Махмудов Улугбек Марифджоновнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бариатрик операцияларнинг замонавий тамойиллари, семизликни даволаш натижаларини кўп омилли бахолаш», 14.00.27 – Хирургия (тиббиёт фанлари).
Диссертация мавзуси рўйхатга олинган рақам: В2019.1.DSc/Tib348.
Илмий маслахатчи: Назиров Феруз Гафурович, тиббиёт фанлари доктори, профессор, академик.
Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази.
ИК фаолият кўрсатаётган муассаса номи, ИК рақами: академик В.Воҳидов номидаги Республика ихтисослаштирилган хирургия илмий-амалий тиббиёт маркази, DSc.04/30.12.2019.Tib.49.01.
Расмий оппонентлар: Муслимов Гурбанхан Фатали оглы, тиббиёт фанлари доктори, профессор; Тешаев Октябрь Рухуллаевич, тиббиёт фанлари доктори, профессор; Исмаилов Уктам Сафаевич, тиббиёт фанлари доктори, профессор.
Етакчи ташкилот: Астана тиббиёт университети (Козоғистон Республикаси)
Диссертация йўналиши: амалий аҳамиятга молик.
II. Тадқиқотнинг мақсади: бариатрик жаррохлик амалиётлари натижаларини яхшилаш ва уларнинг самарадорлигини кўп омилли баҳолашдан иборат
III. Тадқиқотнинг илмий янгилиги:
морбид семизлик барча ҳолатларда метаболик жиҳатдан носоғлом фенотип билан ажралиб туриши, шу билан бирга беморларнинг аксарияти Cardiometabolic Disease Staging шкаласи бўйича ўртача ва юқори кардиометаболик хавфга эга эканлиги аниқланган;
меъданинг лапароскопик енгли резекциясидан кейин дискоцитлар ва эритроцитларнинг патологик шакллари холатининг морфологик хусусиятлари ва фундал безларнинг париетал хужайралари массасининг купайиши ва Касл омилининг компенсатор тикланиши натижасида уларнинг нисбатларини барқарорлашишга мойиллиги аниқланган;
хирургик амалиётнинг хавфсиз бажарилишини таъминловчи, ошқозоннинг кичик эгрилигини интраоператив нур билан белгилаш учун ишлаб чиқилган бариатрик зонддан фойдаланиб меъданинг лапароскопик енгли резекцияси услуби мукаммаллаштирилган; 
бўшлиқ ичи босимининг ошишига йўл қўймаслик ва степлер чокларининг проксимал етишмовчилигини олдини олиш учун резекция чизиғини ошқозон бурчагига (incisura angularis) боғлиқ ҳолда ҳосил қилиш орқали бир текис-бўшлиқли ошқозон найчасини шакллантириш усули мукаммалтирилган; 
меъда ичига баллон ўрнатиш ёрдамида даволашдан кейин ортиқча тана вазнининг пасайиши морбид семизлик билан оғриган беморларда кардиометаболик хавфни камайтиришга ёрдам бериши ва ундан тана вазни ўта юқори бўлган шахсларда жарроҳлик амалиётидан олдинги тайёргарлик сифатида самарали фойдаланиш мумкинлиги аниқланган;
меъданинг лапароскопик енгли резекциясидан кейин спирометрик ва юракнинг ҳажмий-чизиқли кўрсаткичларининг ўзгариш қонуниятлари ва уларнинг кардиометаболик хавф динамикаси билан алоқаси аниқланган; 
бариатрик аралашувни амалга оширишда С-реактив оқсилнинг ортиши, висцерал ёғ майдони, тана юзасига нисбатан хисобланган якуний-систолик ва якуний-диастолик ҳажм кўрсаткичлари кардиометаболик хавфни баҳолашнинг ўзига хос омиллари эканлиги аниқланган;
меъданинг лапароскопик енгли резекциясидан кейин тана вазнининг такрорий ортиши профилактикаси ўз ичига ҳаёт сифатини баҳолашни, шунингдек липидемия ва яллиғланишга мойиллик холати кўрсаткичларининг лаборатор мониторингини олиши лозимлиги исботланган.
IV. Тадқиқот натижаларининг жорий қилиниши.
Морбид семизлик билан касалланган беморларга юқори технологик ёрдам кўрсатиш сифатини яхшилаш бўйича олиб борилган илмий тадқиқот натижаларига кўра:
«Меъданинг лапароскопик «енгли» резекцияси техникасини такомллаштириш ва жаррохлик амалиётидан кейинги асоратларнинг олдини олиш йўллари» номли услубий тавсиянома тасдиқланган (Соғлиқни сақлаш вазирлигининг 2020 йил 30 октябрдаги 8н-з/132-сон маълумотномаси). Ишлаб чиқилган тавсиялар морбид семизлик билан касалланган беморларни жарроҳлик йўли билан даволаш натижаларини яхшилашга ва жарроҳлик амалиётидан кейинги ўзига хос асоратларни ривожланиш эҳтимолини камайтиришга имкон берган;
«Морбид семизлик билан касалланган беморларнинг метаболик соғлиғини аниқлаш ва бариатрик аралашувлар самарадорлигини комплекс баҳолаш» номли услубий тавсиянома тасдиқланган (Соғлиқни сақлаш вазирлигининг 2020 йил 30 октябрдаги 8н-з/132-сон маълумотномаси). Таклиф этилган тавсиялар кардиометаболик хавф омиллари динамикасини, юракнинг ҳажмий-чизиқли эхокардиографик параметрларини, ташқи нафас олиш функцияларини, шунингдек, бариатрик жарроҳликдан олдин ва кейин дислипидемия лаборатория маркерларини ҳисобга олган ҳолда морбид семизлик билан касалланган беморларда соматик саломатликни комплекс баҳолаш сифатини оширишга имкон берган;
«Меъданинг лапароскопик «енгли» резекциясида ошқозон кичик эгрилигини интраоперацион ички ёруғлик билан белгилаш учун калибровкали бариатрик зонд» (Соғлиқни сақлаш вазирлигининг 2020 йил 30 октябрдаги 8н-з/132-сон маълумотномаси) такомиллаштирилди. Меъданинг кичик эгрилигини интраоперацион ички ёруғлик билан белгилаб олишнинг такомиллаштирилган усули меъдада хавфсиз енгли резекция амалиётини ўтказишга ёрдам беради, бу эса ушбу бариатрик жарроҳлик амалиётидан кейинги ўзига хос асоратларни ривожланиш хавфини камайтирган;
морбид семизлик билан касалланган беморларга кўрсатилаётган жарроҳлик ёрдами сифатини яхшилаш бўйича олинган илмий натижалар соғлиқни сақлашнинг амалий фаолиятига, хусусан, «Академик В. Воҳидов номидаги Республика ихтисослаштирилган хирургия илмий-амалий тиббиёт маркази» Давлат муассасасининг эндовизуал жарроҳлик бўлими, Ибн Сино номидаги 1-сон шахар клиник шифохонасининг жарроҳлик бўлими (Тошкент), шунингдек, “Vitamed Medical” МЧЖ ХК кўп тармоқли тиббиёт марказининг жарроҳлик бўлими амалиётига жорий этилган (Соғлиқни сақлаш вазирлигининг 2020 йил 30 октябрдаги 8н-з/132-сон маълумотномаси). Соматик ҳолатни баҳолаш учун комплекс ёндашув ва морбид семизлик билан касалланган беморларда меъданинг лапароскопик енгли резекциясининг такомиллаштирилган техникаси ортиқча вазн йўқотилишини 93% гача етказиш, шунингдек, аралашувдан кейин 12 ой ўтгач, ўртача ва юқори кардиометаболик хавфга эга беморлар сонини 1,9 баравар камайтириш имконини берган.