Норқулов Алиддин Номоз ўғлининг
фалсафа доктори диссертацияси (PhD) ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Жиззах вилоятининг лалми шароитида нўхат биоценозидаги зараркунандалар сонини бошқариш усуллари» 06.01.09–Ўсимликларни ҳимоя қилиш (қишлоқ хўжалиги фанлари).
Диссертация мавзуси рўйхатга олинган рақам: B2020.4.PhD/Qx584
Илмий раҳбар: Кимсанбоев Хўжамурод Хамрақулович, биология фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса (муассасалар) номи: Тошкент давлат аграр университети, DSc.05/30.12.2019.Qx.13.01.
Расмий оппонентлар: Торениязов Елмурат Шерниязович – Тошкент давлат аграр университети Нукус филиали директори, қишлоқ хўжалиги фанлари доктори, профессор;
Маматов Камол Шавқиевич – Ўсимликларни ҳимоя қилиш илмий-тадқиқот институти директори, биология фанлари номзоди, катта илмий ходим;
Етакчи ташкилот: – Андижон қишлоқ хўжалиги ва агротехнологиялари институти.
Диссертация йўналиши: амалий аҳамиятга молик.
II. Тадқиқотнинг мақсади: Жиззах вилоятининг лалми майдонларида нўхат зараркунандаларининг тур таркиби, биоэкологик хусусиятлари, тарқалиши, табиий кушандалари, зарарлилик даражасини аниқлаш асосида уларни миқдорини бошқариш усулларини ишлаб чиқишдан иборат.
III. Тадқиқотнинг илмий янгилиги: 
Жиззах вилоятининг лалми шароитида нўхат агобиоценозида 1 та синф 5 та туркумга оид 27 тур зараркунандалари аниқланган;
лалми нўхат биоценозида асосий зараркунандаларнинг биоэкологик хусусиятлари, популяциясининг шаклланиши аниқланган ва иқтисодий зарарлилик миқдор мезони ишлаб чиқилган;
нўхат зараркунандаларининг табиий энтомофагларини тур таркиби ва зараркунандаларга нисбатан биологик самарадорлиги аниқланган;
лалми нўхат экинида зараркунандалар миқдорини бошқаришда агротехник тадбирлар ва уруғдорилагич воситалар ҳамда инсектицидларни қўллаш муддати ва меъёрлари танланган;
лалми нўхат биоценозида за    раркунандаларга қарши кимёвий воситаларнинг биологик, хўжалик ва иқтисодий самарадорлиги аниқланган.
IV. Тадқиқот натижаларининг жорий қилиниши: 
Лалми нўхатнинг асосий зараркунандалари ва уларнинг миқдорини бошқариш бўйича ўтказилган тадқиқотларнинг натижалари асосида:
нўхатнинг зараркунандаларига қарши жумладан, илдиз кемирувчи тунламлар, туганак узунбурунлар, қарсилдоқ қўнғизлар, қора қўнғизларга қарши нўхат уруғларини экишдан олдин уруғдорилагич препаратлар Далучо 70% н.кук. (5 кг/т) ва Круизер Экстра 362 сус.к. (3 л/т) дорилаб экиш 2018-2020 йилларда Жиззах вилоятининг Фориш, Ғаллаорол туманларидаги 180 гектар майдонга жорий этилган (Қишлоқ хўжалиги вазирлигининг 2020 йил 17 июлдаги 02/011-2176-сон маълумотномаси). Натижада хосилдорлик 25-30% га оширилган ва иқтисодий самарадорлик гектаридан қўшимча
1,7-2,2 млн. сўмни ташкил этган; 
Жиззах вилоятининг Фориш, Ғаллаорол туманларидаги лалми нўхат экилган майдонларда асосий зараркунандаларидан кузги тунлам, қарсилдоқ қўнғизлар ва қора қўнғизларга қарши Децис 10% эм.к. (0,1 л/га), Плигрим 24,7% сус.к. (0,3 л/га), Децис 2,5% эм.к. (0,7 л/га), Энджео 24,7% сус.к. (0,3 л/га) препаратлари қўлланилганда 84,3-93,7% гача биологик самарадорликка эришилган (Қишлоқ хўжалиги вазирлигининг 2020 йил 17 июлдаги 02/011-2176-сон маълумотномаси). Натижада ҳимоя учун сарфланган ҳар 1 сўм эвазига 7,6-4,6 сўмлик махсулот олишга эришилган.