Юлдашева Хавасхон Тожидиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Фарғона водийси шароитида зайтун навларининг биологик хусусиятлари, қимматли-ҳўжалик белгилари ва кўпайтириш усулларини ишлаб чиқиш”, 06.01.07–Мевачилик ва узумчилик (қишлоқ хўжалиги фанлари).
Диссертация мавзуси рўйхатга олинган рақам: B2018.4.PhD/Qx100.
Илмий раҳбар: Ёрматова Дилором Ёрматовна, қишлоқ хўжалиги фанлари доктори, профессор.
Диссертация бажарилган муассаса номи: Тошкент давлат аграр университети Андижон филиали.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/28.08.2020.Qx.13.03.
Расмий оппонентлар: Исламов Сохиб Яхшибекович, Тошкент давлат аграр университети ўқув ишлари бўйича проректори, қишлоқ хўжалиги фанлари доктори, профессор; Жураев Эркин Бахтиёрович, қишлоқ хўжалиги фанлари бўйича фалсафа доктори.
Етакчи ташкилот: Академик М.Мирзаев номидаги Боғдорчилик, узумчилик ва виночилик илмий-тадқиқот институти.
Диссертация йўналиши: амалий аҳамиятга молик.
II. Тадқиқотнинг мақсади Фарғона водийси шароитида зайтунзорлар яратиш мақсадида, интродукция қилинган зайтунни нав намуналарини морфо-биологик ва қимматли-хўжалик белгиларини баҳолаш, янги, истиқболли навларни иқлимлаштириш ва етиштириш технологиясини ишлаб чиқишдан иборат.
III. Тадқиқотнинг илмий янгилиги:
илк бор зайтунни иқлимлаштирилган нав намуналарининг морфо-биологик ва қимматли-хўжалик белгилари юқори бўлган истиқболли навлари ажратилган;
зайтун навларининг танлов синови ташкил этилган ва уларнинг истиқболлилари Давлат нав синовига топширилган;
зайтуннинг иқлимлаштирилган «Изумруд» ва «Қоракўз» навларининг совуққа чидамлилиги аниқланган;
Фарғона водийси шароитида зайтуннинг иқлимлаштирилган «Изумруд» ва «Қоракўз» навларини кўпайтириш технологиясининг самарали усули ишлаб чиқилган;
зайтуннинг иқлимлаштирилган «Изумруд» ва «Қоракўз» навларини етиштиришнинг агротехник тадбирлар мажмуи ишлаб чиқилган.
IV. Тадқиқот натижаларининг жорий қилиниши.
Фарғона водийси шароитида зайтунзорлар яратиш мақсадида интродукция қилинган зайтунни нав намуналарини морфо-биологик ва қимматли-хўжалик белгиларини баҳолаш, янги, истиқболли навларни иқлимлаштириш ва етиштириш технологиясини ишлаб чиқиш бўйича олиб борилган илмий-тадқиқот натижалари асосида: 
боғдорчиликка ихтисослаштирилган фермер хўжаликлари учун «Зайтун етиштириш усуллари», «Ўзбекистон зайтуни» номли монографиялар, «Зайтун агротехникаси ва самарадорлиги» ва «Иқлимлаштирилган зайтун навларини етиштириш бўйича агротехник тадбирлар схемаси» номли тавсияномалар тасдиқланган (Қишлоқ хўжалиги вазирлигининг 2019 йил 18 февралдаги 02/030-99-сон маълумотномаси). Натижада ушбу ишланмалар боғдорчиликка ихтисослашган фермер хўжаликларида зайтун экинларини ва кўчатларини етиштиришда қўлланма сифатида хизмат қилмоқда; 
зайтун қаламчаларига турли стумуляторлар қўллаш орқали кўчатларни илдиз отиш сифати, ўсиши, ривожланишига таъсири бўйича ишланмаси Фарғона вилояти Учкўприк тумани «Меҳригиё» хусусий корхонасининг дала майдончасида жорий этилган (Қишлоқ хўжалиги вазирлигининг 2019 йил 18 февралдаги, 02/030-99-сон маълумотномаси). Бунинг натижасида 0,1 гектар майдонда 63258 дона юқори сифатли кўчат етиштирилиб, иқтисодий самарадорлиги ўртача 177,1 млн. сўмни ташкил этган. 
зайтун қаламчаларига экишдан олдин ўсишни бошқарувчи модда (ИМК) билан ишлов беришнинг кўчатларни илдиз отиш сифати, ўсиши ва ривожланишига таъсири бўйича ишланмаси Андижон вилоятидаги Халқаро Бобур Хайрия фонди қошида «Субтропик экинлар Илмий марказида» 0,1 гектар майдонда жорий этилган (Қишлоқ хўжалиги вазирлигининг 2019 йил 18 февралдаги, 02/030-99-сон маълумотномаси). Натижада 58631 донагача юқори сифатли кўчат етиштиришга эришилган ва иқтисодий самарадорлик ўртача 164,1 млн. сўмни ташкил этган;
зайтуннинг «Изумруд» ва «Қоракўз» навлари яратилиб, Қишлоқ хўжалиги экинлари навларини синаш Марказига топширилган (Қишлоқ хўжалик экинлари навларини синаш Давлат комиссиясининг 2015 йил 6-сентябрдаги 53/4-403-сон маълумотномаси). Натижада мазкур навлар Андижон вилоятининг нав синаш станцияларида Давлат нав синовидан ўтказилиб, 2015 йилдан Ўзбекистон ҳудудида экишга тавсия этилган қишлоқ хўжалиги экинлари Давлат реестрига киритилган.