Очилдиев Отабек Шодиевичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи):«Кунгабоқар йиғиштириш учун ғалла комбайни жаткасини такомиллаштириш ва параметрларини асослаш»,05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш(техника фанлари).
Диссертация мавзуси рўйхатга олинган рақам:B2017.3.PhD/T479.
Илмий раҳбар:Астанақулов Комил Дуллиевич,техника фанлари доктори, катта илмий ходим.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, PhD.05/13.05.2020.T.112.01.
Расмий оппонентлар: Имомкулов Қутбиддин Боқижонович, техника фанлари доктори, катта илмий ходим;Худайкулиев Ражаббой Рузматович, техника фанлари номзоди, катта илмий ходим.
Етакчи ташкилот: Қишлоқ хўжалиги техникаси ва технологияларни сертификатлаш ва синаш маркази
Диссертация йўналиши: назарий ва амалий аҳамиятга молик.
II. Тадқиқотнинг мақсади ғалла комбайни жаткасини кунгабоқарни йиғиштиришга мослаштириб такомиллаштириш ҳамда унинг параметрлари ва иш режимларини асослашдан иборат.
III. Тадқиқотнинг илмий янгилиги:
кунгабоқарни йиғиштириш учун ғалла комбайнига туп йўналтиргич-ажраткичлар қўйиш орқали такомиллаштирилган жатканинг конструкцияси ишлаб чиқилган;
туп йўналтиргич-ажраткичларнинг узунлиги комбайн ҳаракат йўналиши томон эгилган кунгабоқар саватчаларининг қирқилгандан сўнг туп йўналтиргич-ажраткич устига тушиш шартидан асосланган;
туп йўналтиргич-ажраткичларнинг эни уларнинг кунгабоқар пояларини комбайнга қарама-қарши эгиб кетмаслигини, туп йўналтиргич-ажраткичлар орасидаги тирқиш эса энг кичик саватчалар ўлчами ҳамда ўриш аппаратининг бармоқлари орасидаги масофани ҳисобга олган ҳолда аниқланган;
такомиллаштирилган жатка мотовиласидаги планкалар сони ва айланишлар частотаси, планкаларнинг саватчадаги уруғни уриб тўкмаслик шарти асосида аниқланган;
мотовилонинг ўриш аппаратига нисбатан бўйлама жойлашиши ва ўрнатилиш баландлиги пояларнинг қирқилгунча мотовило таъсиридан чиқиб кетмаслиги ва қирқилган пояларни айланиб, планкадан ошиб кетмаслигини ҳисобга олган ҳолда асосланган.
IV. Тадқиқот натижаларининг жорий қилиниши:
Кунгабоқар йиғиштиришга мослаштирилган жатка параметрлари ва иш режимларини асослаш бўйича олинган натижалар асосида:
ғалла комбайни жаткасини такомиллаштириш ва унинг кунгабоқарни йиғиштиришдаги иш сифат кўрсаткичларини баҳолаш учун дастлабки талаблар ишлаб чиқилган (Қишлоқ хўжалиги вазирлигининг 2019 йил 19 декабрдаги 02/023-4318-сон маълумотномаси). Натижада, кунгабоқарни агротехник талаблар даражасида йиғиштиришни таъминлайдиган такомиллаштирилган жаткани ишлаб чиқиш имкони яратилган;
кунгабоқар йиғиштириш учун такомиллаштирилган жатка билан жиҳозланган ғалла комбайни Тошкент вилояти Янгийўл туманидаги фермер хўжаликларида ҳамда Ўсимликшунослик илмий-тадқиқот институтининг Ўртачирчиқ туманидаги “Мойли экинлар” бўлимида жорий этилган (Ўзбекистон Республикаси Қишлоқ хўжалиги вазирлигининг 2019 йил 19 декабрдаги 02/023-4318-сон маълумотномаси). Натижада,такомиллаштирилган жатка ғалла комбайнининг уруғ нобудгарчилигини 2,6-2,8 фоизга камайтириш ва иш унумини 1,56 гектар/соатгача ошириш имконини берган;
кунгабоқар йиғиштиришга мослаштирилган ғалла жаткасини ишлаб чиқаришни ўзлаштириш учун лойиҳа конструкторлик ҳужжатлари (техникавий шартлар ва чизмалар) «BMKB-Аgromash» АЖда лойиҳалаш жараёнига жорий этилган («BMKB-Аgromash» АЖнинг 2019 йил 18 ноябрдаги 01-308-сон маълумотномаси). Натижада, ғалла комбайни жаткасини кунгабоқар йиғиштиришга мослаштириш учун туп йўналтиргич-ажраткичларни ишлаб чиқариш имкони яратилган.