Насирова Зарина Акбаровнанинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Этиопатогенетик хавф омилларини назарга олган ҳолда ностабил стенокардия билан оғриган беморларни даволашнинг мослаштирилган ёндашуви», 14.00.06 – Кардиология (тиббиёт фанлари).
Диссертация мавзуси рўйхатга олинган рақам: В2019.4.PhD/Tib1041.
Илмий рахбар: Ташкенбаева Элеонора Негматовна, тиббиёт фанлари доктори.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса номи, ИК рақами: Республика ихтисослаштирилган кардиология илмий – амалий тиббиёт маркази, DSc.04/30.12.2019.Tib.64.01.
Расмий оппонентлар: Срожидинова Нигора Зайнутдиновна, тиббиёт фанлари доктори; Абдуллаев Акбар Хатамович, тиббиёт фанлари доктори. 
Етакчи ташкилот: Тошкент тиббиёт академияси.
Диссертация йўналиши: амалий аҳамиятга молик.
II. Тадқиқотнинг мақсади: юрак-қон томир касалликларининг ривожланишида психосоматик хавф омилларининг аҳамиятини ўрганиш, касалликнинг беқарорлашуви диагностикаси мезонларини ва уларнинг терапиясида персонифицирланган ёндашувни ишлаб чиқишдан иборат.
III. Тадқиқотнинг илмий янгилиги:
илк бор ЮИК бўлган беморларда ташвиш депрессив синдром ва яллиғланиш интерлейкинлари, ҳамда сийдик кислотаси даражаси ўртасида ўзаро боғлиқлик аниқланган;
стенокардиянинг дестабилизация даври: липид профилининг, асимптоматик гиперурикемия ва яллиғланиш (TNF-a, IL-1β) интерлейкинларининг ўзгариши билан бирга кечиши ва уларнинг оғирлиги вазиятли ва шахсиятли ташвиш даражасига боғлиқлиги аниқланган;
илк бор  IL-1 T/C 511 генининг гомозиготали T/T генотипи ҳамда гетерозиготали C/T генотипи генетик белгиларининг энг муҳим ассоциацияси ЮИК бўлган беморларда ташвиш-депрессив синдроми клиник жиҳатдан ифодаланганлиги ва ностабил стенокардия ривожланишини прогностик белги эканлиги асосланган;
илк бор ностабил стенокардия ташвиш-депрессив синдром ва асимптоматик гиперурикемия билан ассоциирланган беморларда персонифицирланган терапияда SNPs С(-511)T  IL-1 генининг ва SNPs С(-819)Т IL-10 генининг патогенетик роли аниқланган. 
IV. Тадқиқот натижаларининг жорий қилиниши:
Ўзбек популяциясида ташвиш-депрессив синдромнинг генетик ва клиник-биокимёвий хусусиятларини аниқлаш бўйича олинган натижалар асосида: 
"Ташвиш депрессив синдром билан бўлган ностабил стенокардия вариантларида комплекс коррекциялаш усули" номли услубий тавсиянома тасдиқланган (Соғлиқни сақлаш вазирлигининг 2019 йил 22 ноябрдаги № 8н-д/511-сон маълумотномаси). Ушбу услубий тавсиянома амалиётда анамнез, клиник маълумотлар, умумий клиник ва стандарт биокимёвий қон тахлиллари каби осон ҳамда қиммат бўлмаган клиник усулларни қўллаб амалга ошириш ностабил стенокардияда коморбид ҳолатларни ташхислашга имкон берган;
"Асимптоматик гиперурикемия билан бўлган ностабил стенокардияни даволашнинг оптимизацияси" номли услубий тавсиянома тасдиқланган (Соғлиқни сақлаш вазирлигининг 2019 йил 22 ноябрдаги 8н-д/511-сон маълумотномаси) услубий тавсиянома тасдиқланган. Мазкур услубий тавсиянома қимматбаҳо генетик усуллар бўлмаганда ташвиш депрессив синдромини эрта баҳолаш, ушбу ҳолатнинг асимптоматик гиперурикемия ва цитокинлар дисбаланси билан боғлиқлигини аниқлаш ёрдамида ностабил стенокардия ривожланишининг олдини олишга имкон берган; 
Даволашни такомиллаштириш бўйича ишлаб чиқилган услубларининг илмий натижалари соғлиқни сақлаш амалиётига, жумладан, Самарқанд шаҳар тиббиёт бирлашмасида ва Самарқанд вилоят кардиологик диспансери амалиётига тадбиқ этилган (Соғлиқни сақлаш вазирлигининг 2019 йил 27 декабрдаги 3н-д/328-сон маълумотномаси). Натижада, ностабил стенокардия бўлган беморларда замонавий лаборатор диагностик усуллари ва психосоматик тестлар қўллаш ёрдамида ЮИК дестабилизацияси олдини олиш имконини берган, бу эса ўз навбатида ушбу патологик ҳолатни даволаш ва олдини олишга шахсийлаштирилган ёндашувга ёрдам берган ҳамда беморлар ҳаёт сифати ва прогнозини яхшилаш имконини берган.