Джаббаров Жамшид Исмаиловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Қорин бўшлиғида ўтказилган шошилинч жарроҳлик амалиётидан кейин интраабдоминал гипертензиянинг аҳамияти”, 14.00.40 – Шошилинч тиббиёт. 
Диссертация мавзуси рўйхатга олинган рақам: В2018.4.PhD/TiB733.
Илмий рахбар: Алтиев Базарбай Курбанович, тиббиёт фанлари доктори.
Диссертация бажарилган муассаса номи: Республика шошилинч тиббий ёрдам илмий маркази.
ИК фаолият кўрсатаётган муассаса номи, ИК рақами: Республика шошилинч тиббий ёрдам илмий маркази, DSc.04/30.12.2019.Tib.63.01.
Расмий оппонентлар: Хакимов Мурад Шавкатович, тиббиёт фанлари доктори, профессор, Ризаев Камал Саидакбарович, тиббиёт фанлари доктори. 
Етакчи ташкилот: Самарқанд давлат тиббиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: қорин ичи гипертензияли беморларда даво алгоритмини ишлаб чиқиш йўли билан қорин бўшлиғи аъзолари шошилинч жаррохлик касалликларининг натижаларини яхшилашдан иборат.
III. Тадқиқотнинг илмий янгилиги: қорин бўшлиғининг шошилинч жарроҳлик касалликлари бўлган беморларда қорин бўшлиғи гипертензияси синдромининг ривожланиш частотаси аниқланган ва унинг ҳаётий муҳим орган ва тизимларнинг фаолиятига таъсири асосланган;
қорин бўшлиғи аъзоларида шошилинч операциялардан сўнг қорин бўшлиғи гипертензияни пасайтиришнинг самарали жарроҳлик усуллари ишлаб чиқилган ва амалиётга жорий қилинган;
беморларнинг умумий ҳолатини APACHE II шкаласида ёрдамида аниқланган балларнинг беморлар қорин бўшлиғи босими ва қорин бўшлиғида яллиғланиш жараёнининг тарқалганликлари орасидаги корреляцион боғлиқлик аниқланган;
қорин бўшлиғи гипертензияси бўлган беморларни шошилинч операциялардан кейин ташхислаш ва даволаш алгоритми ишлаб чиқилган.
IV. Тадқиқот натижаларининг жорий қилиниши. 
Қорин бўшлиғида ўтказилган шошилинч жаррохлик амалиётидан кейин интраабдоминал гипертензиянинг аҳамияти яхшилаш бўйича олинган илмий натижалар асосида:
«Шошилинч абдоминал жарроҳликда қорин бўшлиғи ичи гипертензив синдромида  ташхислаш-даволаш алгоритми» услубий тавсияномаси тасдиқланган (Соғлиқни сақлаш вазирлигининг 2019 йил 20 сентябрдаги 8н/д-189-сон маълумотномаси). Мазкур услубий тавсиянома шошилинч абдоминал жарроҳликдан кейинги қорин бўшлиғи ичи эрта асоратларини олдини олишга қартилган ташхислаш ва даволаш усулларини  такомиллаштириш имконини берган;.
Корин бўшлиғида ўтказилган шошилинч жарроҳлик амалиётидан кейин интраабдоминал гипертензиянинг аҳамиятини асослаш бўйича олинган илмий натижалар соғлиқни сақлаш амалиётига, жумладан, Республика шошилинч илмий амалий тиббиёт марказининг Самарқанд ва Жиззах вилоятларининг филиларининг клиник амалиётига жорий қилинган (Соғлиқни сақлаш вазирлигининг 2020 йил 28 январдаги 8н/з-12-сон-маълумотномаси). Олинган тадқиқот натижаларининг амалиётга жорий қилиниши операциядан кейинги эрта қорин ичи асоратларининг ташхиси сифатини яхшилаш, операциядан кейинги асоратларни 43,1% дан 24,2% гача ва ўлим кўрсаткичини 22,4% дан 9,7% гача камайтириш имконини берган.