Mamadaliev O‘ktamjon Xasanboevichning 
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Nilradikali berilgan echiluvchan Leybnis algebralarining qattiqligi», 01.01.06 – Algebra (fizika-matematika fanlari).
Dissertatsiya mavzusi ro‘yxatga olingan raqam: B2018.2.PhD/FM229.
Dissertatsiya bajarilgan muassasa nomi: O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: Matematika instituti, DSc.02/30.12.2019.FM.86.01.
Ilmiy rahbar: Omirov Baxrom Abdazovich, fizika-matematika fanlari doktori, professor.
Rasmiy opponentlar: Arzikulov Farxodjon Nematjonovich, fizika-matematika fanlari doktori; Eshmatov Farxod Xasanovich, fizika-matematika fanlari bo‘yicha falsafa doktori (PhD), katta ilmiy xodim.
Yetakchi tashkilot: Qoraqalpoq davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi nilradikali berilgan echiluvchan Leybnis algebralarini tavsiflash va ularning kichik tartibli kogomologik gruppalarini tadqiq etishdan iborat.
III. Tadqiqotning ilmiy yangiligi:
ixtiyoriy xarakteristik ketma-ketlikka ega Li bo‘lmagan model nilpotent Leybnis algebrasining maksimal echiluvchan kengaytmasining tasnifi olingan; 
nilradikali ixtiyoriy xarakteristik ketma-ketlikli model algebrasidan iborat bo‘lgan echiluvchan Leybnis algebralarining to‘liqligi va kogomologik qattiqligi isbotlangan; 
maksimal uzunlikdagi kvazi-filiform Leybnis algebralarining maksimal echiluvchan kengaytmalarining to‘liqligi va kogomologik qattiqligi ko‘rsatilgan; 
berilgan filiform nilradikalga ega echiluvchan Leybnis algebrasining kogomologik qattiqligi isbotlangan.
IV. Tadqiqot natijalarining joriy qilinishi. Nilradikali berilgan echiluvchan Leybnis algebralarining qattiqligi bo‘yicha olingan natijalar asosida: 
maksimal uzunlikdagi kvazi-filiform nilradikalli ba’zi echiluvchan Leybnis algebralarining kogomologik qattiqligi haqidagi natija FRGS/1/2016/STG06/UPM/03/2 raqamli «Algebralarning ayrim sinflarining umumlashtirilgan differensiallashlari va ularning qo‘llanilishi» xorijiy loyihasida chekli o‘lchamli echiluvchan Leybnis algebralarining ayrim sinflari differensiallashlari algebralarini tavsiflash uchun foydalanilgan (MARA Texnologiya universitetining 2020 yil 6 noyabrdagi ma’lumotnomasi, Malayziya). Ilmiy natijaning qo‘llanilishi chekli o‘lchamli noassotsiativ algebralarning aniq sinflarining differensiallashlari algebrasini tavsiflash imkonini bergan; 
nilradikali berilgan echiluvchan Leybnis algebralarining kogomologik qattiqligi va to‘liqligi haqidagi natija OT-F4-82 + OT-F4-87 «Operatorlar va noassotsiativ algebralarning lokal differesiallashlari va avtomorfizmlari, chiziqli bo‘lmagan dinamik sistemada fazoviy o‘tish va tartibsizliklar» + «Evklid va psevda-Evklid fazolardagi global egri chiziqlar va sirtlarning invariantlari nazariyasi va uning mexanikada qo‘llanilishi» loyihasida foydalanilgan (O‘zbekiston Respublikasi fanlar Akademiyasining  2020 yil 2 dekabrdagi 2/1255-2708-son ma’lumotnomasi). Ilmiy natijaning qo‘llanilishi nilradikali maksimal uzunlikdagi kvazi-filiform Leybnis algebrasi bo‘lgan echiluvchan Leybnis algebralarining klassifikatsiyasini va ularning  differesiallashlarining tavsiflarini olish imkonini bergan.