Aminov Behzod Rasul o‘g‘lining
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi):  «Nokommutativ atomik simmetrik fazolarning izometriyasi», 01.01.01 – Matematik analiz (fizika-matematika fanlari).
Dissertatsiya mavzusi ro‘yxatga olingan raqam: B2018.1.PhD/FM191.
Ilmiy rahbar: Chilin Vladimir Ivanovich, fizika-matematika fanlari doktori, professor.
Dissertatsiya bajarilgan muassasa nomi: O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: O‘zbekiston Milliy universiteti, DSc.03/30.12.2019.FM.01.01.
Rasmiy opponentlar: Zaitov Adilbek Ataxanovich, fizika-matematika fanlari doktori, katta ilmiy hodim; Zakirov Botir Sabitovich, fizika-matematika fanlari doktori, professor. 
Yetakchi tashkilot: O‘zR FA V.I.Romanovskiy nomidagi Matematika instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi kompleks simmetrik ketma-ketliklar fazosida, Banax simmetrik ideallarida va nokommutativ atomik simmetrik fazolarda ta’sir qilyayotgan barcha ermit va syur’ektiv izometriyalarni tavsif qilishdan iborat.   
III. Tadqiqotning ilmiy yangiligi:
kompleks Banax fazosida shar topologiyasining asosiy xossalari tavsiflangan;
Fatu xossasiga ega kompleks simmetrik ketma-ketliklar fazolarida ta’sir qilyayotgan ermit va syur’ektiv izometriyalarni Kyote topologiyasiga nisbatan uzluksiz ekanligi isbot qilingan;
Fatu xossasiga ega kompleks simmetrik ketma-ketliklar fazolarida ta’sir qilyayotgan ermit va syur’ektiv izometriyalar tavsiflangan;
mukammal Banax simmetrik ideallarida ta’sir qilyayotgan ermit va syur’ektiv izometriyalar tavsiflangan;
mukammal Banax simmetrik ideallarining o‘z-o‘ziga qo‘shma qismida ta’sir qilyayotgan koso-ermit va syur’ektiv izometriyalar tavsiflangan.
IV. Tadqiqot natijalarining joriy qilinishi: 
Kompleks simmetrik ketma-ketliklar fazosida, Banax simmetrik ideallarida va nokommutativ atomik simmetrik fazolarda ta’sir qilyayotgan barcha ermit va syur’ektiv izometriyalarni tavsif qilish bo‘yicha olingan ilmiy natijalar asosida:
Fatu xossasiga ega kompleks simmetrik ketma-ketliklar fazosida ta’sir qilayotgan syur’ektiv izometriyalarning tavsifi OT-4-27 raqamli «Yordan uchliklari oldqo‘shma fazolari, sig‘imlar fazolari tavsiflari va funksiyalarni golomorf davom ettirish» loyihasida matrisalar algebrasida 2-lokal differensiallashlarini tadqiq qilishda qo‘llanilgan (Oliy va o‘rta maxsus ta’lim vazirligining 2020 yil 22 sentyabrdagi 89-03-3450-son ma’lumotnomasi). Ilmiy natijaning qo‘llanilishi matrisalar algebrasida har qanday 2-lokal differensiallash oddiy ma’noda differensiallash bo‘lishini isbotlashga imkon bergan;
Banax simmetrik ideallarida ta’sir qilyayotgan syur’ektiv chiziqli izometriyalarning aniq ko‘rinishi YoOT-FTEX-2018-154 «Zd panjaralarida va Gk Keli daraxtlarida gamil`tonianlar spektrlari va Gibbs o‘lchovlari» loyihasida Banax simmetrik ideallarida ta’sir qilayotgan Danford-Shvars operatorlarini ergodik xossalarini tadqiq qilishda qo‘llanilgan (Oliy va o‘rta maxsus ta’lim vazirligining 2020 yil 22 sentyabrdagi 89-03-3450-son ma’lumotnomasi). Ilmiy natijaning qo‘llanilishi Banax simmetrik ideallarida ta’sir qilayotgan musbat Danford-Shvars operatorlari uchun individual ergodik teoremani isbotlashga imkon bergan.