Axtamov Fozil Erkinovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Rux keklarini qayta ishlashning past haroratli texnologiyasini ishlab chiqish», 04.00.14 ‒ Foydali qazilmalarni boyitish (texnika fanlari).
Dissertatsiya mavzusi ro‘yxatga olingan raqam: B2020.3.PhD/T1796. 
Ilmiy rahbar: Abduraxmonov Soyib Abduraxmonovich, texnika fanlari doktori, professor.
Dissertatsiya bajarilgan muassasa nomi: Navoiy davlat konchilik instituti.
IK faoliyat ko‘rsatayotgan muassasa (muassasalar) nomi, IK raqami: Navoiy davlat konchilik instituti, DSc.17/30.12.2019.T.06.01.
Rasmiy opponentlar: Muxiddinov Baxodir Faxriddinovich, kimyo fanlari doktori, professor; Xudoyarov Suleyman Rashidovich, texnika fanlari nomzodi, dotsent.
Yetakchi tashkilot: Toshkent davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: suv bug‘i ishtirokida termik ishlov berish, rangli metallarni sul`fat kislota eritmasida tanlab eritish, nodir metallarni sianlash jarayonlarini qo‘llagan holda rux keki tarkibidan qimmatbaho komponentlarni ajratib olishni yuqori darajaga ko‘tarish hamda ekologik toza va samarali texnologiyasini yaratishdan iborat. 
III. Tadqiqotning ilmiy yangiligi:
rux kekidan oltingugurtni yo‘qotish va rux, mis hamda temir minerallarining suv bug‘i ishtirokida termik ishlov berish jarayonida oksidlanish mexanizmi aniqlandi, bundan tashqari 400–7000S harorat oralig‘ida ro‘y beradigan kimyoviy jarayonlar aniqlangan;
suv bug‘i ishtirokida termik ishlov berish jarayonida oltingugurt birikmalarining katalizatorlik xususiyatlari aniqlangan;
rux kekidan rangli metallarni sul`fat kislota eritmasida tanlab eritish texnologiyasi ishlab chiqilgan; 
rux keki tarkibidan nodir metallarni ajratib olishning yangi takomillashtirilgan texnologiyasi ishlab chikilgan;
rux keki tarkibidan kimmatbaxo metallarni ajratib olishning suv bugi ishtirokida past haroratli kuydirish, sul`fat kislotali tanlab eritish va sianlash jarayonlarini qo‘llab yuqori ajralish darajasi bilan ajratib olishning texnologik sxemasi va dastgohlar zanjir sxemasi yaratilgan.
IV. Tadqiqot natijalarining joriy qilinishi.
Rux ishlab chiqarishda rux kekini past haroratli qayta ishlash texnologiyasini  ishlab chiqish bo‘yicha olingan ilmiy natijalar asosida: 
rux keklarini qayta ishlash usuliga Ӯzbekiston Respublikasi Intellektual mulk agentligining ixtiroga patenti olingan (№IAP 05300, 2016 y.). Natijada, rux keklariga suv bug‘i ishtirokida past haroratli kuydirish orqali qimmatbaho metallarni ajratib olish imkonini bergan;  
hosil bӯladigan rux kekiga suv bug‘i ishtirokida termik ishlov berish, olingan kuyindini sul`fat kislota eritmasida tanlab eritish jarayonlari «Olmaliq kon-metallurgiya kombinati» AJning rux ishlab chiqarish korxonasida amaliyotga joriy qilingan («Olmaliq kon-metallurgiya kombinati» AJning 2020 yil 17 noyabrdagi 63-423-son ma’lumotnomasi). Natijada, rangli metallarni eritmaga ajratib olish darajasini 2–5% ga oshgan, qoldiq kekda nodir metallarning miqdori oshgan va qӯrg‘oshin tarkibli mahsulot olish imkonini bergan;  
rux kekini suv bug‘i ishtirokida kuydirish, kuyindini sul`fat kislota eritmasida tanlab eritish texnologiyasi «Olmaliq kon-metallurgiya kombinati» AJning rux ishlab chiqarish korxonasida amaliyotga joriy qilingan («Olmaliq kon-metallurgiya kombinati» AJning 2020 yil 17 noyabrdagi 63-423-son ma’lumotnomasi). Natijada, kek tarkibidan rangli va nodir metallarni ajratib olish, hamda qo‘shimcha qӯrg‘oshin tarkibli kek olish imkonini bergan.