Варламова Людмила Петровнанинг фан доктори (DSc) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Транспорт оқимларини адаптив бошқариш тизимларини синтезлашнинг нейро-норавшан моделлари ва алгоритмлари», 05.01.08–Технологик жараёнлар ва ишлаб чиқаришларни автоматлаштириш ва бошқариш (техника фанлари).
Диссертация мавзуси рўйхатга олинган рақам: B2020.3.DSc/T321.
Илмий маслаҳатчи: Марахимов Авазжон Рахимович, техника фанлари доктори, профессор.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.T.03.02.
Расмий оппонентлар: Исмаилов Мирхалил Агзамович, техника фанлари доктори,профессор;Каипбергенов Батирбек Тулепбергенович, техника фанлари доктори, профессор;Ташманов Ержан Байматович, техника фанлари доктори, профессор.
Етакчи ташкилот:Тошкент давлат транспорт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади йўл ҳаракати объектларининг шовқинли видео тасвирларига ишлов берувчи мураккаб бошқариш тизимларини лойиҳалашда узлуксиз ишлашни таъминлаш учун транспорт оқимларини бошқаришнинг самарали усуллари, математик моделлари ва алгоритмларини яратишдан иборат.
III. Тадқиқотнинг илмий янгилиги:
транспорт оқимларини бошқаришнинг концепцияси ва услубияти ишлаб чиқилган ҳамда асосий тамойиллари аниқланган;
априор ахборотлар етарли бўлмаган шароитлардаги дитерминанланган характерли тадқиқот объектининг хоссаларини эътиборга олган ҳолда йўл ҳаракатини бошқариш тизимлари структуралари синтезланган;
транспорт оқимларини бошқариш тизимларининг норавшан-мантиқий хулосага асосланган гибрид математик моделлари ишлаб чиқилган;
транспорт оқимларини бошқаришнинг мультиагентли тизимларини бошқаришнинг кўп поғонали ёндашувга асосланган моделлари ва алгоритмлари ишлаб чиқилган;
адаптивлик синфидаги нейро-норавшан эҳтимоллик тармоқларини таснифлаш усули асосида бошқариш тизими моделининг структураси ишлаб чиқилган;
юқори ҳисоблаш имкониятлари мавжуд бўлганда аномал таъсирларга нисбатан натижавий баҳоларнинг юқори сезгирлигини талаб этувчи ҳолатлар учун априор ноаниқликдаги блокли шакл асосида Калман типидаги фильтрни қуришнинг гибрид алгоритми ишлаб чиқилган;
танланма кичик ҳамда аппликатив халақит мавжуд бўлган шароитларда турли хил ядроли функциялар билан ўраб олиш усулини қўллаб, параметрик бўлмаган усуллар асосида тасвирларни таниб олишнинг гибрид алгоритми ишлаб чиқилган.
IV. Тадқиқот натижаларининг жорий қилиниши.
Транспорт оқимларининг объектларини таниш, идентификациялаш ва таснифлаш; транспорт оқимларини бошқаришнинг ишлаб чиқилган алгоритмлари, усуллари ва дастурий таъминотлари асосида:
ишлаб чиқилган транспорт оқимларини бошқаришнинг мультиагентли тизимларини бошқаришнинг кўп поғонали ёндашувга асосланган моделлари ва алгоритмлари Ўзбекистон Республикаси Мудофаа вазирлигининг 64562, 49479, 71201-ҳарбий қисмларининг кузатув жараёнларига жорий этилган (Ўзбекистон Республикаси Мудофаа вазирлигининг 2020 йил 22 июлдаги 25/10/685-сон маълумотномаси). Натижада, ҳаракатланувчи объектлар ва транспорт воситаларини кузатиш сифати 10-12% га ошган;
ишлаб чиқилган адаптивлик синфидаги нейро-норавшан эҳтимоллик тармоқларини таснифлаш усули асосида бошқариш тизими моделининг структураси Ўзбекистон Республикаси Мудофаа вазирлигининг 64562, 49479, 71201-ҳарбий қисмларининг кузатув жараёнларига жорий этилган (Ўзбекистон Республикаси Мудофаа вазирлигининг 2020 йил 22 июлдаги 25/10/685-сон маълумотномаси). Натижада, таниб олиш коэффициенти 80% ни ташқил этган, бу эса фреймдаги объектлар сонини таснифлаш ва ҳисоблаш имконини берган;
юқори ҳисоблаш имконияти мавжуд бўлганда аномал таъсирларга нисбатан натижавий баҳонинг юқори сезгирлиги талаб этиладиган ҳоллар учун апроир ноаниқликдаги блокли шакллар асосида Калман туридаги фильтрни қуришнинг гибрид алгоритми ҳамда у асосида яратилган «Видеотасвирдаги объектларни таниб олиш, таснифлаш ва уларнинг сонини санаш учун чуқур нейрон тармоқлари асосидаги дастурий таъминот» мажмуаси спорт мусобақаларини ўтказишда турли хил объектларни таниб олиш учун жорий этилган (Ўзбекистон Гандбол Федерациясининг 2020 йил 3 майдаги 118-сон хулосаси). Натижада, қоида бузарликларни аниқлаш мақсадида спорт тадбирларини ўтказишда ва транспорт бирликларини кузатиш тизимларида ҳаракатни аниқлаш кўрсаткичларини 22% га яхшиланишига эришилган.