Тоштемиров Санжар Жуманиязовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Пахта далаларини пуштага экиш учун тайёрлаш технологияси ва агрегатини ишлаб чиқиш”, 05.07.01 - Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2018.2.PhD/T617.
Илмий  раҳбар: Маматов Фармон Муртозевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Қарши муҳандислик-иқтисодиёт  институтути, PhD.03/30.06.2020.Т.111.02.
Расмий  оппонентлар: Худаяров Бердирасул Мирзаевич, техника фанлари доктори, профессор; Абдураҳмонов Ўрал Норматович, техника фанлари номзоди.
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ғўзапоясиз пахта далаларини пуштали экишга сифатли тайёрлаш ва энергия-ресурстежамкорликни таъминлаш учун тупроққа ишлов бериш билан бир вақтда пушта шакллантирадиган агрегатни ишлаб чиқишдан иборат.
III. Тадқиқотнинг илмий янгилиги:
ғўзапоясиз далаларни комбинациялашган агрегат ёрдамида бир ўтишда пуштага экиш учун тайёрлаш технологияси ишлаб чиқилган; 
ғўзапоясиз далаларда  мавжуд эгатлар ўрнида янги пушталар ва мавжуд пушталар ўрнида эса янги эгатлар шакллантирувчи агрегатнинг конструктив схемаси ишлаб чиқилган ва технологик иш жараёни асосланган;
ғўзапоясиз далаларга ишлов берувчи агрегат иш органларининг тупроқ билан ўзаро таъсирлашиш жараёнларини ифодалайдиган аналитик боғланишлар асосида уларнинг мақбул параметрлари асосланган;
агрегатнинг параметрлари ва агрегат ҳаракат тезлигига боғлиқ равишда ўзгаришини ифодаловчи боғлиқликлар асосида агротехник ва энергетик кўрсаткичлари аниқланган.
IV. Тадқиқот натижаларининг жорий қилиниши:
далаларни пуштали экишга тайёрлашнинг янги усулига Ўзбекистон Республикаси Интеллектуал мулк агентлигининг ихтирога патенти олинган («Қишлоқ хўжалик экинларини пушта ва жўякларга экиш учун тупроқни тайёрлаш усули»,  № IAP 04832, 2014 й.). Натижада, ғўзапоясиз пахта далаларини пуштали экишга тайёрлаш технологиясини ишлаб чиқиш имкони яратилган;
ғўзапоясиз далаларни пуштали экишга тайёрлайдиган машинага Ўзбекистон Республикаси Интеллектуал мулк агентлигининг фойдали моделга патенти олинган («Уйғунлашган тупроққа ишлов бериш қуроли», №FAP 00672-2011 й.). Натижада, бир ўтишда ғўзапоясиз далаларда мавжуд эгат ўрнида янги пушта, мавжуд пушта ўрнида эса янги эгат шакллантиришни амалга оширадиган агрегат конструкциясини ишлаб чиқиш имкони яратилган;
бир ўтишда ғўзапоясиз далаларни пуштали экишга тайёрлашда технологик жараёнлар бажарилишининг сифат кўрсаткичларини баҳолашга дастлабки талаблар ва агрегат конструкциясини лойиҳалашга техник топшириқ «BMKB-Agpomash» АЖда жорий этилган (Қишлоқ хўжалиги вазирлигининг 2018 йил 8 майдаги 02/023-21-сон маълумотномаси). Натижада, ағдаргичлар билан жиҳозланган қия тутқичли чуқурюмшаткичлар ва пуштаолгичлардан ташкил топган осма ва юқори манёврли агрегат конструкциясини ишлаб чиқиш имкони яратилган;
бир ўтишда ғўзапоясиз далаларни пуштали экишга тайёрлаш учун ишлаб чиқилган агрегат Қишлоқ хўжалиги вазирлиги тасарруфидаги фермер хўжаликларида жорий этилган (Қишлоқ хўжалиги вазирлигининг 2018 йил 8 майдаги 02/023-21-сон маълумотномаси). Натижада, ғўзапоясиз далаларни пуштага экишга тайёрлашда ёнилғи-мойлаш материаллари сарфи 2,79 марта ва фойдаланиш харажатлари 36,62 фоизга камайган.