Ирисов Хусниддин Дониёровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):“Турбулизаторли тўзиткичнинг параметр ва иш режимларини асослаш”,05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: В2020.4.PhD/Т1201.
Илмий раҳбар:Аширбеков Ивадулла, техника фанлари номзоди, профессор.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.03/30.12.2019.Т.10.01.
Расмий оппонентлар: Тошболтаев Махамад Тожалиевич, техника фанлари доктори, профессор; Утепов Бурхан Бектурсинович, техника фанлари номзоди, доцент. 
Етакчи ташкилот: “БМКБ-Агромаш” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади ғўзаларни дефолиациялашда юқори дисперсли томчиларни шакллантирадиган турбулизаторли тўзиткичнинг конструкцияси ва параметрларини асослашдан иборат.
III. Тадқиқотнинг илмий янгилиги: 
ишчи суюқликларидан юқори дисперсли томчиларни шакллантирадиган тўзиткичнинг конструкцияси ишлаб чиқилган ва унинг технологик иш жараёни асосланган;
пуркагичнинг ишчи суюқлик сарфи гидравлик тизимдаги ишчи босим, тўзиткич халқасимон тирқишининг кенглиги, ишчи суюқлик сарф коэффициенти, пуркалиш факелининг кенгайиш бурчагини ҳисобга олган ҳолда аниқланган;
тўзиткичдаги локал ҳаво оқими сарфи турбулизатордаги тешиклар сони, турбулизатор тешикларини унинг ўқига нисбатан қиялик бурчаги, ҳавонинг сарф коэффициенти, пуркагич карнайидан чиқаётган ҳаво оқимининг тезлигига боғлиқ равишдааниқланган;
тўзиткич халқасимон тирқишидан чиқаётган бирламчи томчининг турбулизацион парчаланиш жараёни, юпқа суюқлик пардасига таъсир этувчи турбулизацион ҳаво оқимлари кинетик энергиясининг математик модели ишлаб чиқилган;
тўзиткичдаги халқасимон тирқишининг кенглиги,  гидравлик тизимидаги ишчи суюқлик босими, тўзиткичлар сонининг мақбул параметрлари уларнинг ресурстежамкор ва сифат кўрсаткичларини ифодалайдиган регрессия тенгламаларини ечиш орқали аниқланган.
IV. Тадқиқот натижаларининг жорий қилиниши.
Ғўзаларни дефолиациялаш жараёнида юқори дисперсли томчиларни шакллантирадиган тўзиткични ишлаб чиқиш ва параметрларини асослаш бўйича олинган натижалар асосида:
вентиляторли пуркагичларда ишчи суюқликларни юқори дисперсли томчиларга парчалайдиган тўзиткич қурилмасига Интеллектуал мулк агентлигининг фойдали моделга патенти олинган (“Ишчи суюқликларни парчалаш қурилмаси”, № FAP 01451-2020 й.). Натижада, иш сифати ва унуми юқори ҳамда ресурстежамкор турбулизаторли тўзиткичнинг конструктив схемасини ишлаб чиқиш имкони яратилган;
экспериментал пуркаш агрегати Яккабоғ, Бағдод туманларининг пахта етиштирувчи фермер хўжаликлари ва Янгийўл тумани ҚХМИТИ тажриба участкасида жорий этилган (Ўзбекистон Республикаси Қишлоқ хўжалиги вазирлигининг 2020 йил 6 майдаги 02/023-1319-сон маълумотномаси). Натижада, дефолиациялаш жараёнида бир гектар майдонга сарфланадиган ишчи суюқлик сарфини 13,1 фоизга, меҳнат сарфини 5,8 киши-соатга камайиши ҳамда баргларнинг тўкилиш даражаси 4,0 фоизга ва кўсакларнинг очилиш даражасини эса 5,7 фоизга ошиши таъминланган;
мақбул параметрларга эга тўзиткичнинг саноат нусхаларини ишлаб чиқиш ва тайёрлаш учун лойиҳа-конструкторлик ҳужжатлари (техникавий шартлар ва чизмалар) «Агрегат заводи» АЖда лойиҳалаш жараёнига жорий этилган (Қишлоқ хўжалиги вазирлигининг 2020 йил 6 майдаги 02/023-1319-сон маълумотномаси). Натижада, ғўзаларни дефолиациялаш жараёнида юқори дисперсли томчиларни шакллантирадиган тўзиткичнинг саноат нусхасини ишлаб чиқишнинг техник имкони яратилган.