Мирзаева Дилноза Фархадовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «ОИВ инфекцияси билан касалланган болаларда асаб тизими зарарланишининг клиникаси ва дифференциал диагностикасининг ўзига хос хусусиятлари», 14.00.13 – Неврология (тиббиёт фанлари).
Диссертация мавзуси рўйхатга олинган рақам: В2019.2. PhD/Tib922.
Илмий раҳбар: Шамансуров Шаанвар Шамуратович, тиббиёт фанлари доктори, профессор.
Диссертация бажарилган муассаса номи: Тошкент врачлар малакасини ошириш институти.
ИК фаолият кўрсатаётган муассаса (муассасалар) номи, ИК рақами: Тошкент врачлар малакасини ошириш институти, DSc.04/30.12.2019.Tib.31.01.
Расмий оппонентлар: Садикова Гулчехра Кабуловна, тиббиёт фанлари доктори, профессор; Ашуров Зарифжон Шарифович, тиббиёт фанлари доктори, доцент.
Етакчи ташкилот номи: Самарқанд давлат тиббиёт институти.
Диссертациянинг йўналиши: амалий аҳамиятга молик. 
II. Тадқиқотнинг мақсади: ОИВ-инфекцияси билан зарарланган болаларда касаллик босқичи ва юқиш йўлларига боғлиқ асаб тизими зарарланиши клиник-неврологик хусусиятларини баҳолашни такомиллаштиришдан иборат.
III. Тадқиқотнинг илмий янгилиги:
ОИВ инфекцияси билан касалланган болаларда клиник-неврологик белгиларининг кўриниши ва кечиши ОИВ-инфекциясининг босқичига, касалликнинг юқиш йўлига ва оппортунистик инфекциялар турига боғлиқлиги асосланган; 
ОИВ инфекциянинг IV клиник босқичида парентерал йўл билан касалланган болаларда ўткир ОИВ-энцефалитлар, ЦМВ ва герпетик энцефалитлар, перинатал йўл билан касалланган болаларда эса периферик нерв тизими зарарланиш синдромлари - БМН нейропатиялари ва дистал симметрик полинейропатиялар устун келганлиги аниқланган;
ОИВ инфекциясини парентерал йўли билан касалланган болаларда неврологик етишмовчилик белгилари ва касаллик кечуви перинатал йўл билан касалланган болаларга нисбатан оғир кечиши исботланган;
илк бор ОИВ инфекцияси билан касалланган беморларда инфекциянинг юқиш йулини эътиборга олган ҳолда асаб тизими зарарланишининг қиёсий ташҳислаш мезонлари ишлаб чиқилган. 
IV. Тадқиқот натижаларининг жорий қилиниши.
ОИВ билан зарарланган болаларда асаб тизими зарарланиши клиникаси, ташхисоти хусусиятлари ва қиёсий ташхисоти бўйича олинган илмий натижалар асосида: 
«ОИВ билан зарарланган болаларда асаб тизими зарарланиши эрта ташхисоти» услубий тавсияномаси тасдиқланган (Соғлиқни сақлаш вазирлигининг 2020 йил 9 октбярдаги 8н-д/150-сон маълумотномаси). Мазкур услубий тавсиянома ОИВ инфекцияси билан касалланган болаларда марказий ва периферик асаб тизими зарарланишини адекват ва ўз вақтида ташхислаш ҳамда комплекс тиббий-ижтимоий реабилитацияни амалга оширишга имкон берган; 
ОИВ инфекцияси билан касалланган болаларда асаб тизими зарарланишини эрта ташхислаш бўйича олинган илмий натижалар соғлиқни сақлаш амалиётига, жумладан, Республика ОИТСга қарши курашиш маркази хузуридаги ихтисослаштирилган юқумли касалликлар клиникаси ҳамда Самарқанд вилояти ОИТСга қарши курашиш маркази хузуридаги ихтисослаштирилган юқумли касалликлар шифохоналарининг клиник амалиётига жорий қилинган (Соғлиқни сақлаш вазирлигининг 2020 йил 12 ноябрдаги 8н-з/151-сон маълумотномаси). Олинган тадқиқот натижалари клиник амалиётга жорий қилиниши орқали ОИВ-инфекцияси билан касалланган болаларда нерв тизими зарарланишини нохуш оқибатларини тезлик билан олдиндан баҳолаш ҳамда неврологик асоратлар сонини камайтириш ва болаларда касаллик оқибатида ногиронлик даражасини камайтириш имконини берган.