Бозоров Жўрабек Тоғаймуротович
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Матрицавий соҳаларда Карлеман формулалари ва голоморф давом эттириш мезонлари”, 01.01.01 – Математик анализ (физика-математика фанлари).
Диссертация мавзуси рўйхатга олинган рақам: В2020.3.PhD/FМ206.
Илмий раҳбар: Шоимқулов Баходир Аллабердиевич, физика-математика фанлари доктори, профессор.
Диссертация бажарилган муассаса номи: Қарши давлат университети.
ИК фаолият кўрсатаётган муассаса номи, ИК рақами: Қарши давлат университети, PhD.03/30.06.2020.FM.70.04.
Расмий оппонентлар: Имомкулов Севдиёр Акрамович, физика-математика фанлари доктори; Курбанов Бухарбай Турганбаевич, физика-математика фанлари номзоди, доцент.
Етакчи ташкилот: Ўзбекистон Миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади матрицавий поликругда ва классик соҳалар декарт кўпайтмасида голоморф функциялар учун Карлеман формуласини олиш, махсус аналитик матрицавий полиэдрда Вейл формуласи ва Руше теоремасининг вариантларидан бирини олиш, остовда ёки остовнинг қисмида берилган функцияни поликругга ва матрицавий поликругга голоморф давом эттириш масалаларини ўрганишдан иборат.
III. Тадқиқотнинг илмий янгилиги:
матрицавий поликругда Карлеман формуласи олинган;
классик соҳалар декарт кўпайтмасида Карлеман формуласи олинган;
махсус аналитик матрицавий полиэдрда Вейль формуласининг аналоги олинган;
махсус аналитик матрицавий полиэдрда Руше теоремасининг вариантларидан бири исботланган;
матрицавий поликругда Коши типидаги интеграл учун “сакраш ҳақидаги” теорема исботланган;
матрицавий поликругнинг остовида берилган функцияларни голоморф давом эттириш ҳақида теорема исботланган;
матрицавий поликруг остовининг қисмида берилган функцияларни голоморф давом эттириш мезони топилган.
IV. Тадқиқот натижаларининг жорий қилиниши. 
Матрицавий соҳаларда Карлеман формулалари ва голоморф давом эттириш мезонларини ўрганиш бўйича олиб борилган тадқиқотнинг илмий натижалари асосида: 
махсус аналитик матрицавий полиэдрда Вейль формуласининг аналоги ва Руше теоремасининг вариантларидан бири исботланиши билан боғлиқ илмий хулосалардан Сибир федерал университети математика ва фундаментал информатика институти илмий ходимлари томонидан РФФИ, 18-51-41011 Узб_т. “Многомерный комплексный анализ” мавзусидаги амалий лойиҳада фойдаланилган (Сибир федераль университетининг 2020 йил 25 ноябрдаги 8302-сон маълумотномаси). Илмий натижаларнинг қўлланилиши махсус соҳаларда голоморф функцияларнинг хоссаларини ўрганиш имконини берган;
матрицавий соҳаларда Карлеман формулалари ва   фазодаги бирлик поликругда голоморф давом эттириш мезонлари билан боғлиқ илмий хулосалардан Хоразм Маъмун академиясининг Ф4-ФА-0-16928 рақамли “Комплекс потенциаллар назариясида плюрирегулярлик хусусиятлари ва мосланган манбали чекли дифференциал айирмали тенгламалар” мавзусидаги фундаментал лойиҳада фойдаланилган (Ўзбекистон Республикаси Фанлар академиясининг 2020 йил 21 декабрдаги 2/1255-2895-сон маълумотномаси). Илмий натижаларнинг қўлланилиши комплекс фазоларда голоморф қавариқ қобиқларини аниқлаш имконини берган.