Олимов Толмас Фахридиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Олмалиқ кон-металлургия комбинатида мис ишлаб чиқаришдаги пирит концентратининг автоклавда ишқорлаш технологиясини яратиш ва қонуниятлари», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2020.3.PhD/T171. 
Илмий раҳбар: Шарипов Хасан Турабович, кимё фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Умумий ва ноорганик кимё институти, DSc.02/30.12.2019.K/T.35.01.
Расмий оппонентлар: Гуро Виталий Павлович, кимё фанлари доктори, профессор; Нурмуродов Тўлқин Исамуродович, техника фанлари доктори, профессор.
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Олмалиқ кон-металлургия комбинатида мис ишлаб чиқаришдаги пирит концентратини автоклавда ишқорлаш технологиясини яратиш ва қонуниятларини аниқлашдан иборат.
III. Тадқиқотнинг илмий янгилиги:
пирит хом ашёсини кислотали автоклав ишқорлаш қонуниятлари аниқланди, юқори ҳарорат ва босимда пирит концентратининитрат кислотаси билан ишлаш жараёнининг термодинамик ва кинетик параметрлари аниқланган;
“Fe-S-N-H2O” системасида кислоталик мухит (рН) ва оксидланиш-қайтарилиш потенциалига (ОҚП) боғлиқ ҳолда, “ОҚП–рН” режимини бошқариш мумкинлиги, бу эса қимматбаҳо хомашё таркибий қисмларини танлаб ажралишини таъминлаши аниқланган;
хомашёни тўлиқ қайта ишлашга эришиш учун оптимал технологик омиллар асосида пирит хом ашёсини гидрокимёвий қайта ишлашнинг технологик харитаси тузилди ва технологиянинг алоҳида операцияларининг моддий ва элемент баланслари шароитида таклиф этилаётган усул омиллари ва кўрсаткичларининг оптимал қийматлари ишлаб чиқилган;
темир сулфидини нитрат кислотаси билан ишқорлаш кимёвий кинетикаси ҳамда жараён диффузия режими билан лимитланганлиги ва унинг бошланғич босқичи ташқи диффузия омиллари, жараённинг ўз вақтида ривожланиши билан ички диффузия омиллари билан белгиланиши исботланган;
пирит концентратини гидрокимёвий муҳитда, 298, 383 ва 433К температуралда парчаланиш жараёни термодинамикаси асосланган, «FeS2-HNO3-Н2О» системасида Гиббс энергияси ва мумкин бўлган реакцияларнинг мувозанат константалари ҳисоблаш натижасида аниқланган.
IV. Тадқиқот натижаларининг жорий қилиниши. 
Мис ишлаб чиқаришдаги пирит концентратини автоклавда ишқорлаш қонуниятларини аниқлаш бўйича олинган илмий натижалар асосида:
пирит концентратини автоклавда нитрат кислота билан ишқорлаш технологияси «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2020 йил 17 сентябрдаги 63-326-сон маълумотномаси). Натижада, элементар олтингугурт қаттиқ қолдиққа 83-85% гача ажралиш, сулфат шаклидаги эритмага 15% гача ўтиш имконини берган;
пирит концентратини чуқур қайта ишлаб, таркибида Au, Ag, SiO2.  бўлган силикат оралиқ маҳсулотидан гидрокимёвий услуби билан олтин кукуни, кумуш хлоридни ажратиб олиш усули «Олмалиқ кон-металлургия комбинати» АЖда амалиётга жорий этилган («Олмалиқ кон-металлургия комбинати» АЖнинг 2020 йил 17 сентябрдаги 63-326-сон маълумотномаси). Натижада, ушбу технология ёрдамида хом ашёнинг қимматбаҳо таркибий қисмларини танлаб ажратиш имконини берган.