Хашимова Нигора Рустамовнанинг
докторлик диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ғўзанинг фитопатогенларга қарши чидамлилик механизмининг шаклланиши ва уни табиий бирикмалар асосида бошқариш», 02.00.10–Биоорганик кимё (биология фанлари).
Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /биология фанлари номзоди/.
Диссертация мавзуси рўйхатга олинган рақам: : 30.09.2014/В2014.3-4.В3.
Илмий маслаҳатчи: Ахунов Али Ахунович, биология фанлари доктори, профессор.
Диссертация бажарилган муассаса номи: Биоорганик кимё институти.
ИК фаолият кўрсатаётган муассаса номи, ИК рақами: Биоорганик кимё институти ва Ўзбекистон Миллий университети, 14.07.2016.K/В/T.13.01 рақамли илмий кенгаш асосидаги бир марталик илмий кенгаш.
Расмий оппонентлар: Тилябаев Заитжон, биология фанлари доктори, профессор; Турдикулова Шахлохон Уткуровна, биология фанлари доктори, доцент; Цеомашко Наталья Евгеньевна, биология фанлари доктори.
Етакчи ташкилот: Микробиология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ғўзада ҳимоя жараёнлари шаклланишининг биокимёвий механизмларини аниқлаш, селекция материалининг фитопатогенларга нисбатан чидамлилигини баҳоловчи тест-тизимини яратиш, глицирризин кислотаси препаратлари асосида муҳитнинг биотик омилларига нисбатан ғўзанинг чидамлилигини оширишдан иборат.
III. Тадқиқотнинг илмий янгилиги:
V.dahliae, F.oxysporum замбуруғлари таъсири остида чидамли ва чидамсиз ғўза навларининг фитопатогенлар билан зарарланган жойларида кислороднинг фаол шакллари ва оксидловчи стресснинг локал зонасини юзага келтирувчи анион пероксидаза, полифенолоксидаза ва фенилаланин аммиак-лиаза иштирокидаги бирламчи ҳимоя реакцияларининг шаклланиш механизми асослаб берилган;
илк бор ғўзанинг резистентлик даражасини прогнозлашга имкон берувчи иммун-ферментли таҳлил асосида ғўзанинг замбуруғли касалликларга чидамлилигини баҳолаш тест-тизими ишлаб чиқилган;
ғўза етиштириш амалиётида муҳитнинг биотик ва абиотик омилларига чидамлиликни оширувчи ДАГ-1 ва ДАГ-2 препаратларини қўллаш асосида табиий асосга эга препаратлардан носпецифик чидамлилик индукторлари сифатида фойдаланишнинг мутлақо янги концепцияси ишлаб чиқилган;
ДАГ-1 препарати таркибидаги салицил кислотанинг ғўзада фитопатогенларга нисбатан чидамлилигини бошқарувчи асосий хусусияти аниқланган, ғўзада индуцирланган системик чидамлилик шаклланишида салицил кислотанинг сигнал молекуласи сифатида иштирок этиши исботланган;
препаратларнинг табиий фитогормонлар таъсирига мос келувчи кичик 10-7 М концентрацияда экиш олдидан чигитларга ишлов бериш ғўза ўсимлигини ўсиш ва ривожланишини стимулловчи ва ҳимояни пролонгирловчи таъсири аниқланган.
IV. Тадқиқот натижаларининг жорий қилиниши:
Ғўзанинг турли навларида фитоиммунитет ферментларини физик-кимёвий, биологик хоссаларини ўрганиш ҳамда фитопатогенларга қарши чидамлиликни индуцирловчи глицирризинатларнинг таъсир механизмини аниқлаш асосида:
ғўзанинг хитин-махсус пероксидазалари гомоген ҳолда ажратиб олиш усулига Ўзбекистон Республикаси Интеллектуал мулк агентлигининг ихтирога патенти (31.12.2012 й., №IAP 04619) олинган. Илмий тадқиқот натижасида иммунофемент таҳлил усули билан ғўзанинг вилтга чидамлилигини баҳолаш тест-тизими яратилган;
ғўза навларининг вилтга чидамлилигини баҳолаш тест-тизимига Ўзбекистон Республикаси Интеллектуал мулк агентлигининг ихтирога патенти (27.02.2015, №IAP 05005) олинган. Илмий тадқиқот натижасида олинган тест-тизими апробациядан ўтказилган ва ғўзанинг турли навлари ва тизмаларини вилтга чидамлилигини аниқлаш имконини берган;
маҳаллий хомашёдан олинган глицирризин кислотанинг салицил кислотаси билан супрамолекуляр комплекси ва глицирризин кислотанинг моноаммонийли тузининг индукторлар сифатида қўлланилиш технологиясига Ўзбекистон Республикаси Интеллектуал мулк агентлигининг ихтирога патенти (30.10.2015 й., №IAP 05090) олинган. Илмий тадқиқот натижасида ДАГ-1 и ДАГ-2 препаратларининг паст концентрацияси (10-7 М) ғўзани фиотопатогенларга нисбатан чидамлилигини оширувчи ва фитоиммунитетнинг асосий ферментларига пролонгирловчи хусусиятининг таъсир механизмини исботлашга хизмат қилган;
Ўзбекистон Республикаси ўсимликларни муҳофаза қилиш ва кимёлаштириш воситалари бўйича Давлат комиссияси томонидан ДАГ-1 ва ДАГ-2 препаратлари рўйхатга олинган ва гувоҳномалар олинган (23.01.2015 й., №1А 946 ва 09.02.2016 й., №1А 1156). Илмий тадқиқот натижасида ДАГ-1 ва ДАГ-2 препаратларини чигитларга экиш олдидан ишлов беришда фойдаланилган.
