Қурбонов Абдулла Кенжаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри(илмий даража бериладиган фан тармоғи номи): “Импульсли-даврийли лазер нури таъсирида микро ва нано ўлчамли кукунларда иккиламчи нурланиш”, 01.04.05 – Оптика (физика-математика фанлари).
Диссертация мавзуси рўйхатга олинган рақам: В2018.2.PhD/FM246.
Илмий раҳбар: Рахматуллаев Илёс Арзимуродович, физика-математика фанлари доктори.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Ион-плазма ва лазер технологиялари институти,DSc.02/30.12.2019.FM.65.01.
Расмий оппонентлар: Нематов Шерзод Қаландарович, физика-математика фанлари доктори;Эшчанов Баходир Худайберганович, физика-математика фанлари доктори.
Етакчи ташкилот: Самарқанд давлат университети.
Диссертация йўналиши: амалий ва назарий аҳамиятга молик.
II. Тадқиқотнинг мақсади импульсли-даврийли лазер нури таъсирида ноорганик бирикмалар (олмос, рух селени, рух оксиди,иттрий оксиди) ва ароматик бирикмалар ҳамда биофаол препаратлар (аспирин, анальгин, цитрамон, парацетамол, 1,4-Ди-2-(5-фенилоксазол) бензол – РОРОР, 2,5-Дифенилоксазол –РРО, соя уни, тӯйинган ёғли CnH2nO2 кислоталар)нинг микро ва нанокукунларида юзага келадиган иккиламчи нурланиш спектрларининг шаклланиш қонуниятларини  аниқлашдан иборат.
III. Тадқиқотнинг илмий янгилиги:
янги турдаги минирезонаторли кюветалар (фотонли тузоқлар), нуртолали-оптик техника ва импульсли-даврийли лазерлар асосида  яримӯтказгичлар ва диэлектрикларнинг микрокукун ва нанокукунларида иккиламчи нурланиш спектрларини қайд этувчи усул ишлаб чиқилган;
илк бор фотонли тузоқларда олмос, РОРОР, РРО микрокукунларида «комбинацион опалесценция» эффектининг юзага келиш шароитлари аниқланган;
илк бор олмос микрокристалларининг ФЛ спектрларининг тузилиши уларнинг ўлчамларига боғлиқ эмаслиги аниқланган;
ароматик моддаларнинг микрокукунларида спектрнинг УБ соҳасида биринчи уйғотилган электрон синглет термига тӯғри келувчи сатҳда суперлюминесценция эффекти кузатилган;
тӯйинган ёғли CnH2nO2 кислотларнинг суюқ кӯринишли намуналарида ёруғликнинг комбинацион сочилиш спектрларида бӯйлама акустик тебранишлар (LAM) туфайли вужудга келадиган интенсив ва етарлича тор полосалар кузатилган ҳамда ушбу моддалар частоталари молекула узунлигига боғлиқ равишда монотон тарзда ӯзгариши аниқланган. 
IV. Тадқиқот натижаларининг жорий қилиниши:
импульсли-даврийли лазер нури таъсирида ноорганик бирикмалар ва ароматик бирикмалар ҳамда биофаол препаратларнинг микро ва нанокукунларида юзага келадиган иккиламчи нурланиш спектрларининг шаклланиш қонуниятларини аниқлаш бўйича олинган натижалар асосида:
кичик ӯлчамли портатив спектрометр яратилган бўлиб, унга Ӯзбекистон Республикаси Интеллектуал мулк агентлигининг фойдали моделга патенти олинган (“Кӯп каналли спектрометр”, №FAP 01158 - 2016 й.). Натижада, яратилган спектрометр автоматик режимида ишлаб, фон порлаши таъсирини камайтириш, ўлчаш аниқлигини ошириш ва кукунсимон намуналарнинг суст ЁКС спектрларини ~ 10-10 г қадар қайд этиш имконини берган;
ZnO микро ва нанокукунларини бир ва икки фотонли уйғотилган ФЛ спектрлари қонуниятларини ўрганишдан олинган илмий натижалар Ф2-ФА-Ф147–сонли  «Фотосинтезнинг бирламчи жараёнларида қуёш энергиясини юқори самарали ўзлаштирилишинингфизикавий механизмларини ўрганиш» фундаментал лойиҳасида рух оксиди (ZnO) микро ва нано ўлчамли кунларининг иккиламчи нурланиш фотолюминесценция спектрларини қайд қилишда фойдаланилган (Ўзбекистон Республикаси Фанлар академиясининг 2019 йил 18 июлдаги 2/1255-1992-сон маълумотномаси). Илмий натижалардан фойдаланиш ZnO кристаллининг нуқсонлари ва абсорбцион-флуоресцент спектроскопик хоссаларининг муҳим параметрларини аниқлаш имконини берган.