Shirmatov Sirojiddin Tadjidinovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Etnik madaniy aloqalar faollashuvi sharoitida talabalarning muloqot madaniyatini rivojlantirish mazmuni (ingliz tili misolida)”, 13.00.01 – Pedagogika nazariyasi. Pedagogik ta’limotlar tarixi (pedagogika fanlari).
Dissertatsiya mavzusi ro‘yxatga olingan raqam: B2017.2 PhD/Ped145.
Ilmiy rahbar: Ro‘zieva Dilnoz Isomjonovna, pedagogika fanlari doktori, dotsent.
Dissertatsiya bajarilgan muassasa nomi: Toshkent davlat pedagogika universiteti.
IK faoliyat ko‘rsatayotgan muassasa nomi, IK raqami: Toshkent davlat pedagogika universiteti, DSc.03/30.01.2020.Ped.26.01.
Rasmiy opponentlar: Axmedova Laylo Tolibjanovna, pedagogika fanlari doktori, professor; Jumanazarov Umid Umirzakovich, pedagogika fanlari bo‘yicha falsafa doktori (PhD).
Yetakchi tashkilot: Samarqand davlat chet tillar universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi etnik  madaniy  aloqalar faollashuvi sharoitida talabalarning ingliz tiliga asoslangan muloqot madaniyatini rivojlantirish mazmunini takomillashtirishdan iborat. 
III. Tadqiqotning ilmiy yangiligi: 
talabalarning ingliz tilidagi muloqot madaniyati video materiallarga asoslanuvchi veb-resurslarni (axborotli matnlar, mashq va o‘yinli video materiallar va eshitish malakasini) rivojlantiruvchi veb-saytlar tarzida individuallashtirish asosida takomillashtirilgan;
talabalarning ingliz tiliga asoslangan muloqot madaniyatini rivojlantirish modeli Telegram va Facebook ijtimoiy tarmoqlarida muloqot jarayonini uyushtirish o‘quv-metodik axborotlarni tizimlashtirish orqali integrallashgan axborot ta’lim muhitini yaratish asosida takomillashtirilgan;
bo‘lajak ingliz tili o‘qituvchilarining muloqot madaniyatini rivojlantirish texnologiyalari refleksiv va virtual ta’lim texnologiyalarini integratsiyalash asosida rivojlantirilgan;
talabalarda ingliz tiliga asoslangan muloqot madaniyatining rivojlanganlik darajasi reproduktiv, produktiv, kreativ, qisman izlanuvchan tamoyillari o‘zini-o‘zi baholash mezonlari va individual rivojlantiruvchi treninglarni optimallashtirish asosida aniqlangan. 
IV. Tadqiqot natijalarining joriy qilinishi. 
Etnik madaniy aloqalar  faollashuvi  sharoitida  talabalarning  ingliz  tiliga asoslangan muloqot madaniyatini rivojlantirish bo‘yicha ilmiy natijalari asosida: 
kompyuter dasturlari asosida talabalarning ingliz tiliga asoslangan muloqot madaniyatini rivojlantirishga oid takliflar “Uzluksiz ta’lim tizimining chet tillar bo‘yicha davlat ta’lim standartlari”, “Chet tillar bo‘yicha ta’limning barcha bosqichlari bitiruvchilarining tayyorgarlik darajasiga qo‘yiladigan talablar” “Bojxona ishi” ixtisosligi talabalari uchun tayyorlangan “English for customs” o‘quv qo‘llanmasining mazmuniga singdirilgan (Oliy va o‘rta maxsus ta’lim vazirligining 2019 yil 21 fevraldagi 89-03-753-son ma’lumotnomasi). Natijada, talabalarning mediavositalar orqali xorijiy tillarni o‘rganish natijadorligi ortgan; 
Facebook va Telegram ijtimoiy tarmoqlarida “The art of communication” (“Muloqot san’ati”) nomli sahifalardan foydalanish bo‘yicha berilgan taklif va tavsiyalar talabalarning ingliz tiliga asoslangan muloqot madaniyatini rivojlantirishga oid metodika xorijiy tajribalar – Portfolio (Portfolio), talabaning o‘quv-ta’limiy maxsulotlari konverti (Learning Educational Activities Packet – LEAP), Keys-texnologiya (Keys-stadi), Veb-kvest (Web Quest) tizimlar mazmuniga singdirilgan (Oliy va o‘rta maxsus ta’lim vazirligining 2019 yil 21 fevraldagi 89-03-753-son ma’lumotnomasi). Natijada, talabalarning virtual  maydondagi faolligi ortish imkoniyati yaratilgan; 
innovatsion yondashuv asosida ingliz tiliga asoslangan muloqot madaniyatiga egalik darajasini baholash mezonlari  hamda talabalarning ingliz tiliga   asoslangan    muloqot     madaniyatini rivojlantirishga oid takliflar “Ingliz va nemis tillarini o‘rganish bo‘yicha o‘quv-uslubiy modullardan (O‘UM) foydalanish va ularni takomillashtirishning nazariy va amaliy asoslari” nomli grant doirasida belgilangan vazifilar ijrosini ta’minlashda foydalanilgan (Oliy va o‘rta maxsus ta’lim vazirligining 2019 yil 21 fevraldagi 89-03-753-son ma’lumotnomasi). Natijada, talabalarning etnik hamkorlik sharoitida muloqot madaniyatiga oid kompetensiyalari rivojlantirilgan.