Султонов Мирзаолим Мирзарахматовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пахта чиқиндиларига ишлов бериш қурилмасини яратиш ва параметрларини асослаш”, 05.02.03 – Технологик машиналар. Роботлар, мехатроника ва робототехника тизимлари (техника фанлари).
Диссертация мавзуси рўйхатга олинган рақам:  В2020.2.PhD/Т1139.
Илмий раҳбар: Обидов Авазбек Азаматович, техника фанлари доктори, доцент.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/30.12.2019.T.66.01.
Расмий оппонентлар: Мухаммадиев Давлат Мустафоевич, техника фанлари доктори, профессор; Эргашев Жамолиддин Саматович, техника фанлари доктори, доцент.
Етакчи ташкилот: Фарғона политехника институти.
Диссертация йўналиши: амалий аҳамиятга молик.
II. Тадқиқотнинг мақсади толали чиқиндилардан тола ажратиш қурилмасининг рационал конструкциясини яратиш ва корхонага жорий қилиш орқали тола ишлаб чиқариш ҳажмини оширишдан иборат. 
III. Тадқиқотнинг илмий янгилиги:
чиқинди таркибидаги толаларни ажратиб олиш усул ва воситалари таҳлиллари асосида толали чиқиндилар таркибидан саноатда ишлатишга яроқли толаларни ажратиш қурилмаси ишлаб чиқилган;
тола ажратиш қурилмасининг ажратувчи барабанига толадор массанинг таъсири ва хусусиятларини инобатга олган ҳолда барабан ва унинг вали мустаҳкамлигини аниқлаш усули ишлаб чиқилган;
ажратувчи барабанларнинг толали массадан узун толаларни ажратиб олиш имкониятини ҳамда ундаги толалар ҳаракатини таҳлил қилган ҳолда, янги қурилма ишчи органларининг параметрлари аниқланган;
тола ажратиш қурилмасини ишлаб чиқариш шароитида синаш натижаларини инобатга олган ҳолда, тишли гарнитурали барабанлар параметрлари экспериментал усулда аниқланган;
толали чиқинди таркибидан толани ажратиб олиш жараёнини режали тажрибалар асосида ўрганиш натижаларини  инобатга олиб, қурилмада тола ажралиши даражасини баҳолашнинг математик-статистик усули ишлаб чиқилган.
IV. Тадқиқот натижаларининг жорий қилиниши. 
Пахта толасини толадор чиқиндилар таркибидан ажратиб берадиган технологияни ишлаб чиқиш бўйича олинган натижалар асосида:
толали чиқиндилар таркибидан саноатда ишлатишга яроқли толаларни ажратиш қурилмаси “Ўзпахтасаноат” АЖ тассаруфига кирувчи “Косонсой пахта тозалаш” корхонасига жорий этилган (“Ўзпахтасаноат” АЖнинг 2020 йил 30 июлдаги 03-18/2051-сон маълумотномаси). Натижада, чиқиндилар таркибидан тола ажратиш самарадорлигини 5,0÷6,0 %, тола чиқишини 0,22 % га ошириш имкони яратилган;
толали чиқиндилар таркибидан саноатда ишлатишга яроқли толаларни ажратиб олиш жараёни рационал параметрлари “Ўзпахтасаноат” АЖ тассаруфига кирувчи “Косонсой пахта тозалаш” корхонасига жорий этилган (“Ўзпахтасаноат” АЖнинг 2020 йил 30 июлдаги 03-18/2051-сон маълумотномаси). Натижада, қурилма иш унумдорлиги ўртача 400 кг/соатга ошган ҳамда электр энергияси сарфи соатига 4 кВтгача камайган.