Хатамов Баходир Бахромовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кўп функционал махсус техника ва мослашган методологик базасини яратиш орқали мураккаб мажмуаларнинг ёнғин хавфсизлигини ошириш», 05.10.02 – Фавқулодда ҳолатларда хавфсизлик. Ёнғин, саноат, ядро ва радиация хавфсизлиги (техника фанлари).
Диссертация мавзуси рўйхатга олинган рақам: В2019.3.PhD/Т1376.
Илмий раҳбар: Мавлянкариев Бахтиёр Абдугафурович, техника фанлари доктори, профессор. 
Диссертация бажарилган муассаса номи: Ўзбекистон Республикаси Фавқулодда вазиятлар вазирлиги Академияси.
ИК фаолият кўрсатаётган муассаса номи, ИК рақами: И.М. Губкин номидаги (МТУ) Россия давлат нефть ва газ университетининг Тошкент шаҳридаги филиали, DSc.22/30.12.2019.Т/Ped.99.01.
Расмий оппонентлар: Джураев Анвар, техника фанлари доктори, профессор; Курбанбаев Шухрат Эргашевич, техника фанлари доктори. 
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади мураккаб объектларнинг ёнғин хавфсизлигини оширишнинг кўп функционал махсус техника ва мослашган методологик базасини яратиш орқали такомиллаштирилган усулларини ишлаб чиқишдан иборат.
III. Тадқиқотнинг илмий янгилиги:
мураккаб объектларнинг ёнғин хавфсизлигини оширишнинг кўп функционал махсус техника ва мослашган методологик базасини яратиш орқали такомиллаштирилган усуллари ишлаб чиқилган;
кўп функционал махсус техникани яратишнинг илмий асосланган концепцияси ва унинг негизи – мураккаб объектлар ёнғин хавфсизлигини илмий-техник таъминлашнинг дастурий-мақсадли бошқарувининг уч босқичли модели ишлаб чиқилган;
кўп функционал махсус техника ҳаёт циклининг барча босқичларини тизимли равишда комплекс кўриб чиқишнинг ташкилий-таркибий принципи, техник қайта таҳлил қилиш жараёни ҳамда махсус техниканинг истиқболли конструкциялари ишлаб чиқилган; 
кўп функционал махсус техникалардан самарали фойдаланиш учун мослашган методологик базис ва мураккаб объектларни лойиҳалаш ва уларни кейинги трансформация босқичларида ёнғин хавфсизлигини таъминлашнинг такомилаштирилган услуби ишлаб чиқилган;
мураккаб объектларнинг ёнғин хавфсизлиги самарадорлигини ошириш манбаи сифатида қўлланиладиган қўллаб-қувватловчи таҳлилий-ахборот базасини шакллантириш учун платформа ишлаб чиқилган.
IV. Тадқиқот натижаларининг жорий қилиниши. 
Кўп функционал махсус техника ва мослашган методологик базасини яратиш орқали мураккаб объектларнинг ёнғин хавфсизлигини ошириш бўйича олинган натижалар асосида:
мураккаб объектларнинг ёнғин хавфсизлигини оширишнинг кўп функционал махсус техника ва мослашган методологик базасини яратиш орқали такомиллаштирилган усуллари «SHTAR SYSTEM» МЧЖда техник тизимларни эксплуатация шароитларга мослаштириш, уларнинг монтаж ишлари ҳажмини ва хизмат кўрсатиш даврийлигини қисқартириш жараёнида жорий қилинган (Ўзбекистон Республикаси Фавқулодда вазиятлар вазирлигининг 2020 йил 26 сентябрдаги 2/4/32-2146-сон маълумотномаси). Натижада, ёнғин сигнализация тизимларини қўллашда ишламай қолиш муддатининг ўртача 8 ойга узайтирилиши ва қайта тиклаш сарф-харажатларининг 1,75 мартага камайиши аниқланган;
мураккаб объектларнинг ёнғин хавфсизлигини илмий-техник таъминлаш дастурий-мақсадли бошқарувининг уч босқичли модели ва қўллаб-қувватловчи таҳлилий-ахборот база – «Билимлар эксперт базаси» ни шакллантириш учун платформа асосидаги кўп функционал махсус техникани яратишнинг илмий асосланган концепцияси «Vinlad» махсус ишлаб чиқариш корхонасида илмий тадқиқот ва тажриба-конструкторлик ишлари реестрига, синов цикли стандартлари режасига, лицензиялаш ҳуқуқларини ривожлантириш ва кенгайтириш режасига жорий қилинган (Ўзбекистон Республикаси Фавқулодда вазиятлар вазирлигининг 2020 йил 26 сентябрдаги 2/4/32-2146-сон маълумотномаси). Натижада, мураккаб объектларни комплекс ва ёнғиндан ҳимоя қилиш лойиҳалаштириш харажатлари 1,4-1,8 бараварга, ишлаб чиқариш йўқотишларининг 3,5 фоизга камайиши, самарадорликнинг 1,5 бараварга ошишига эришилган; 
кўп функционал махсус техника ҳаёт циклининг барча босқичларини тизимли равишда комплекс кўриб чиқишнинг ташкилий-таркибий принципи ва техник қайта таҳлил қилиш алгоритм ёнғинни ўчириш усулини, ёнғин ўчирувчи моддали контейнерни улоқтирувчи қурилмаси ва ёнғин хабарловчиларни ишлаб чиқишда жорий қилинган ва уларга Ўзбекистон Республикаси Интеллектуал мулк агентлигининг ихтирога патентлари олинган («Ёнғин ўчирувчи моддани етказиш усули», № IAP 04479, 2012 й.; «Ёнғин ўчирувчи моддали контейнерни улоқтирувчи қурилма ва контейнер», № IAP 04480, 2012 й.; «Ёнғин хабарловчиси», № IAP 04653, 2013 й.; «Ёнғин хабарловчиси», № IAP 04679, 2013 й.). Натижада, ёнғин ўчоғига ёнғин ўчирувчи моддани етказиб бериш усули ва уни амалга ошириш кўп функцияли қурилмасини, электр симларининг ёнғин бошланиш ҳолатини эрта аниқловчи ёнғин хабарловчисини, ёнғин ўчоғини эрта аниқлаштирувчи ва уни бартараф қилувчи хабарловчисини ишлаб чиқиш имкони яратилган.