Примов Шерзод Қувондиқовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Бўлажак ўқитувчиларнинг коммуникатив компетентлигини ривожлантириш”, 13.00.01 – Педагогика назарияси. Педагогика таълимотлар тарихи (педагогика фанлари).
Диссертация  мавзуси рўйхатга олинган рақам: B2019.1.PhD/Ped562. 
Илмий раҳбар: Абдуллаева Барно Сайфутдиновна, педагогика фанлари доктори, профессор.
Диссертация бажарилган муассаса номи: Тошкент вилояти Чирчиқ давлат педагогика университети.
ИК фаолият кўрсатаётган муассаса номи, ИК рақами: Тошкент давлат педагогика университети, DSс.03/30.01.2020.Ped.26.01.
Расмий оппонентлар: Исакулова Нилуфар Жаникуловна, педагогика фанлари доктори, профессор; Бегматов Абдуллажон, фалсафа фанлари доктори, профессор
Етакчи ташкилот: Тошкент вилояти Чирчиқ давлат педагогика институти.
Диссертация йўналиши: амалий ва назарий аҳамиятга молик.
II. Тадқиқотнинг мақсади бўлажак ўқитувчиларнинг коммуникатив компетентлигини ривожлантириш бўйича илмий тавсиялар ишлаб чиқишдан иборат.
III. Тадқиқотнинг илмий янгилиги: 
бўлажак ўқитувчиларнинг коммуникатив компетентлиги бир-бирига боғлиқ лингвистик, социолингвистик ва прагматик компонентларни даражали босқичларини аниқлаш орқали такомиллаштирилган;
бўлажак ўқитувчиларнинг коммуникатив компетентлигини ривожлантириш механизмлари дискурсив-стилистик, риторик-прагматик, этикет-нутқни вербал ва новербал воситалар ва рефлексив компоненталар субъект-субъект муносабатлар асосида такомиллаштирилган;  
бўлажак ўқитувчиларнинг коммуникатив компетентлигини ривожлантиришнинг полифактор мантиқий-тузилмавий модели мақсадга қаратилганлик, мазмунга оид, операционал, натижадорликнинг инсонпарварлаштирилган коммуникатив ядроси касбий аҳамияти сифатлари киритилиши асосида такомиллаштирилган;
умумий ва касбий коммуникатив компетентлигининг намоён бўлиш мезонлари (умумий коммуникатив қадриятлар, шахслараро мулоқотни амалга ошириш, касбий идеал даражаси, касбий мулоқот) шахсий хусусият ва шароитларга устуворлик бериш асосида аниқланган.
IV. Тадқиқот натижаларининг жорий қилиниши. 
Бўлажак ўқитувчиларнинг коммуникатив компетентлигини ривожлантириш бўйича илмий натижалар: 
лингвистик, социолингвистик ва прагматик компонентларини  ривожлантириш орқали такомиллашган бўлажак ўқитувчиларнинг коммуникатив компетентлигидан “Ўзстандарт” агентлигининг 2014 йил 18 сентябрдаги 4574-сон қарори билан тасдиқланган бакалавриат йўналиши «Педагогика соҳаси» Давлат таълим стандарти, Малака талаблари мазмунига сингдирилган (Ўзбекистон Республикаси Олий ва ўрта махсус таълим вазирлигининг 2020 йил 27 январдаги 89-03-330-сон маълумотномаси). Натижада, бўлажак ўқитувчиларнинг коммуникатив компетентлиги компонентлари ривожланишига хизмат қилган;
дискурсив-стилистик, риторик-прагматик, этикет-нутқни такомиллаштириш орқали аниқланган бўлажак ўқитувчиларнинг коммуникатив компетентлигини ривожлантириш механизмлари асосида “Умумий педагогика (педагогик маҳорат)” дарслиги ишлаб чиқилган (Ўзбекистон Республикаси Олий ва ўрта махсус таълим вазирлигининг 2020 йил 4 майдаги 285-сон буйруғи, 285-114 рақамли гувоҳнома). Натижада, коммуникатив компетентликни талабаларда ривожлантиришга эришилган;  
мақсадга қаратилганлик, мазмунга оид, операционал, натижадорликни баҳолаш интеграцияси бўйича такомиллашган бўлажак ўқитувчиларнинг коммуникатив компетентлигини ривожлантиришнинг полифактор моделидан “Ўзстандарт” агентлигининг 2014 йил 18 сентябрдаги 4574-сон қарори билан таълим жараёнига татбиқ этилган (Ўзбекистон Республикаси Олий ва ўрта махсус таълим вазирлигининг 2020 йил 27 январдаги 89-03-330-сон маълумотномаси) Натижада, касбий-педагогик фаолият самарадорлигини баҳолашнинг диагностик аппарати такомиллаштирилган;
инновацион ёндашув бўйича ўқув машғулотининг ахборот, ўзини ўзи англаш ва амалий блоклари орқали ишлаб чиқилган бўлажак ўқитувчиларнинг коммуникатив компетентлигини ривожлантиришнинг методик ва дидактик таъминоти асосида “Умумий педагогика (педагогик маҳорат)” дарслиги ишлаб чиқилган (Ўзбекистон Республикаси Олий ва ўрта махсус таълим вазирлигининг 2020 йил 4 майдаги 285-сон буйруғи,  285-114 рақамли гувоҳнома). Натижада, бўлажак ўқитувчиларнинг коммуникатив компетентлигини ривожлантиришга йўналтирилган педагогик фаолиятнинг модернизациялашган шакллари аниқлаштирилган