash haqidagi” teorema isbotlangan;
matrisaviy polikrugning ostovida berilgan funksiyalarni golomorf davom ettirish haqida teorema isbotlangan;
matrisaviy polikrug ostovining qismida berilgan funksiyalarni golomorf davom ettirish mezoni topilgan.
IV. Tadqiqot natijalarining joriy qilinishi. 
Matrisaviy sohalarda Karleman formulalari va golomorf davom ettirish mezonlarini o‘rganish bo‘yicha olib borilgan tadqiqotning ilmiy natijalari asosida: 
maxsus analitik matrisaviy poliedrda Veyl` formulasining analogi va Rushe teoremasining variantlaridan biri isbotlanishi bilan bog‘liq ilmiy xulosalardan Sibir federal universiteti matematika va fundamental informatika instituti ilmiy xodimlari tomonidan RFFI, 18-51-41011 Uzb_t. “Mnogomerniy kompleksniy analiz” mavzusidagi amaliy loyihada foydalanilgan (Sibir federal` universitetining 2020 yil 25 noyabrdagi 8302-son ma’lumotnomasi). Ilmiy natijalarning qo‘llanilishi maxsus sohalarda golomorf funksiyalarning xossalarini o‘rganish imkonini bergan;
matrisaviy sohalarda Karleman formulalari va   fazodagi birlik polikrugda golomorf davom ettirish mezonlari bilan bog‘liq ilmiy xulosalardan Xorazm Ma’mun akademiyasining F4-FA-0-16928 raqamli “Kompleks potensiallar nazariyasida plyuriregulyarlik xususiyatlari va moslangan manbali chekli differensial ayirmali tenglamalar” mavzusidagi fundamental loyihada foydalanilgan (O‘zbekiston Respublikasi Fanlar akademiyasining 2020 yil 21 dekabrdagi 2/1255-2895-son ma’lumotnomasi). Ilmiy natijalarning qo‘llanilishi kompleks fazolarda golomorf qavariq qobiqlarini aniqlash imkonini bergan.