Мамуров Баҳодир Арифжановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий карбонатли хомашёлардан фойдаланган ҳолда кальций ва магний фосфатли ўғитлар олиш технологиясини ишлаб чиқиш», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2018.4.PhD/Т863. 
Илмий раҳбар: Шамшидинов Исраилжон Тургунович, техника фанлари доктори, профессор.
Диссертация бажарилган муассаса номи: Наманган муҳандислик-қурилиш институти.
ИК фаолият кўрсатаётган муассасалар номи, ИК рақами: Наманган муҳандислик-технология институти, PhD.03/30.12.2019.К/Т.66.02.
Расмий оппонентлар: Дехканов Зулфикахар Киргизбаевич, техника фанлари доктори; Нурмуродов Тулкин Исамуродович, техника фанлари доктори.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятига молик.
II. Тадқиқотнинг мақсади: Марказий Қизилқум фосфоритларидан олинган экстракцион фосфат кислотасини карбонатли хомашёлар - бўр, оҳактош, доломит, карбонатли саноат чиқиндилари ва уларни термик қайта ишлаш маҳсулотлари билан нейтраллаш орқали таркибида кальций ва магний бўлган концентрланган оддий фосфорли ўғитлар олишнинг самарадор технологиясини ишлаб чиқишдан иборат.
III. Тадқиқотнинг илмий янгилиги:
минимал кўпикланиш даражаси кузатиладиган таркибида кальций ва магний бўлган карбонатли минераллар - бўр, оҳактош, сув тайёрлаш саноат чиқиндиларини термик қайта ишлашнинг мақбул технологик кўрсаткичлари аниқланган;
илк бор таркибида кальций бўлган табиий карбонатли минераллар ва сув тозалаш чиқиндилари, шунингдек уларга термик ишлов бериш маҳсулотлари билан Марказий Қизилқум фосфоритлари асосидаги экстракцион фосфат кислота ва аммоний нитрат билан фаоллаштирилган ЭФКни нейтраллаш йўли билан таркибида кальций ва магний бўлган концентрланган фосфорли оддий ўғитлар олиш жараёнлари асосланган;
илк бор доломитни экстракцион фосфат кислотаси билан дастлабки термик ишлов бермасдан парчалаш жараёнида барқарор кўпикланиш содир бўлмаслиги аниқланган;
илк бор Марказий Қизилқум фосфоритлари асосидаги ЭФК билан таркибида кальций ва магний бўлган табиий карбонатли минераллар ва сув тозалаш саноати чиқиндиларини парчалаш орқали концентрланган оддий фосфорли ўғитлар олишнинг энг мақбул технологик параметрлари аниқланган;
Марказий Қизилқум фосфоритлари асосидаги экстракцион фосфат кислота билан табиий карбонатли минераллар ва сув тозалаш саноати чиқиндиларини парчалаш орқали таркибида кальций ва магний бўлган концентрланган оддий фосфорли ўғитлар олиш технологиялари ишлаб чиқилган.
IV. Тадқиқот натижаларининг жорий қилиниши. 
Таркибида кальций ва магний бўлган карбонатли минераллар ва саноат чиқиндиларини концентрланган оддий фосфорли ўғитларга қайта ишлаш технологиясини ишлаб чиқиш бўйича олинган илмий натижалар асосида:
мураккаб азот-фосфорли ўғит олиш усулига Ўзбекистон Республикаси Интеллектуал мулк агентлигининг ихтирога патенти олинган (№IAP 05912, 2019 й.). Натижада, ЭФК ва аммоний нитрат билан фаолланган ЭФКни карбонатли хомашёлар билан нейтраллаш, суспензияни буғлатиш, донадорлаш ва қуритиш орқали концентрацияланган кальций ва магнийфосфатли ўғитлар олиш имконини берган;
ишлаб чиқилган технология асосида таркибида кальций ва магний бўлган карбонатли минераллар ва сув тайёрлаш саноати чиқиндиларидан фойдаланган ҳолда концентрланган оддий фосфорли ўғитлар ишлаб чиқарилган («Ўзкимёсаноат» АЖнинг 2019 йил 31 октябрдаги 14-6691-сон маълумотномаси). Натижада, таркибида кальций ва магний бўлган карбонатли минераллар ва азотли ўғитлар корхоналарининг сув тозалаш иншоотлари чиқиндиларини қайта ишлашга қамраб олиш ва концентрланган оддий фосфорли ўғитлар олиш имконини берган.