Abdurasulov Qobiljon Komiljon o‘g‘lining 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Nilradikalining to‘ldiruvchi fazosi qo‘shimcha shartlarni qanoatlantiruvchi echiluvchan Leybnis algebralari», 01.01.06 – Algebra (fizika-matematika fanlari).
Dissertatsiya mavzusi ro‘yxatga olingan raqam: B2019.1.PhD/FM314.
Dissertatsiya bajarilgan muassasa nomi: Matematika instituti.
IK faoliyat ko‘rsatayotgan muassasa nomi, IK raqami: Matematika instituti, DSc.02/30.12.2019.FM.86.01.
Ilmiy rahbar: Ayupov Shavkat Abdullaevich, fizika-matematika fanlari doktori, akademik.
Rasmiy opponentlar: Xudoyberdiev Abror Xakimovich, fizika-matematika fanlari doktori, dotsent; Kurbanbaev Tuo‘elbay Kadirbaevich, fizika-matematika fanlari nomzodi.
Yetakchi tashkilot: Andijon davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi nilradikali berilgan echiluvchan Leybnis algebralarini tasniflash, hamda kengligi 3/2 ga teng bo‘lgan maksimal pro-nilpotent idealga ega maksimal pro-echiluvchan Li algebralarini qurish va ularning kichik tartibli kogomologik gruppalarini tadqiq etishdan iborat.
III. Tadqiqotning ilmiy yangiligi:
nilradikali maksimal uzunlikdagi kvazi-filiform algebralarga izomorf bo‘lgan echiluvchan Leybnis algebralari tasniflangan; 
nilradikalni to‘ldiruvchi fazonining o‘lchami, nilradikalning hosil qiluvchilari soniga teng bo‘lgan echiluvchan Leybnis algebralari tavsiflangan, sheningdek bunday algebralarning to‘liqligi isbotlangan;
kengligi 3/2 ga teng bo‘lgan maksimal pro-nilpotent idealga ega maksimal pro-echiluvchan Li algebralarining  tasnifi olingan;
pro-echiluvchan Li algebralarning birinchi va ikkinchi tartibli kogomologik gruppalari tasniflangan.
IV. Tadqiqot natijalarining joriy qilinishi. 
Nilradikalining to‘ldiruvchi fazosi qo‘shimcha shartlarni qanoatlantiruvchi echiluvchan Leybnis algebralari bo‘yicha olingan natijalar asosida:
nilradikalning ko-o‘lchami nilradikalning hosil qiluvchilari soniga teng bo‘lgan echiluvchan Leybnis algebralarining tasniflari va ularning to‘liqligidan FRGS/1/2016/STG06/UPM/03/2 raqamli xorijiy loyihasida ba’zi chekli o‘lchamli echiluvchan Leybnis algebralarining differensiallashlarini tasniflashda foydalanilgan (MARA Texnologiya universitetining 2020 yil 27 noyabrdagi ma’lumotnomasi, Malayziya). Ilmiy natijalarning qo‘llanilishi ba’zi echiluvchan Leybnis algebralarining kogomologik qattiqligi masalalarini hal qilish imkonini bergan;
nilradikalning to‘ldiruvchi fazosi maksimal bo‘lgan echiluvchan Li algebralarining tasniflari va ularning to‘liqligidan YoFA-Ftex-2018-79 raqamli fundamental loyihasida Li algebralarini tasniflashda foydalanilgan (O‘zbekiston Respublikasi Fanlar Akademiyasining 2020 yil 3 dekabrdagi 2/1255-2719-son ma’lumotnomasi). Ilmiy natijalarning qo‘llanilishi nilradikali maksimal uzunlikdagi kvazi-filiform Li algebralarining tasnifi va ularning differensiallashlari tavsifi olish imkonini bergan;
nilradikalning ko-o‘lchami nilradikalning hosil qiluvchilari soniga teng bo‘lgan echiluvchan Li algebralarining tasniflari va ularning to‘liqligi hamda bunday algebralarning yagonaligidan OT-F4-31 raqamli fundamental loyihasida Li algebralarining kogomologik fazolarini tasniflashda foydalanilgan (O‘zbekiston Respublikasi Oliy va o‘rta maxsus ta’lim Vazirligining  2020 yil 30 noyabrdagi 89-03-4997-son ma’lumotnomasi). Ilmiy natijalarning qo‘llanilishi ba’zi echiluvchan Leybnis algebralarining birinchi va ikkinchi tartibli kogomologik fazolarini tasniflashda foydalanilgan va ularning trivial ekanligini ko‘rsatish imkonini bergan.