Холиқов Бахтиёр Абдуғоппоровичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Юк кўтарувчанлиги юқори трактор поездларининг рационал таркибларини асослаш», 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш(техника фанлари).
Диссертация мавзуси рўйхатга олинган рақам:B2020.3.PhD/T1858.
Илмий раҳбар:Тошболтаев Махамад Тожалиевич, техника фанлари доктори, профессор.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Имомкулов Қутбиддин Боқижонович, техника фанлари доктори,катта илмий ходим;Мамаджанов Султанали Исламалиевич, техника фанлари номзоди,катта илмий ходим.
Етакчи ташкилот: «Қишлоқ хўжалиги машинасозлиги конструкторлик-технологик маркази»МЧЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади юқори қувватли трактор ва юк кўтарувчанлиги катта тиркамалардан иборат трактор поездларининг рационал таркибларини асослаш ва жорий этиш орқали Ўзбекистон қишлоқ хўжалиги транспортининг самарасини оширишдан иборат.
III. Тадқиқотнинг илмий янгилиги:
трактор илмоқ кучини аниқлаш ифодаси тортиш кучи таъсирида динамик ҳаракатланаётган тракторга таъсир этувчи кучларнинг мувозанат шарти асосида олинган;
поезд таркибидаги тиркамалар сонини аниқлаш ифодаси трактор илмоқ кучи таъсирида динамик ҳаракатланаётган тиркамага таъсир этувчи кучларнинг мувозанат шарти асосида олинган;
тормоз йўлини ҳисоблаш формуласи трактор поездининг – икки звеноли мобил механик тизимнинг – тормозланиш динамикаси қонуниятлари ёрдамида чиқарилган;
поезднинг тормозланиш режимида трактор ва тиркама ўқларига таъсир этувчи максимал тормоз кучларини ҳисоблаш формулалари статиканинг мувозанат тенгламалари асосида чиқарилган;
эластик боғланишли трактор поездининг тормозланишдаги ҳисобий схемаси ва дифференциал тенгламалари илмоқларнинг сўндириш хусусиятларини эътиборга олиб тузилган;
тиркаманинг тормозланиш пайтидаги бўйлама-вертикал ва кўндаланг  тебранишларининг дифференциал тенгламалари Лагранжнинг иккинчи тур тенгламалари ёрдамида олинган.
IV. Тадқиқот натижаларининг жорий қилиниши.
Юқори қувватли трактор ва юк кўтарувчанлиги катта тиркамалардан иборат трактор поездларининг рационал таркибларини аниқлаш бўйича олинган натижалар асосида:
трактор илмоқ кучини, тиркамалар сонини, трактор поездининг тортишга қаршилиги ва тормоз йўлини аниқлашга доир илмий асосланган тавсиялар “Қишлоқ хўжалиги машинасозлиги конструкторлик-технологик маркази” МЧЖга лойиҳалаш ишларида фойдаланиш учун топширилган (Қишлоқ хўжалигини вазирлигининг 2020 йил 21 августдаги 02/023-2606-сон маълумотномаси). Натижада, юк кўтарувчанлиги ва иш тезлиги юқори трактор поездларининг янги намуналарини лойиҳалаш ва ишлаб чиқариш имконияти яратилган;
турли таркибдаги трактор поездлари Янгийўл туманидаги “Agro Bio Xolding” МЧЖга жорий этилган (Қишлоқ хўжалигини вазирлигининг 2020 йил 21 августдаги 02/023-2606-сон маълумотномаси). Натижада, юк ташишдаги келтирилган харажатлар амалдаги 4 тоннали 2ПТС-4-793А тиркамага нисбатан 8 тоннали Joskin тиркамасида 47 фоизга, 6 тоннали TTZ-8525 тиркамасида 16 фоизга камайган.