Сатимова Дилафруз Нумонжоновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Инглиз ва ўзбек ёшлар сленги қиёсий таҳлили»,10.00.06 – Қиёсий адабиётшунослик, чоғиштирма тилшунослик ва таржимашунослик (филология фанлари).
Диссертация мавзуси рўйхатга олинган рақам: B2020.2.PhD/Fil1235.
Илмий раҳбар: Шахабитдинова Шохида Хошимовна филология фанлари доктори, профессор.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи, ИК рақами: Андижон давлат университети, PhD.03/30.12.2019.Fil.60.02.
Расмий оппонентлар: Хошимова Дилдора Мадаминовна филология фанлари доктори, доцент; Хамраева Хулкар Хамидуллаевна филология фанлари номзоди.
Етакчи ташкилот номи: Қўқон давлат педагогика институти.
Диссертация йўналиши: назарий ва амалий аҳамиятга молик.
II. Тадқиқот мақсади: инглиз ва ўзбек тилларида ёшлар сленгининг структурал-семантик, функционал-прагматик хусусиятларини, бошқа ёндош ҳодисаларга нисбатан умумий ва хусусий жиҳатларини, генезиси ва турли дискурсларда гавдаланиш жиҳатларини ва этимологиясини аниқлашдан иборатдир.
III. Тадқиқотнинг илмий янгилиги:
инглиз ва ўзбек тилларида ёшлар сленгини тавсифловчи ва таърифловчи концепция, уни аниқлашнинг прагмасемантик ва структурал мезонлари ишлаб чиқилган;
инглиз ва ўзбек тилларида ёшлар сленги ҳамда социолектнинг жаргон, арго, кент сингари бошқа кўринишлари, шунингдек неологизм, вульгаризм, қуйи коллоквиализм, диалектизм ўртасидаги коммуникатив, когнитив, номинатив, эмоционал фарқлар очиб берилган;
ижтимоий сўровнома орқали, кузатиш ва тавсиф йўли билан инглиз ва ўзбек тилларида ёшлар сленгининг нутқнинг тежамкорлиги ва замонавийлигини таъминловчи структурал-семантик хусусиятлари, эмоционаллиги ва ижтимоий хосланганлигини таъминловчи функционал-прагматик жиҳатлари аниқланган;  
қиёсланаётган тиллар кесимида ёшлар сленги ўртасидаги нутқда ҳосил бўлишига ҳамда қўлланишига кўра фаоллик даражаси, уларнинг келиб чиқиш ижтимоий, лисоний манбалари аниқланган ва тавсифланган, сленглар ҳосил бўлишининг аффиксация, аббревация, метафоризация, неологизм, қофияли сленг, тескари сленг, ўзлаштириш, кесиш, калькалаш, фонетик мимикрия, телескопия каби кўринишлари тадқиқ этилган.
IV. Тадқиқот натижаларининг жорий қилиниши.
Инглиз ва ўзбек ёшлари сленгининг қиёсий тадқиқи юзасидан эришилган илмий натижалар асосида:
ёшлар нутқида кузатилаётган ўзига хосликлар – сленгларни қиёслаб тавсифлашда, мулоқот жараёнига ижтимоий, маданий, миллий омиллар таъсирини ўрганишда, сленгнинг социолектнинг бошқа кўринишлари билан фарқлари, сленгнинг қўлланиш доирасига кўра турлари, ёшлар сленгининг структур кўринишлари ҳамда ҳосил бўлиш асосларини аниқлаш, ёшлар нутқида қўлланувчи сленглар этимологияси борасидаги илмий хулосалардан ОТ-Ф1-18 рақамли “Оммавий лисоний маданиятни шакллантириш методлари ва методологиясини ишлаб чиқиш” (2017-2020) мавзусидаги фундаментал лойиҳада фойдаланилган (Олий ва ўрта-махсус таълими вазирлигининг 2020 йил 27 октябрдаги 89-03-4227-сон маълумотномаси). Натижада тилда янги пайдо бўлаётган унсурларнинг илмий талқини ва амалий таҳлили янги босқичга кўтарилган;
сленг юзага келишининг психолингвистик жиҳатларини ўрганишда, ёшларнинг фикрлаш тарзи ҳамда тилга онгли равишда прагматик ёндашувидаги уникал жиҳатларини аниқлашга оид хулосалардан ПЗ-20170926286 рақамли “Ўзбек суд амалий лингвистикаси тадқиқи” (2018-2020)  номли амалий лойиҳада фойдаланилган (Олий ва ўрта-махсус таълими вазирлигининг 2020 йил 27 октябрдаги 89-03-4227-сон маълумотномаси). Натижада тилнинг истеъмол доираси чегараланган унсурларидан фойдаланишнинг психолингвистик омиллари очиб берилган;
инглиз ва ўзбек ёшлар сленги тадқиқига бағишланган таҳлилий фикрлар ва назарий хулосалардан Андижон вилоят  телерадиокомпаниясининг Андижон ахбороти «News» информацион дастури ҳамда «Онлайн дарс», «Ёшлар вақти» кўрсатувларида сценарийсида фойдаланилган (Андижон вилояти  телерадиокомпаниясининг 2020 йил 27 июлдаги 20-24/320-сонли маълумотномаси). Натижада ушбу телекўрсатувлар учун тайёрланган материалларнинг мазмуни бойиган.