Рустамов Анвар Ахматовичнинг
диссертация ҳимоясисиз селекция ютуғи (ихтиро патенти) асосида фалсафа доктори (PhD) илмий даражасини бериш бўйича эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сунъий озуқада Bracon hebetor Say паразитини кўпайтириш ва тунлам (Lepidoptera) қуртларига қарши қўллаш», 06.01.09–Ўсимликларни ҳимоя қилиш (қишлоқ хўжалиги фанлари).
Диссертация мавзуси рўйхатга олинган рақам: B2020.2.PhD/Qx535.
Илмий раҳбар: Сулаймонов Отабек Абдушукирович, қишлоқ хўжалиги фанлари бўйича фалсафа доктори, доцент.
Илмий тадқиқот иши бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/30.12.2019.Qx.13.01.
Ўзбекистон Республикаси Интеллектуал мулк агентлигининг ихтирога патенти олинган: Бракон турларини (Braconidae) ўстириш учун сунъий озиқа” (№ ГАР 05932) 16.08.2019. Ўзбекистон Республикаси Интеллектуал мулк агентлигининг 2020 йил 27 февралдаги 01-11/451-сон хулосаси.
II. Тадқиқотнинг мақсади: Braconidae оила вакилларини биолаборатория шароитида сунъий озуқа муҳитида ялпи кўпайтириш технологиясини яратиш ва Lepidoptera туркуми вакилларининг миқдорини бошқаришдаги аҳамиятини баҳолашдан иборат.
III. Тадқиқотнинг илмий янгилиги: 
сунъий озуқада паразит энтомофаг (Braconidae) турларини ялпи кўпайтириш технологияси учун самарали озиқа муҳитлари яратилган;
Braconidae оила вакилларини биолаборатория шароитида сунъий озуқа муҳитида ялпи кўпайтириш технологияси яратилган;
сунъий озуқада кўпайтирилган паразит энтомофагларни (Braconidae) биоценозда биологик ҳусусиятлари ва унга таъсир этувчи омиллар аниқланган; 
паразит-энтомофагларни (Braconidae) сунъий озуқада кўпайтиришда энг мақбул иқлим шароитлари аниқланган; 
сунъий озуқада кўпайтирилган паразит энтомофагларни (Braconidae) Lepidoptera туркумининг асосий зараркунанда турларига қарши қўллаш ва уларни биологик-иқтисодий самарадорлиги аниқланган.
IV. Тадқиқот натижаларининг жорий қилиниши.
Сунъий озуқада Bracon hebetor Say паразитини кўпайтириш ва тунлам (Lepidoptera) қуртларига қарши қўллаш бўйича олиб борилган тадқиқотлар натижалари асосида:  
Паразит энтомофаглардан Bracon hebetor Say турини сунъий озуқада кўпайтириш Тошкент вилдояти биолабораторияларда жорий этилган (Қишлоқ хўжалиги вазирлигининг 2020 йил 18 августдаги 02/025-2553-сон маълумотномаси). Натижада биолабораторияларда энтомофагларни етиштириш самарадорлиги 2-3 маротабага тезлашган. Ғўзадан гектаридан ўртача 3,5-4,2 центнер, помидордан эса 26,5-33,7 центнер қўшимча ҳосил олинган ва сарфланган ҳар 1 сўм харажат учун 5,5-6,5 сўмлик маҳсулот олишга эришилган.
сунъий озуқада кўпайтирилган паразит-энтомофаг (Braconidae) авлодлари экинларнинг зараркунандаларига қарши Тошкент вилоятида ғўза, сабзавот, маккажўхори, дон-дуккакли экинлардаги Lepidoptera туркуми вакилларига қарши курашда 24 гектар майдонга жорий этилган (Қишлоқ хўжалиги вазирлигининг 2020 йил 18 августдаги 02/025-2553-сон маълумотномаси). Натижада ғўза тунламига қарши бракон турлари 80,2% гача биологик самарадорликни ташкил этган;
сунъий озуқада кўпайтирилган паразит-энтомофагларни (Braconidae) Lepidoptera туркуми вакилларининг карантин зараркунанда турларига қарши қўллаш технологияси жорий этилган (Вазирлар Маҳкамаси ҳузуридаги Ўсимликлар карантини давлат инспексиясининг Ўсимликлар карантини илмий марказининг 2020 йил 10 январаги 3-30/10-сон маълумотномаси). Натижада карантин зараркунандаларга қарши курашиш сарф харажатлари 2-3 маротабага тежаш ҳамда улар миқдорини бошқариш имконияти яратилган.