Комилов Авазбек Бокижоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи):  “Тадбиркорларни ҳуқуқий ҳимоя қилишга қаратилган қонунлар ижроси устидан прокурор назоратининг ташкилий-ҳуқуқий асосларини такомиллаштириш”, 12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура (юридик фанлар).
Диссертация мавзуси рўйхатга олинган рақам: B2019.4.PhD/Yu342. 
Илмий раҳбар: Окюлов Омонбай, юридик фанлар доктори, профессор.
Диссертация бажарилган муассаса номи: Ўзбекистон Республикаси Бош прокуратураси Академияси.
ИК фаолият кўрсатаётган муассаса номи, ИК рақами: Ўзбекистон Республикаси Бош прокуратураси Академияси, DSc.31/30.12.2019.Yu.67.01.
Расмий оппонентлар: Саломов Бахром Саломович, юридик фанлар доктори; Абдураҳмонхўжаев Жамолиддин Хусанхон ўғли, юридик фанлар бўйича фалсафа доктори (PhD).
Етакчи ташкилот: Ўзбекистон Республикаси Ички ишлар вазирлиги академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади тадбиркорларни ҳуқуқий ҳимоя қилишга қаратилган қонунлар ижроси устидан прокурор назоратининг ташкилий-ҳуқуқий асосларини такомиллаштиришга оид илмий асосланган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
тадбиркорларни ҳуқуқий ҳимоя қилишга қаратилган қонунлар ижроси устидан прокурор назоратининг тадбиркорларни ҳар томонлама қўллаб-қувватлаш, ҳуқуқ ва қонуний манфаатларини ишончли ҳимоялаш, тадбиркорлар ҳуқуқларининг устуворлиги, тадбиркорлик субъектларининг ўзаро ишларига аралашмаслик, яширин иқтисодиёт субъектлари фаолиятини қонунийлаштиришга ёрдам бериш тамойиллари асосида ташкил этилиши зарурлиги илмий исботланган;
прокурор назоратини ташкил этишда прокурорлар эътибори аҳолини (жумладан, хотин-қизларни) тадбиркорлик фаолиятига кенг жалб этиш, бунинг учун зарур шарт-шароит ва имконият яратиш, жавобгарлик белгилаш тизимини енгиллаштиришга қаратилиши лозимлиги асослаб берилган;
ноўрин прокурор назорати ҳужжатлари қўлланилиши тадбиркорларни ҳуқуқий ҳимоя қилишга қаратилган қонунлар ижроси устидан назоратнинг сифати ва таъсирчанлигига салбий таъсир этувчи омил эканлиги илмий исботланган;
прокурор назорати самарадорлигини кучайтириш учун тадбиркорларнинг ҳуқуқий саводхонлик даражасини ошириш чораларини кўриш, тадбиркорлар ҳуқуқ ва манфаатларига дахлдор ахборотларни олишда шаффофликни таъминлаш, бу борада замонавий ахборот-коммуникация технологияларидан фойдаланиш зарурлиги илмий асосланган.
IV. Тадқиқот натижаларининг жорий қилиниши. 
Тадбиркорларни ҳуқуқий ҳимоя қилишга қаратилган қонунлар ижроси устидан прокурор назоратининг ташкилий-ҳуқуқий асосларини тадқиқ этишнинг илмий натижалари асосида:
тадбиркорларни ҳуқуқий ҳимоя қилишга қаратилган қонунлар ижроси устидан прокурор назорати тадбиркорларни ҳар томонлама қўллаб-қувватлаш, ҳуқуқ ва қонуний манфаатларини ишончли ҳимоялаш, тадбиркорлар ҳуқуқларининг устуворлиги тамойиллари асосида ташкил этилиши зарурлиги ҳақидаги таклиф Ўзбекистон Республикаси Бош прокурорининг 2017 йил 24 ноябрдаги “Ижтимоий ва иқтисодий қонунчилик ижроси устидан прокурор назоратини янада такомиллаштириш тўғрисида”ги 166-сонли буйруғи 1-банди 5-хатбошиси ва 4.1-банди 2-хатбошисида ўз ифодасини топган  (Ўзбекистон Республикаси Бош прокуратурасининг 2020 йил 30 сентябрдаги 30/8-20-797-сон маълумотномаси). Натижада, мазкур таклиф тадбиркорлар ҳуқуқ ва манфаатларини ишончли ҳимоя қилиш ва улар ҳуқуқларининг устуворлигини таъминлашга хизмат қилган;
прокурор назоратини ташкил этишда прокурорлар эътибори аҳолини (жумладан, хотин-қизларни) тадбиркорлик фаолиятига кенг жалб этиш, бунинг учун зарур шарт-шароит ва имконият яратиш, жавобгарлик белгилаш тизимини енгиллаштиришга қаратилиши лозимлиги ҳақидаги таклифлардан Ўзбекистон Республикаси Президентининг 2020 йил 10 августдаги “Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида”ги  ПФ-6041-сонли Фармони 5-банди учинчи хатбошисини ишлаб чиқишда фойдаланилган (Ўзбекистон Республикаси Бош прокуратурасининг 2020 йил 24 августдаги 30/8-20-652-сон маълумотномаси). Натижада, мазкур таклифнинг қабул қилиниши фуқароларни тадбиркорлик фаолиятига кенг жалб этиш, жавобгарлик тизимини енгиллаштиришга хизмат қилган;
прокурорлар томонидан ноўрин прокурор назорати ҳужжатлари қўлланилиши тадбиркорларни ҳуқуқий ҳимоя қилишга қаратилган қонунлар ижроси устидан назорат сифати ва таъсирчанлигига салбий таъсир этувчи омил эканлигига оид таклиф Ўзбекистон Республикаси Бош прокуратурасининг 2020 йил 20 июндаги “Тадбиркорликни қўллаб-қувватлаш ва унинг кафолатлари тўғрисидаги қонунчилик ижроси устидан прокурор назоратини ташкил этишда йўл қўйилаётган хато ва камчиликлар тўғрисида”ги 30,10.2/5-20-07/57-сонли танбеҳи 11-хатбошиси ва 24-қисми 1-бандининг 3-хатбошисида ўз ифодасини топган (Ўзбекистон Республикаси Бош прокуратурасининг 2020 йил 18 августдаги 30/8-20-633-сон маълумотномаси). Ушбу таклифнинг қабул қилиниши тадбиркорларни ҳимоя қилишга қаратилган қонунлар ижроси устидан прокурор назоратининг сифати ва таъсирчанлигига салбий таъсир кўрсатувчи тизимли камчиликларни бартараф этишга хизмат қилган;
прокурор назорат самарадорлигини кучайтириш учун тадбиркорларнинг ҳуқуқий саводхонлик даражасини ошириш чораларини кўриш, тадбиркорлар ҳуқуқ ва манфаатларига дахлдор ахборотларни олишда шаффофликни таъминлаш, бу борада замонавий ахборот-коммуникация технологияларидан фойдаланиш зарурлигига оид таклиф “Бизнес Сарбон” электрон ахборот тизимида ўз аксини топган (Ўзбекистон Республикаси Бош прокуратурасининг 2020 йил 17 августдаги 30/8-20-630-сон маълмуотномаси). Натижада, ушбу мобиль илова фуқароларни тадбиркорлик фаолиятига кенг жалб этиш, ахборотлар билан ишлаш кўникмасига эга бўлмаган ва ўз бизнесини бошлаётган аҳоли қатламларига ҳамда тадбиркорларга зарур маълумотлардан фойдаланиш имкониятини яратган.