Турдибаев Абдували Абдужалоловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Техник чигитдан пахта мойи олишнинг энергия самарадор электротехнологияси», 05.05.07 – Қишлоқ хўжалигида электр технологиялар ва электр ускуналар (техника фанлари).
Диссертация мавзуси рўйхатга олинган рақам: В2020.3.PhD/Т1836.
Илмий  раҳбар: [Раджабов Абдурахман], техника фанлари доктори, профессор.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институтути, DSc.03/30.12.2019.Т.10.01.
Расмий оппонентлар: Юсубалиев Аширбой, техника фанлари доктори, профессор; Тоиров Олимжон Зурович, техника фанлари доктори.
Етакчи ташкилот: Тошкент кимё технологиялари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади чигитга электрофизик таъсир этиш орқали пахта мойини олишнинг энергия самарадор электротехнологиясини ишлаб чиқишдан иборат.
III. Тадқиқотнинг илмий янгилиги:
техник чигитдан пахта мойи олишда чигит мағзининг янчилмасига электр импулсли ишлов бериш асосида мой чиқиш миқдорини кўпайтирадиган энергия самарадор электротехнология ишлаб чиқилган;
мой олинадиган чигит янчилмасига электр импульсли ишлов бериш орқали мой чиқиш миқдорини оширадиган электротехнологик жараённинг режимлари аниқланган ва оптимал параметрлари асосланган;
пахта чигитидан мой ишлаб чиқарадиган технологик линия учун электр импульсли ишлов бериш ускунаси ишлаб чиқилган;
электр импульсли ишлов бериш усулида қурилманинг конденсатор сиғими ва импульслар сонига боғлиқ ҳолда чигит ҳужайралари ва тўқималарининг шикастланиш даражаси аниқланган;
чигит янчилмасидан олинадиган мой миқдорини ошириш учун пресслаш жараёнида янчилмага электр импульсли ишлов берадиган қурилма параметрлари ва мой чиқиш миқдори орасидаги боғлиқликлар ҳамда мой олиш технологик жараёнининг энергия самарадорлиги аниқланган.
IV. Тадқиқот натижаларининг жорий қилиниши. 
Техник чигитдан пахта мойи олишнинг энергия самарадор электротехнологияси бўйича олинган натижалар асосида: 
техник чигитдан пахта мойи олиш усулига Ўзбекистон Республикаси Интелектуал мулк агентлигининг ихтирога патенти олинган (“Техник чигитдан пахта мойи олиш усули”, №IAP 06223-2020 й.). Натижада, чигит мағзининг янчилмасига электр импулсли ишлов бериб, мой олиш миқдорини ошириш ва электр энергияси сарфини камайтириш имконини берадиган технология ва ускунани ишлаб чиқиш имкони яратилган; 
чигит мағзининг янчилмасига электр импулсли ишлов бериб, мой олиш технологияси “Ўзёғмойсаноат” уюшмасига қарашли “Тошкент ёғ-мой” АЖ мой экстракция заводида жорий этилган (“Ўзёғмойсаноат” уюшмасининг 2020 йил 6 июлдаги ОЗ/3-755-сон маълумотномаси). Натижада, техник чигитдан пахта мойи олишда мавжуд технологияга нисбатан пресслаш жараёнида олинадиган мой миқдорини 4,5-5% га ошириш имконини берган;
пахта чигитидан мой ишлаб чиқарадиган технологик линия учун электр импульсли ишлов бериш ускунаси “Ўзёғмойсаноат” уюшмасига қарашли “Тошкент ёғ-мой” АЖ мой экстракция заводида жорий этилган (“Ўзёғмойсаноат” уюшмасининг 2020 йил 6 июлдаги ОЗ/3-755-сон маълумотномаси). Натижада, чигитдан мой олиш жараёнида электр энергияси сарфини 35% га камайтириш имкони яратилган.