Ахророва Рўзихон Усмоновнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Француз ва ўзбек тилларида “ёш”га оид семантикали лексик ва фразеологик бирликларнинг лисоний хусусиятлари”, 10.00.06 – Қиёсий адабиётшунослик, чоғиштирма тилшунослик ва таржимашунослик (филология фанлари).
Диссертация мавзуси рўйхатга олинган рақам: В2020.3.PhD/Fil.734.
Илмий раҳбар: Маматов Абди Эшонқулович филология фанлари доктори, профессор.
Диссертация бажарилган муассаса номи: Фарғона давлат университети.
ИК фаолият кўрсатаётган муассаса номи, ИК рақами: Андижон давлат университети, PhD.03/30.12.2019.Fil.60.02.
Расмий оппонентлар: Ёқубов Жамалиддин Абдувалиевич, филология фанлари доктори, профессор; Гулбахор Қобулжонова, филология фанлари номзоди, доцент. 
Етакчи ташкилот номи: Самарқанд давлат чет тиллар институти.
Диссертация йўналиши: назарий ва амалий аҳамиятга молик.
II. Тадқиқот мақсади: француз ва ўзбек лингвомаданий ҳамжамиятларида “ёш давр”ларининг умумий ҳамда алохида  хусусиятларини аниқлаш ва лексик-семантик ҳамда фразео-семантик таҳлилини амалга ошириш.
III. Тадқиқотнинг илмий янгилиги: 
француз ва ўзбек тилларидаги “ёш”га оид семантикали лексик ва фразеологик бирликларнинг лисоний хусусиятлари илк бор илмий монографик планда тадқиқ этилди;  
француз ва ўзбек тилларидаги “ёш” семантикали тил бирликлари бешта асосий  лексик-семантик гуруҳларга ажратиб таснифланди;
“ёш” тўғрисидаги тушунча-тасаввурларни қиёсий тадқиқ этиш жараёнида лингвистик   ва психолингвистик   ёндашувларнинг замонавий тизими асосида француз ва ўзбек тилларида сўзлашувчилар нутқининг когнитив лингвистика бўйича таҳлили амалга оширилди;
француз ва ўзбек тилларида “ёш” семантикали фразеологизмларнинг гендер хусусиятлари ва уларнинг олам миллий манзарасида намоён бўлиш ҳолатлари илмий таҳлил қилинди ва “ёш”га оид семантикали мезуратив фразеологизмларнинг лисоний хусусиятлари аниқланди.
IV. Тадқиқот натижаларининг жорий қилиниши.
ранцуз ва ўзбек тилларида “ёш”га оид семантикали лексик ва фразеологик бирликларнинг лисоний ҳусусиятларининг қиёсий тадқиқи юзасидан олинган илмий натижалар ва амалий таклифлардан: 
француз ва ўзбек тиллари қиёсий тавсифи орқали жамиятда юз бераётган глобаллашув жараёнида халқлар маданияти ва тушунчалари ўртасидаги тафовутлар ва ўхшашликлар илмий асосланди. Натижада тил ўрганувчиларнинг икки қиёсланаётган тил лисоний оламига тегишли билимлари янада бойитилди, мамлакатшунослик ва маданиятлараро мулоқот шаклларида муайян ижобий натижаларга эришилган. 
француз ва ўзбек тилларида “ёш”га оид семантикали лексик ва фразеологик бирликларнинг лисоний усуллардан фойдаланиб олиб борилган тадқиқ натижаларидан Ўзбекистон Республикаси Вазирлар Маҳкамаси Фан ва Технологиялар агентлиги томонидан тақдим этилган А-1-099 рақамли 2015-2017 йилдаги “Ўзбекистоннинг барқарор стратегик тараққиётида фуқаролик жамиятини янада ривожлантириш ва маънавий-ахлоқий хавфсизликни таъминлаш концепцияларининг аҳамияти” мавзусидаги фундаментал лойиҳа доирасида 2017 йилда “Фарғона” нашриёти томонидан нашр этилган “Имконияти чекланган болалар ижтимоий маданий мослашувини ривожлантиришнинг методик асослари” мавзусидаги услубий қўлланмасинининг “Шахс интеллектуал маданияти ва уни ривожлантириш масалалари” номли 4-бобини тайёрлашда фойдаланилди (Ўзбекистон Республикаси Олий ва ўрта-махсус таълими вазирлигининг 2020 йил  21 сентябрдаги 89-03-3418-сонли маълумотномаси). Натижада қўлланма мазмуни қиёсий материаллар билан бойитиш имкони яратилган;
“Ёш  давр”ларини ифодаловчи семантикали лексик ва фразеологик бирликларнинг семантик таҳлилидан 574097-ЕРР-1-2016-1-СY-EPPKA2-CBHE-JP рақамли,”RUECVET: “Пилотирование Европейской системы перевода зачётных единиц (кредитов) для профессионального образования и обучения (ECVET) в национальных системах профессионального образования и обучения России и Узбекистана” (2016-2019 г.г.) номли халқаро лойиҳада фойдаланилди(Ўзбекистон Республикаси Олий ва ўрта-махсус таълими вазирлигининг 2020 йил  21 сентябрдаги 89-03-3418-сонли маълумотномаси). Натижада лойиҳа илмий асосдаги тушунча ва таснифлар билан бойитилган;
Илмий тадқиқот натижалари асосидаги “Дунёнинг миллий-маданий ва ижтимоий манзараларини аниқлашда француз ва ўзбек тиллари ўртасидаги хусусийлик ва умумийлик” номли маърузадан Фарғона вилояти телерадиокомпаниясининг “Хайрли оқшом” радиоэшиттиришида фойдаланилди(Фарғона вилояти телерадиокомпаниясининг 2020 йил 21 февралдаги 12-01/92 сонли маълумотномаси). Натижада радиоэшиттириш мазмунан илмий тушунчалар билан бойитилди, илмий-оммабоплик хусусиятини янада ортишига имкон яратилган.