Расулева Тахмина Абдуалиевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Экзоген-конституционал семизликда фертил ёшдаги аёлларда репродуктив тизими бузилишларининг клиник-генетик жиҳатлари» 14.00.03 – Эндокринология (тиббиёт фанлари).
Диссертация мавзуси рўйхатга олинган рақам: В2017.3.PhD/Tib331.
Илмий раҳбар: Нажмутдинова Дилором Камартдиновна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc.04/30.12.2019.Tib.30.02.
Расмий оппонентлар: Хайдарова Феруза Алимовна, тиббиёт фанлари доктори; Ешимбетова Гульсара Закировна, тиббиёт фанлари доктори, профессор.
Етакчи ташкилот: Тошкент педиатрия тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: экзоген-конституционал семизликда фертил ёшдаги аёлларда бузилган репродуктив тизимдаги ўзгаришларнинг клиник ва генетик жиҳатларини, прогностик кўрсаткичларни ҳисобга олган ҳолда генетик полиморфизмга боғлиқ равишда  жинсий касалликларни ўз вақтида ташхислаш  ёндашувларини ишлаб чиқишдан иборат.
III. Тадқиқотнинг илмий янгилиги:
илк марта экзоген – конституционал семизлик билан касалланган туғиш ёшидаги аёлларда LEPR лептин рецептори генининг Gln223Arg полиморфизми генотипида GA гетерозигот тури репродуктив бузилишлар билан боғлиқлиги аниқланган;  
биринчи марта этник келиб чиқиши ўзбек аёлларида LEPR лептин рецептори генининг Gln223Arg полиморфизмида мутант G-аллелнинг устунлиги экзоген семизликнинг ва туғиш ёшдаги аёлларда репродуктив касалликлар ривожланиши билан боғлиқлиги баҳоланган;  
фертил ёшдаги аёллар орасида генетик профилнинг қиёсий таҳлили сақланиб қолган фертиллик ва бепуштлик билан семириб кетиш негизида, мутант гомозигот  GG -генотип бепуштликнинг ривожланишида прогностик омил эканлиги исботланган;
клиник ва генетик ўзгаришлар ўртасидаги коррелятив боғлиқлик асосида экзоген – конституционал семириш мавжуд бўлган фертил ёшдаги аёлларда репродуктив касалликларни прогнозловчи ва бошқарувчи кўрсаткичлар ишлаб чиқилган.
IV. Тадқиқот натижаларининг жорий қилиниши. 
Экзоген-конституционал семизлик билан туғиш ёшидаги аёллар репродуктив тизимининг клиник ва генетик жиҳатларини ўрганиш бўйича олинган  илмий натижалар асосида:
"Репродуктив касалликларга чалинган туғиш ёшидаги аёлларда экзоген – конституционал семиришни даволашнинг замонавий ёндашувлари" мавзусида услубий тавсиянома тасдиқланган (Соғлиқни сақлаш вазирлигини 2019 йил 8 ноябрь  8н-р/469-сон маълумотномаси). Ушбу услубий тавсиянома репродуктив касалликлар билан экзоген – конституционал семиришни даволашни муқобиллаштириш имконини берган.  
Экзоген-конституционал семизлик негизида репродуктив касалликларга чалинган туғиш ёшидаги аёлларни эрта ташхислаш ва прогнозлаш учун LEPR лептин рецептори генининг Gln223Arg полиморфизм генотипи билан боғлиқлигини ўрганиш асосида даволаш тадбирлари самарадорлигини оптималлаштириш бўйича олинган илмий натижалар, соғлиқни сақлаш амалиётига, жумладан, Тошкент шаҳар Шайхонтоҳур туман 48-оилавий поликлиникаси, Республика ихтисослаштирилган акушерлик ва гинекология илмий-амалий маркази амалиётига татбиқ этилган (Соғлиқни сақлаш вазирлигининг 2020 йил 5 ноябрь 8н-з/144-сон маълумотномаси). Олинган натижаларнинг амалиётга тадбиқ этилиши, эрта ташҳислашни, касаллик кечишини башорат қилиш, ўз вақтида келиб чиқадиган асоратларни профилактикасини оптималлаштиришга, ҳамда беморлар ҳаёт сифатини яхшилаб, даволаш чора-тадбирларининг самародорлигини ошириш имконини берган.