Кабулов Тимур Мэлсовичнинг
фалсафа доктори (PhD) диссертацияси химояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Семизлиги бўлган беморларда рестриктив операциялар натижаларини яхшилаш йуллари», 14.00.27 – «Хирургия» (тиббиёт фанлари).
Диссертация мавзуси рўйхатга олинган рақам: №B2019.1.PhD/Tib790.
Илмий рахбар: Хашимов Шухрат Хуршидович, тиббиёт фанлари доктори.
Диссертация бажарилган муассаса номи: «Академик. В. Вохидов номидаги Республика ихтисослаштирилган илмий-амалий тиббий хирургия маркази» ДК
ИК фаолият кўрсатаётган муассаса номи, ИК рақами: академик В.Воҳидов номидаги Республика ихтисослаштирилган хирургия илмий-амалий тиббиёт маркази DSc.04/30.12.2019.Tib.49.01 
Расмий оппонентлар: Акбаров Миршавкат Миролимович, тиббиёт фанлари доктори, профессор; Тешаев Октябр Рухуллаевич, тиббиёт фанлари доктори, профессор.
Етакчи ташкилот: А.Н. Сизганов номидаги миллий илмий хирургия маркази (Қозоғистон)
Диссертация йўналиши: амалий аҳамиятга молик.
II. Тадқиқотнинг мақсади: морбид семизликни даволашда ошқозоннинг лапароскопик енгли резекцияси натижаларини яхшилаш ва ташрихдан сўнгги турли муддатларда унинг самарадорлигини бахолашдан иборат.
III. Тадқиқотнинг илмий янгилиги:
морбид семизликнинг тери ости-висцерал тури ривожланиш даражаси оғирлигини аниқлаш ва бўлиши мумкин бўлган интраоперацион техник қийинчиликлар тавсифини башорат қилишга имкон берган ёғ захираси тарқалишининг антропометрик хусусиятлари аниқланган;
эндовизуал киришни яхшилаш учун нуқталар жойлашувини ва  қисувчи чоклар етишмовчилигини олдини олиш учун ошқозонни вертикал тикишнинг техник жихатларини такомиллаштириш имконини берувчи лапароскопик енгли резекциянинг специфик асоратлари ривожланиши хавфига таъсир этувчи омиллар аниқланган;
семизлиги бўлган беморларда лапароскопик енгли резекцияни бажаришдаги техник жихатларни яхшилаш имконини берувчи ошқозон визуализациясини такомиллаштириш усуллари мукаммаллаштирилган;
амалиётдан кейинги эрта ва кечки муддатларда гипертриглицеридемия ва дислипидемия бошқа белгиларининг узайган регрессини аниқлаш билан ошқозоннинг лапароскопик енгли резекцияси метаболик самарадорлигининг клиник-патогенетик хусусиятлари аниқлик киритилган;
ошқозон лапароскопик енгли резекциясининг рестриктив самараси амалиётдан сўнг 12 ойдан кейин максимал пайдо бўлиши исботланган хамда 2-3 йил давомида эришилган натижа турғунлиги билан тана вазни камайишининг оптимал кўрсаткичлари таъминланган. 
IV. Тадқиқот натижаларининг жорий қилиниши.
Морбид семизлиги бўлган беморларни жаррохлик йўли билан даволаш натижаларини яхшилаш бўйича ўтказилган илмий тадқиқот натижалари асосида:
“Ёғ захираси тахлилини инобатга олган холда, ошқозон лапароскопик енгли резекциясининг тактик-техник жихатларини такомиллаштириш” услубий тавсияномаси ишлаб чиқилган (Соғлиқни сақлаш вазирлигининг 2020 йил 21 октябрдаги №8н-з/124-сон маълумотномаси). Таклиф этилган тавсиялар тери ости ва висцерал ёғ захираларининг ошқозон лапароскопик енгли резекциясини амалга оширишнинг тактик-техник жихатларига таъсирини аниқлаш имконини берди;
семизлиги бўлган беморларда лапароскопик енгли резекция амалиётини бажаришда ошқозон визуализациясини мақбуллаш усули мукаммаллаштирилган (Соғлиқни сақлаш вазирлигининг 2020 йил 21 октябрдаги №8н-з/124-сон маълумотномаси). Таклиф этилган усул ошқозон лапароскопик енгли резекцияси амалиётини бажаришда манфаатли майдон сохасига кириш ва кўриб чиқишни яхшилаш хамда бўлиши мумкин бўлган интраоперацион асоратлар хавфини камайтириш имконини берган;
морбид семизликдага рестриктив лапароскопик амалиётларнинг техник жихатларини такомиллаштириш бўйича олинган илмий натижалар соғлиқни сақлаш тизимига, хусусан, “акад. В.Вохидов номидаги Республика ихтисослаштирилган хирургия илмий-амалий тиббиёт маркази” давлат муассасаси, Ибн Сино номидаги 1-сон шахар клиник шифохонаси жаррохлик бўлимлари, “Vitamed Medical” хусусий клиникаси амалий фаолиятига тадбиқ этилган (Соғлиқни сақлаш вазирлигининг 2020 йил 21 октябрдаги №8н-з/124-сон маълумотномаси). Бариатрик амалиётларни режалаштиришда тадқиқот натижаларидан фойдаланиш ташрих давомийлигини 1,4 маротабага, интра- ва ташрихдан кейинги асоратлар сонини, шифохонада ётиш муддатини 5,2±0,2 кундан 3,1±0,2 кунга қисқартириш, хамда амалиётларнинг метаболик самарадорлиги дислипидемия камайиши хисобига 2,9 мартага, гипертриглицеридемияда – 7 мартага, гипергликемияда – 3,6 мартага яхшиш имконини берган.