Хотамов Мансуржон Махмудовичнинг
диссертация ҳимоясисиз ихтиро патенти асосида фалсафа доктори (PhD) илмий даражасини бериш бўйича эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ноқулай экологик шароитда ғўза экинларининг физиологик холатини оптималлаштириш», 03.00.07 – Ўсимликлар физиологияси ва биокимёси (биология фанлари). 
Диссертация мавзуси рўйхатга олинган рақам: В2020.3.PhD/В200.
Илмий раҳбар: Ахмеджанов Искандар Гулямояич, биология фанлари доктори, профессор.
Илмий тадқиқот иши бажарилган муассаса номи: Генетика ва ўсимликлар экспериментал биологияси институти.
ИК фаолият кўрсатаётган муассаса номи, ИК рақами: Генетика ва ўсимликлар экспериментал биологияси институти, DSc.02/30.12.2019.В.53.01.
«Ғўза уруғларига экишдан олдин ишлов бериш усули»га берилган ихтиро патентига (№IAP 05970) Ўзбекистон Республикаси Интеллектуал мулк агентлигининг 2020 йил 
15 июлдаги 01-11/1097-сон хулосаси берилган.
II. Тадқиқотнинг мақсади: 
ғўза чигитларига биологик фаол қизил нур ва паст частотали электромагнит майдонлари билан биргаликда ишлов беришда атроф-муҳитнинг ноқулай шароитида ғўзанинг морфогенези, интеграл барқарорлиги, мослашувчан хусусиятига ва ҳосилдорлигига таъсирини аниқлашдан иборат.
III. Тадқиқотнинг илмий янгилиги:
илк бор хлорофилл флуоресценция индукцияси усули билан ғўза уруғларига светодиодли ҚН ва паст частотали импульсли ЭММ билан ишлов берилганда уруғларни сув танқислиги шароитида фотосинтетик аппарати фаоллилига ҳимоя таъсирининг синергизми борлиги аниқланган;
ҚН ва паст частотали импульсли ЭММ тасирида ғўзанинг вертицилиёз вилт патогенига қарши ҳимоя  юқори сезувчанлик реакцияларининг самарадорлигига синергизми аниқланган;
ўсимлик уруғларига қизил диапазонли оптик нурланиш ва электромагнит майдонда ишлов бериш натижасида ғўзанинг қурғоқчилик қўзғатувчи стрессларига морфогенетик ва физиологик реакцияларни самарадорлиги ошиши исботланган; 
ўсимликларнинг ҳосилдорлигини ошириш мақсадида ғўза уруғларига экологик тоза юқори самарали комбинацион ишлов бериш технологияси яратилган.
IV. Тадқиқот натижаларининг жорий қилиниши.
Ташқи муҳитнинг ноқулай шароитида ғўзанинг физиологик ҳолатини оптималлаштириш бўйича олинган илмий натижалар асосида: 
«Ғўза уруғларига экишдан олдин ишлов бериш» усули Тошкент вилояти Пискент тумани «Шухрат» фермер хўжалигида 20 гектар майдонга жорий қилинган (Ўзбекистон Республикаси Қишлоқ хўжалик вазирлигининг 2020 йил 23 июлдаги 05/020-2241-сон маълумотномаси). Натижада, юқори ва сифатли 4,7 ц/га қўшимча ҳосил етиштириш имконини берган;
экишдан олдин уруғларга қизил нурлар билан ишлов бериш усули Тошкент вилояти Зангиота туманидаги «Бек» фермер хўжалигида 1 гектар майдонга жорий қилинган (Ўзбекистон фермерлар ва деҳқон хўжаликлари томорқа ер эгалари кенгашининг 2020 йил 9 июлдаги 01/03-1541-сон маълумотномаси). Натижада, рентабеллик даражаси помидорда 5,9%, бодрингда 5,5% қўшимча ҳосил етиштириш имконини берган.