Мамадалиев Ўктамжон Хасанбоевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Нилрадикали берилган ечилувчан Лейбниц алгебраларининг қаттиқлиги», 01.01.06 – Алгебра (физика-математика фанлари).
Диссертация мавзуси рўйхатга олинган рақам: В2018.2.PhD/FM229.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Математика институти, DSc.02/30.12.2019.FM.86.01.
Илмий раҳбар: Омиров Бахром Абдазович, физика-математика фанлари доктори, профессор.
Расмий оппонентлар: Арзикулов Фарходжон Нематжонович, физика-математика фанлари доктори; Эшматов Фарход Хасанович, физика-математика фанлари бўйича фалсафа доктори (PhD), катта илмий ходим.
Етакчи ташкилот: Қорақалпоқ давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади нилрадикали берилган ечилувчан Лейбниц алгебраларини тавсифлаш ва уларнинг кичик тартибли когомологик группаларини тадқиқ этишдан иборат.
III. Тадқиқотнинг илмий янгилиги:
ихтиёрий характеристик кетма-кетликка эга Ли бўлмаган модел нилпотент Лейбниц алгебрасининг максимал ечилувчан кенгайтмасининг таснифи олинган; 
нилрадикали ихтиёрий характеристик кетма-кетликли модел алгебрасидан иборат бўлган ечилувчан Лейбниц алгебраларининг тўлиқлиги ва когомологик қаттиқлиги исботланган; 
максимал узунликдаги квази-филиформ Лейбниц алгебраларининг максимал ечилувчан кенгайтмаларининг тўлиқлиги ва когомологик қаттиқлиги кўрсатилган; 
берилган филиформ нилрадикалга эга ечилувчан Лейбниц алгебрасининг когомологик қаттиқлиги исботланган.
IV. Тадқиқот натижаларининг жорий қилиниши. Нилрадикали берилган ечилувчан Лейбниц алгебраларининг қаттиқлиги бўйича олинган натижалар асосида: 
максимал узунликдаги квази-филиформ нилрадикалли баъзи ечилувчан Лейбниц алгебраларининг когомологик қаттиқлиги ҳақидаги натижа FRGS/1/2016/STG06/UPM/03/2 рақамли «Aлгебраларнинг айрим синфларининг умумлаштирилган дифференциаллашлари ва уларнинг қўлланилиши» хорижий лойиҳасида чекли ўлчамли ечилувчан Лейбниц алгебраларининг айрим синфлари дифференциаллашлари алгебраларини тавсифлаш учун фойдаланилган (МАРА Технология университетининг 2020 йил 6 ноябрдаги маълумотномаси, Малайзия). Илмий натижанинг қўлланилиши чекли ўлчамли ноассоциатив алгебраларнинг аниқ синфларининг дифференциаллашлари алгебрасини тавсифлаш имконини берган; 
нилрадикали берилган ечилувчан Лейбниц алгебраларининг когомологик қаттиқлиги ва тўлиқлиги ҳақидаги натижа ОТ-Ф4-82 + ОТ-Ф4-87 «Операторлар ва ноассоциатив алгебраларнинг локал дифферециаллашлари ва автоморфизмлари, чизиқли бўлмаган динамик системада фазовий ўтиш ва тартибсизликлар» + «Евклид ва псевда-Евклид фазолардаги глобал эгри чизиқлар ва сиртларнинг инвариантлари назарияси ва унинг механикада қўлланилиши» лойиҳасида фойдаланилган (Ўзбекистон Республикаси фанлар Академиясининг  2020 йил 2 декабрдаги 2/1255-2708-сон маълумотномаси). Илмий натижанинг қўлланилиши нилрадикали максимал узунликдаги квази-филиформ Лейбниц алгебраси бўлган ечилувчан Лейбниц алгебраларининг классификациясини ва уларнинг  дифферециаллашларининг тавсифларини олиш имконини берган.