Абдурасулов Қобилжон Комилжон ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Нилрадикалининг тўлдирувчи фазоси қўшимча шартларни қаноатлантирувчи ечилувчан Лейбниц алгебралари», 01.01.06 – Алгебра (физика-математика фанлари).
Диссертация мавзуси рўйхатга олинган рақам: В2019.1.PhD/FM314.
Диссертация бажарилган муассаса номи: Математика институти.
ИК фаолият кўрсатаётган муассаса номи, ИК рақами: Математика институти, DSc.02/30.12.2019.FM.86.01.
Илмий раҳбар: Аюпов Шавкат Абдуллаевич, физика-математика фанлари доктори, академик.
Расмий оппонентлар: Худойбердиев Аброр Хакимович, физика-математика фанлари доктори, доцент; Курбанбаев Туўелбай Кадирбаевич, физика-математика фанлари номзоди.
Етакчи ташкилот: Андижон давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади нилрадикали берилган ечилувчан Лейбниц алгебраларини таснифлаш, ҳамда кенглиги 3/2 га тенг бўлган максимал про-нилпотент идеалга эга максимал про-ечилувчан Ли алгебраларини қуриш ва уларнинг кичик тартибли когомологик группаларини тадқиқ этишдан иборат.
III. Тадқиқотнинг илмий янгилиги:
нилрадикали максимал узунликдаги квази-филиформ алгебраларга изоморф бўлган ечилувчан Лейбниц алгебралари таснифланган; 
нилрадикални тўлдирувчи фазонининг ўлчами, нилрадикалнинг ҳосил қилувчилари сонига тенг бўлган ечилувчан Лейбниц алгебралари тавсифланган, шенингдек бундай алгебраларнинг тўлиқлиги исботланган;
кенглиги 3/2 га тенг бўлган максимал про-нилпотент идеалга эга максимал про-ечилувчан Ли алгебраларининг  таснифи олинган;
про-ечилувчан Ли алгебраларнинг биринчи ва иккинчи тартибли когомологик группалари таснифланган.
IV. Тадқиқот натижаларининг жорий қилиниши. 
Нилрадикалининг тўлдирувчи фазоси қўшимча шартларни қаноатлантирувчи ечилувчан Лейбниц алгебралари бўйича олинган натижалар асосида:
нилрадикалнинг ко-ўлчами нилрадикалнинг ҳосил қилувчилари сонига тенг бўлган ечилувчан Лейбниц алгебраларининг таснифлари ва уларнинг тўлиқлигидан FRGS/1/2016/STG06/UPM/03/2 рақамли хорижий лойиҳасида баъзи чекли ўлчамли ечилувчан Лейбниц алгебраларининг дифференциаллашларини таснифлашда фойдаланилган (МАРА Технология университетининг 2020 йил 27 ноябрдаги маълумотномаси, Малайзия). Илмий натижаларнинг қўлланилиши баъзи ечилувчан Лейбниц алгебраларининг когомологик қаттиқлиги масалаларини ҳал қилиш имконини берган;
нилрадикалнинг тўлдирувчи фазоси максимал бўлган ечилувчан Ли алгебраларининг таснифлари ва уларнинг тўлиқлигидан ЁФА-Фтех-2018-79 рақамли фундаментал лойиҳасида Ли алгебраларини таснифлашда фойдаланилган (Ўзбекистон Республикаси Фанлар Академиясининг 2020 йил 3 декабрдаги 2/1255-2719-сон маълумотномаси). Илмий натижаларнинг қўлланилиши нилрадикали максимал узунликдаги квази-филиформ Ли алгебраларининг таснифи ва уларнинг дифференциаллашлари тавсифи олиш имконини берган;
нилрадикалнинг ко-ўлчами нилрадикалнинг ҳосил қилувчилари сонига тенг бўлган ечилувчан Ли алгебраларининг таснифлари ва уларнинг тўлиқлиги ҳамда бундай алгебраларнинг ягоналигидан ОТ-Ф4-31 рақамли фундаментал лойиҳасида Ли алгебраларининг когомологик фазоларини таснифлашда фойдаланилган (Ўзбекистон Республикаси Олий ва ўрта махсус таълим Вазирлигининг  2020 йил 30 ноябрдаги 89-03-4997-сон маълумотномаси). Илмий натижаларнинг қўлланилиши баъзи ечилувчан Лейбниц алгебраларининг биринчи ва иккинчи тартибли когомологик фазоларини таснифлашда фойдаланилган ва уларнинг тривиал эканлигини кўрсатиш имконини берган.