Тойчиев Абдураҳим Ходжиакбаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси: «Ярали колит патогенезининг иммунологик ва инфекцион жиҳатлари», 14.00.36 – Аллергология ва иммунология; 14.00.10 – Юқумли касалликлар (тиббиёт фанлари).
Диссертация мавзуси рўйхатга олинган рақам: B2018.2.PhD/Tib714.
Илмий маслаҳатчилар: Аҳмедова Холида Юлдашевна, тиббиёт фанлари доктори; Осипова Светлана Олеговна, тиббиёт фанлари доктори.
Диссертация бажарилган муассаса номи: Эпидемиология, микробиология ва юқумли касалликлар илмий-текшириш институти.
ИК фаолият кўрсатаётган муассаса (муассасалар) номи, ИК рақами: Иммунология ва инсон геномикаси институти ҳузуридаги DSc.02/30.12.2019.Tib.50.01 рақамли кенгаш асосидаги бир марталик илмий кенгаш.
Расмий оппонентлар: Набиева Умида Пулатджановна, тиббиёт фанлари доктори; Ибадова Гульнара Алиевна, тиббиёт фанлари доктори, профессор.
Етакчи ташкилот: Самарканд давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: ярали колит патогенезининг иммунологик ва 
инфекцион жиҳатлари аниқлашдан иборат.
III. Тадқиқотнинг илмий янгилиги:
ёндош гельминтоз ва лямблиози бўлган ярали колит беморларда ҳужайравий (СD3+,CD4+,СD25+) ва гуморал иммунитет (IgG, IgE) кўрсаткичларнинг ортиши фонида апоптозга хос (СD95+) лимфоцитлар миқдорининг камайиши билан кечиши аниқланган;
илк бор ярали колит беморларда яллиғланишга хос (ИЛ-1β, ЎНО-α, ИЛ-6) цитокинлари хамда СРО миқдорининг ортиши ва яллиғланишга қарши (ИЛ-4) хамда ИФН-γ цитокинлари миқдорининг камайиши билан боғлиқ жараён юзага клиши аниқланган.
илк бор ярали колит ва КР беморларнинг ичак микробиотаси таркибига кирувчи эукариотлар (содда жониворлар, гельминтлар, замбруғлар ва бошқалар) таркибига ва ичак протистофаунаси (Blastocystis sp., C. mesnili, J. butschlii ва E. nana) алоҳида компонентларининг учрашига боғлиқлиги асосланган;
илк КР беморларда ичак протистофаунасига тааллуқли Blastocystis sp., C. mesnili, J. butschlii ва E. nana компонентлари ярали колит ва назорат гуруҳига нисбатан кўп учраши, ЯК беморлар ва назорат гуруҳи ўртасида патоген паразитлар (A. lumbricoides, E. vermicularis, H. nana ва G. lamblia ) билан касалланганлик даражаси ишончли даражада фарқ қилмаганлиги асосланган. 
IV. Тадқиқот натижаларининг жорий қилиниши.
Ярали колит патогенезининг иммунологик ва инфекцион жиҳатларини аниқлаш бўйича олинган илмий натижалар асосида:
«Бластоциста инфекциясининг ташхисоти ва ярали колитни даволашда антипротозой дори воситаларининг қўлланилиши» услубий тавсиянома тасдиқланган (Соғлиқни сақлаш вазирлигининг 2019 йил 22 майдаги 8н-д/121-сон маълумотномаси). Мазкур услубий тавсиянома ярали колит билан хасталанган беморларда касаллик кечишига салбий таъсир кўрсатаётган бластоциста инфекциясини эрта аниқлаш ва ўз вақтида  антипротозой дори воситаларини қўллашга хизмат қилган;
ярали колит патогенезининг иммунологик ва инфекцион жиҳатларини аниқлаш бўйича олинган тадқиқот натижалари соғлиқни сақлаш амалиётига, жумладан, Тошкент шаҳридаги 4-сон клиник шифохонаси ва Бухоро кўп тармоқли тиббиёт маркази клиник амалиётига тадбиқ этилган (Соғлиқни сақлаш вазирлигининг 2020 йил 30 октябрдаги 8н-з/131-сон маълумотномаси). Жорий қилинган натижалар ярали колит билан хасталанган беморларда яллиғланишни кучайтирувчи инфекцион омилларни эрта аниқлаш ва бартараф этиш натижасида клиник ва лаборатор кўрсаткичларнинг меъёрлаштириш, оғир асоратлар ривожланиш эҳтимолини камайтириш ҳамда уларни шифоханада даволаниш муддатини қисқартириш орқали иқтисодий самарадорликка эришишга имкон яратган.