Фузайлов Омон Убайдуллоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Микротўлқинли энергияни қўллаган ҳолда мураккаб олтин таркибли хомашёни қайта ишлашнинг самарали технологиясини яратиш бўйича тадқиқотлар», 04.00.14 – Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2020.4.PhD/T990. 
Илмий раҳбар: Санакулов Кувандик Санакулович, техника фанлари доктори, профессор.
Диссертация бажарилган муассаса номи: Навоий давлат кончилик институти.
ИК фаолият кўрсатаётган муассаса (муассасалар) номи, ИК рақами: Навоий давлат кончилик институти, DSc.17/30.12.2019.T.06.01.
Расмий оппонентлар: Мухиддинов Баходир Фахриддинович, кимё фанлари доктори, профессор; Худояров Сулейман Рашидович, техника фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: олтинни умумий ажратиб олиш даражасини ошириш учун микротўлқинли энергиядан фойдаланган ҳолда, мураккаб олтин таркибли хом ашёни қайта ишлашнинг самарали технологиясини ишлаб чиқишдан иборат.
III. Тадқиқотнинг илмий янгилиги:
флотоконцентратни куйдиришда иссиқлик эффекти ҳисобланган, натижада куйдириш жараёни иссиқлик энергияси ажралиши билан бориши аниқланган;
мураккаб олтин таркибли концентратларни микротўлқинли куйдиришнинг оптимал параметрлари аниқланган;
янги технологик схема ва мураккаб олтин таркибли концентратларни микротўлқинли-автоклавли куйдиришни қўллаш орқали қайта ишлашнинг оптимал режими яратилган;
куйиндида маггемитнинг сезиларли миқдори мавжудлиги аниқланган ва маггемитга олтиннинг маълум миқдори боғланган ҳамда МТ куйиндисини сорбцион цианлашдан сўнг магнитли саралаш орқали эримай қолган олтиннинг асосий қисми маггемитда капсуляцияланиши аниқланган; 
МТ куйдириш куйиндисини магнитли саралаш ва олтинни умумий ажратиб олиш даражасини ошириш учун магнитли фракцияни сульфат кислота билан қайта ишлаш жараёнини аниқлаш орқали концентратга МТ куйдириш ва куйиндини магнитли саралаш ва магнитли фракцияни сульфат кислота билан қайта ишлашни ўз ичига олувчи схема ва унинг оптимал параметрлари ишлаб чиқилган.
IV. Тадқиқот натижаларининг жорий қилиниши.
Мураккаб олтин таркибли концентратларни микротўлқинли кўйдириш технологиясини яратиш бўйича олинган илмий натижалар асосида:
яратилган микротўлқинли куйдириб автоклавда ишлов бериш орқали мураккаб олтин таркибли концентратларни қайта ишлашнинг янги технологияси «Навоий кон-металлургия комбинати» ДКда амалиётга жорий этилган («Навоий кон-металлургия комбинати» ДКнинг 2020 йил 16 октябрдаги 02-06-07/10876-сон маълумотномаси). Натижада, яратилган технологияни қўллаш олтин юзасини очилиши ва асосий металлни умумий ажратиб олиш даражасини 4% гача ошириш имконини берган; 
мураккаб таркибли концентратларни микротўлқинли куйдириш ва магнитли саралаш кейинчалик сулфат кислотали қайта ишлаш технологияси «Навоий кон-металлургия комбинати» ДКда амалиётга жорий этилган («Навоий кон-металлургия комбинати» ДКнинг 2020 йил 16 октябрдаги 02-06-07/10876-сон маълумотномаси). Натижада, олтиннинг умумий ажратиб олиш даражасини 4,8%га ошириш ва қўшимча равишда темироксидли пигмент ва анорганик ўғит – (NH4)2SO4 олиш имконини берган.