Муранов Шахриддин Абдуллаевичнинг 
фалсафа доктори (PhD) диссертациясиҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сўндирувчи кўпайтувчили тебранувчан интегралларнинг баҳолари», 01.01.01 – Математик анализ (физика-математика фанлари).
Диссертация мавзуси рўйхатга олинган рақам: В2020.2.PhD/FM455.
Илмий раҳбар: Икромов Исроил Акрамович,физика-математика фанлари доктори, профессор.
Диссертация бажарилган муассаса номи: Самарқанд давлат университети.
ИК фаолият кўрсатаётган муассасалар номи, ИК рақами: Самарқанд давлат университети, DSc.03/30.07.2020.FM.02.01.
Расмий оппонентлар:Халмухаммедов Алимжон Рахимович,физика-математика фанлари доктори, профессор; Қаршибоев Хайрулло Қиличович,физика-математика фанлари номзоди.
Етакчи ташкилот номи: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади уч ўлчовли Евклид фазосида аналитик сиртлар оиласининг маълум бир синфлари ва ихтиёрий аналитик сиртлар учун сўндирувчи кўпайтувчили  ўлчовнинг  Фурье алмаштириш камайиш тартибининг оптималлиги ҳақидаги С.Д. Согги ва И.М. Стейн масаласини ечишдан иборат. 
III. Тадқиқотнинг илмий янгилиги:
уч ўлчовли фазода аналитик сиртнинг ҳар бир нуқтасида камида битта бош эгрилиги нолдан фарқли бўлганда Согги – Стейн масаласи ечилган;
Гаусс эгрилигининг даражаси учун олинган баҳонинг аниқлиги кўрсатилган;
уч ўлчовли фазода камида битта бош эгрилиги нолдан фарқли бўлган аналитик сиртлар оиласи учун Согги – Стейн масаласи ечилган;
уч ўлчовли фазодаги ихтиёрий аналитик сиртлар учун сирт ўлчови Фурье алмаштиришининг камайиши оптималлигини кафолатловчи кўрсаткич q≥3/2 топилган;
максимал операторнинг чегараланганлик кўрсаткичи ва сўндирувчи кўпайтувчили сирт ўлчови Фурье алмаштиришининг камайиши оптималлиги ўртасидаги боғланишни кўрсатувчи мисол келтирилган.
IV. Тадқиқот натижаларининг жорий қилиниши.
Сўндирувчи кўпайтувчили тебранувчан интегралларнинг баҳосига оид илмий натижалар асосида:
сўндирувчи кўпайтувчили тебранувчан интегралларнинг баҳосига оид илмий натижалардан хорижий тадқиқотчилар тоомонидан(“Journal of Mathematecal Analysis and Applications”, Volume 473, Issue 2, 2019, p.1215-1233( IF=1.22)) кўп комплекс ўзгарувчили  кўпҳад функция билан аниқланган арифметик дзета функцияни тадқиқ қилишда фойдаланилган. Илмий натижанинг қўлланилиши голоморф функция билан аниқланган дзета функция мероморф давомининг координаталар бошига энг яқин қутбини аниқлаш имконини берган;
уч ўлчовли Евклид фазосидаги аналитик сиртлар оиласидаги сиртлар устидаги сўндирувчи кўпайтувчили ўлчов Фурье алмаштириши баҳосидан хорижий тадқиқотчилар тоомонидан (“Современная математика. Фундаментальные направления”. Россия 2018. Том 64, выпуск 4. Стр.650-681. № 3 (IF=0.25), “Annales Polonici Mathematici” 123 (2019),p. 473-479 (IF=0.9))максимал операторларнинг чегараланганлик кўрсаткичини топишда ва ўлчов Фурье алмаштиришининг чексиздаги характерини текширишда фойдаланилган. Илмий натижаларнинг қўлланилиши максимал операторни даражаси билан интегралланувчи функциялар фазосида баҳолаш ва Вейерштрасс кўпҳадлари усули орқали ўлчов Фурье алмаштиришининг характерини аниқлаш имконини берган;
бирор даража билан интегралланувчи функциялар синфида максимал оператор учун олинган баҳодан ва жамланувчи функциялар фазосида максимал операторларнинг чегараланганлик хоссаларидан № АР051131268 рақамли хорижий илмий  лойиҳада гиперболик тенгламалар учун Коши масаласи ечимини текширишда фойдаланилган (Хўжа Аҳмад Яссавий номидаги халқаро қозоқ–турк университетининг (Қозоғистон) 2020 йил 11 сентябдаги маълумотномаси.). Илмий натижанинг қўлланиши гиперболик тенгламалар учун Коши масаласининг ечими учун априор баҳо олиш имконини берган.