Хомидова Нигорахон Рустамжон қизининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Марказий ва переферик гемодинамика кўрсаткичлари бузилишининг акушерликдаги коагулопатик қон кетишларга таъсири», 14.00.01 – Акушерлик ва гинекология (тиббиёт фанлари).
Диссертация мавзуси рўйхатга олинган рақам: B2018.4.PhD/Tib718.
Илмий раҳбар: Туксанова Дилбар Исматовна, тиббиёт фанлари доктори (DSc).
Диссертация бажарилган муассаса номи: Бухоро  давлат тиббиёт институти.
ИК фаолият кўрсатаётган муассаса номи, ИК рақами: Бухоро давлат тиббиёт институти, PhD.04/13.05.2020.Tib.93.02.
Расмий оппонентлар: Шарифканова Магрифа Нематкановна, тиббиёт фанлари доктори, профессор; Муминова Нигора Хайритдиновна, тиббиёт фанлари доктори, доцент.
Етакчи ташкилот: Н.И.Пирогов номидаги миллий текшириш тиббиёт университети (Россия Федерацияси). 
Диссертациянинг йўналиши: амалий аҳамиятга молик.
II. Тадқиқотнинг мақсади: марказий ва периферик гемодинамика кўрсаткичлари бузилишининг акушерликдаги коагулопатик қон кетишларга таъсирини аниқлашдан иборат.
III. Тадқиқотнинг илмий янгилиги:
илк бор гемостаз тизими ва бачодон-йўлдош қон оқими, она марказий гемодинамикасининг функционал ҳолатлари кўрсаткичлари меъердан ортишига тўғри пропорционал тромбогеморрагик асоратлар ривожланиш хавфи юзага келиши исботланган;
илк бор гемостаз тизими бузилишининг бирламчи механизмида УПТҚ кўрсаткичининг кескин ортиши билан бачадон ва киндик артериясида СДН ва РИ кўрсаткичларининг мутаносиб равишда ортишига боғлиқлиги исботланган;
периферик қон томирларда УПТҚ,  бачадон артерияларида СДН ва РИ кўрсаткичлари ҳамда фибрин дегидратацияси маҳсулотлари (Д-димер) миқдорининг кескин ортиши фонида юракнинг бир марталик ва дақиқа ҳажмининг камайиши ҳомиладорлик ва туғруқ вақтида тромбоэмболик асоратлар ривожланишининг башоратловчи  эрта  маркерлари  эканлиги асосланган; 
гемостаз тизими бузилган аёлларда фибриноген ва ПТИ миқдорининг ортиши хамда D-димер даражасининг кескин кўтарилиши фонида МНО миқдорининг камайиши ҳомиладор аёллар томирларида тромб ҳосил бўлишининг катта хавфи эканлиги исботланган.
IV. Тадқиқот натижаларининг жорий қилиниши.
Марказий ва периферик гемодинамика кўрсаткичлари бузилишининг акушерликдаги коагулопатик қон кетишларга таъсирини аниқлаш бўйича олинган илмий натижалар асосида:
«Тромбофилиянинг маркёрлари ва уларнинг туғруқдан кейин қон кетишининг олдини олишдаги роли» услубий тавсияномаси тасдиқланган (Соғлиқни сақлаш вазирлигининг 2020 йил 10 июндаги 8н-д/67-сон маълумотномаси). Мазкур услубий тавсиянома хомиладорларда тромбофилия билан асоратланишни эрта ташхислаш, туғруқдан кейинги қон кетишини тўхтатиш ва касаллик кечишини башорат қилиш ва ўз вақтида даволаш чора-тадбирларини қўллашга хизмат қилган;
хомиладорларда марказий ва периферик гемодинамика кўрсаткичлари бузилишининг коагулопатик қон кетишларга таъсирини аниқлаш бўйича олинган илмий натижалар соғлиқни сақлаш тизимига, жумладан, Бухоро шаҳар туғруқ комплекси ва Бухоро туман тиббиёт бирлашмаси амалиётларига  жорий этилган (Соғлиқни сақлаш вазирлигининг 2020 йил 3 ноябрдаги 8н-з/137-сон маълумотномаси). Жорий қилинган натижалар хомиладорларда акушерлик қон кетишини олдини олиш, касаллик тромбоген асоратларини камайтириш хисобига оналар ўлими кўрсаткичларини пасайтириш ҳамда уларни стационарда даволаниш муддатини қисқартириш билан тиббий ёрдам кўрсатиш сифатини оширишга имкон яратган.