Fuzaylov Omon Ubaydulloevichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Mikroto‘lqinli energiyani qo‘llagan holda murakkab oltin tarkibli xomashyoni qayta ishlashning samarali texnologiyasini yaratish bo‘yicha tadqiqotlar», 04.00.14 – Foydali qazilmalarni boyitish (texnika fanlari).
Dissertatsiya mavzusi ro‘yxatga olingan raqam: B2020.4.PhD/T990. 
Ilmiy rahbar: Sanakulov Kuvandik Sanakulovich, texnika fanlari doktori, professor.
Dissertatsiya bajarilgan muassasa nomi: Navoiy davlat konchilik instituti.
IK faoliyat ko‘rsatayotgan muassasa (muassasalar) nomi, IK raqami: Navoiy davlat konchilik instituti, DSc.17/30.12.2019.T.06.01.
Rasmiy opponentlar: Muxiddinov Baxodir Faxriddinovich, kimyo fanlari doktori, professor; Xudoyarov Suleyman Rashidovich, texnika fanlari nomzodi, dotsent.
Yetakchi tashkilot: Toshkent davlat texnika universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: oltinni umumiy ajratib olish darajasini oshirish uchun mikroto‘lqinli energiyadan foydalangan holda, murakkab oltin tarkibli xom ashyoni qayta ishlashning samarali texnologiyasini ishlab chiqishdan iborat.
III. Tadqiqotning ilmiy yangiligi:
flotokonsentratni kuydirishda issiqlik effekti hisoblangan, natijada kuydirish jarayoni issiqlik energiyasi ajralishi bilan borishi aniqlangan;
murakkab oltin tarkibli konsentratlarni mikroto‘lqinli kuydirishning optimal parametrlari aniqlangan;
yangi texnologik sxema va murakkab oltin tarkibli konsentratlarni mikroto‘lqinli-avtoklavli kuydirishni qo‘llash orqali qayta ishlashning optimal rejimi yaratilgan;
kuyindida maggemitning sezilarli miqdori mavjudligi aniqlangan va maggemitga oltinning ma’lum miqdori bog‘langan hamda MT kuyindisini sorbsion sianlashdan so‘ng magnitli saralash orqali erimay qolgan oltinning asosiy qismi maggemitda kapsulyasiyalanishi aniqlangan; 
MT kuydirish kuyindisini magnitli saralash va oltinni umumiy ajratib olish darajasini oshirish uchun magnitli fraksiyani sul`fat kislota bilan qayta ishlash jarayonini aniqlash orqali konsentratga MT kuydirish va kuyindini magnitli saralash va magnitli fraksiyani sul`fat kislota bilan qayta ishlashni o‘z ichiga oluvchi sxema va uning optimal parametrlari ishlab chiqilgan.
IV. Tadqiqot natijalarining joriy qilinishi.
Murakkab oltin tarkibli konsentratlarni mikroto‘lqinli ko‘ydirish texnologiyasini yaratish bo‘yicha olingan ilmiy natijalar asosida:
yaratilgan mikroto‘lqinli kuydirib avtoklavda ishlov berish orqali murakkab oltin tarkibli konsentratlarni qayta ishlashning yangi texnologiyasi «Navoiy kon-metallurgiya kombinati» DKda amaliyotga joriy etilgan («Navoiy kon-metallurgiya kombinati» DKning 2020 yil 16 oktyabrdagi 02-06-07/10876-son ma’lumotnomasi). Natijada, yaratilgan texnologiyani qo‘llash oltin yuzasini ochilishi va asosiy metallni umumiy ajratib olish darajasini 4% gacha oshirish imkonini bergan; 
murakkab tarkibli konsentratlarni mikroto‘lqinli kuydirish va magnitli saralash keyinchalik sulfat kislotali qayta ishlash texnologiyasi «Navoiy kon-metallurgiya kombinati» DKda amaliyotga joriy etilgan («Navoiy kon-metallurgiya kombinati» DKning 2020 yil 16 oktyabrdagi 02-06-07/10876-son ma’lumotnomasi). Natijada, oltinning umumiy ajratib olish darajasini 4,8%ga oshirish va qo‘shimcha ravishda temiroksidli pigment va anorganik o‘g‘it – (NH4)2SO4 olish imkonini bergan.