Турдиев Машраб Рустамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Сурункали нур касаллигида талоқ морфометрик кўрсаткичларининг қиёсий тавсифи ва постнатал онтогенезда биостимулятор таъсиридаги ўзгаришлари” 14.00.02 – Морфология (тиббиёт фанлари)
Диссертация мавзуси рўйхатга олинган рақам B2020.2.PhD/Tib1132.
Илмий раҳбар: Тешаев Шухрат Жумаевич, тиббиёт фанлари доктори.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассалар номи, ИК рақами: Бухоро давлат тиббиёт институти, DSс/PhD.04/30.12.2019.Tib.93.01.
Расмий оппонентлар: Удочкина Лариса Альбертовна, тиббиёт фанлари доктори, профессор; Расулов Ҳамидулла Абдуллаевич, тиббиёт фанлари доктори.
Етакчи ташкилот: Павел Йозеф Шафарик университети.
Диссертация йўналиши: назарий ва амалий аҳамиятга молик
II. Тадқиқотнинг мақсади: 
оқ зотсиз каламушлар талоғи морфологик ва морфометрик кўрсаткичларининг постнатал онтогенездаги ёшга боғлиқ меъёрий, сурункали нур касаллиги ва АСД-2Ф биостимулятори таъсиридаги ўзгаришларини аниқлашдан иборат. 
III. Тадқиқотнинг илмий янгилиги:
сурункали нур касаллиги ва АСД-2Ф биостимулятори таъсирида, туғилгандан, 12 ойлик давргача бўлган оқ каламушлар талоғи лимфоид тузилмаларининг постнатал онтогенездаги морфологик ва морфометрик кўрсаткичларини қиёсий таҳлили натижалари асосланган;  
нурланишнинг оқ каламушлар талоғи лимфоид тузилмаларига салбий таъсир қилиши, бунинг нурланган каламушлар талоғи оқ пульпаси нисбий майдонининг камайиши билан намоён бўлиши асосланган; 
сурункали нурланиш касаллигида талоқ периартериал лимфатик муфталари, лимфатик тугунлари ва уларнинг кўпайиш марказлари диаметрининг камайиши, 3 ойлик ёшдаги нурланган каламушлар талоғи лимфатик тугунларида кўпайиш марказларининг йўқолиши, 3 ойлик ва 6 ойлик ёшда эса лимфатик тугунларнинг меъёрий шаклдан  нотўғри шаклга ўзгариши исботланган;
нурланган оқ каламушлар талоғи лимфатик тугунлари мантия, чегара ва периартериал соҳалари  кенглигининг, оқ пульпанинг кўпайиш марказига эга бўлмаган лимфатик тугунлари ва периартериал лимфатик муфталаридаги лимфоцитлар умумий сонининг камайиши исботланган; 
АСД-2Ф биостимуляторини сурункали нурланиш билан бир вақтда қўллаш, препаратни нурланишдан кейин қўлланилишига нисбатан, талоқнинг функционал фаолиятига самаралироқ таъсир кўрсатиши асосланган.
IV. Тадқиқот натижаларининг жорий қилиниши. 
Сурункали нур касаллиги ва АСД-2Ф биостимулятори таъсиридаги ёшга боғлиқ ҳолда  оқ каламушлар талоғининг постнатал онтогенездаги морфологик ва морфометрик кўрсаткичларини баҳолаш бўйича олинган илмий натижалар асосида:
“Сурункали нур касалигида ва биостимулятор билан коррекция қилинганда талоқ морфологик ва морфометрик ўзгаришларини аниқлаш усули” услубий тавсияномаси тасдиқланган (Соғлиқни сақлаш вазирлигининг 2020 йил 9 октябрдаги 8н-р/400-сон маълумотномаси). Мазкур услубий тавсиянома талоқ лимфоид тузилмаларидаги морфологик ўзгаришларни аниқлаш ва сурункали нур касаллиги ва унинг асоратларида АСД-2Ф биостимуляторини қўллаш усуллари ҳақида тавсиялар бериш имконини берган;
“Сурункали нур касаллигида ва постнатал онтогенезда талоқ структур ўзгаришларини аниқлаш усули” номли услубий тавсиянома тасдиқланган (Соғлиқни сақлаш вазирлигининг 2020 йил 18 ноябрдаги 8н-р/401-сон маълумотномаси). Мазкур услубий тавсиянома сурункали нурланиш вақтида талоқдаги структур ўзгаришларни аниқлаш имконини берган;
сурункали нур касаллиги ва АСД-2Ф биостимулятори таъсиридаги ёшга боғлиқ ҳолда оқ каламушлар талоғининг постнатал онтогенездаги морфологик ва морфометрик кўрсаткичларини баҳолаш бўйича олинган натижалар соғлиқни сақлаш амалиётига, жумладан, Республика ихтисослаштирилган онкология ва радиология илмий-амалий тиббиёт маркази Бухоро филиали амалий фаолиятига, Республика шошилинч тиббий ёрдам илмий маркази Бухоро филиали амалий фаолиятига жорий этилган (Соғлиқни сақлаш вазирлигининг 2020 йил 20 ноябрдаги 8н-д/189-сон маълумотномаси). Натижаларнинг амалиётга жорий қилиниши, сурункали нур касаллигида, ёшга боғлиқ ҳолда талоқнинг постнатал онтогенездаги ўзгаришларини морфологик кўрсаткичлар бўйича аниқлаш, беморларда касалликларнинг олдини олиш, эрта ташхислаш ва даволашнинг патогенетик усулларини ишлаб чиқиш имконини берган.